قصة عذاب
--------------------------------------------------------------------------------




تزعل جروحي واراضي صمتها فيني
وأقول ويلي من القصـة وراعيهـا
ما كنـي إلا عصـاةٍ مـا تجدينـي
في مهمهات العيون وشوف مغليهـا
كسرت حبري على جمـرٍ يدفينـي
واشعلت حبي قصايد نصفهـا فيهـا
مثلـي تمـوت وتباهـا بالعناوينـي
ما حصلت روح تزعلها وترضيهـا
في دفتري حس ما تصلّـه ايدينـي
مثـل القصيـدة تتوهنـي معانيهـا
دمعٍ بخدي ودمع مات فـي عينـي
والسالفه يا بعدي هـاذي مباديهـا
تشوفني صمت بعيونـك وتحكينـي
وارسمك قصة عذابٍ مت أنا فيهـا
وتشوفني حزن ما تقـدر تواسينـي
وأشوفك الشمس تحويني حواريهـا
دخيل عينـك حبيبـي لا تجافينـي
ارفق بحالـي وروحـي لا تخليهـا
وإن ما حصل منك لو نظره تكفينـي
أضمها في عروقي شوق وارويهـا









[glow=FFCC66] أختكم في الله القمر المضئ[/glow]