السلام عليكم ورحمة الله وبركاته ...
أحببت المشاركة بهذه القصيدة .. والتي أعجبتني
وأتمنى أن تحوز على إعجابكم ..

تخيّل .. والحنين ايام .. وشهور تعد شهور
تخيل .. والطفل يكبر .. ويمشي .. وينحني ظهره
تخيل .. وأنت في عرس الطيوف وهدنة الديجور
هناك اللي صفع وجه الظلام .. بخيره وشره
هناك وما بقت إلا معالم مقبره .. وقبور
وجار المسجد يصلي جماعة ولا أحد يمره
تصدق .. كلما شفت الفصول تمر بي وتدور
عيوني تقطف أزهار الربيع وداخلي حره
أسولف يا كبر هم السوالف والاراضي البور
وثمرة هالاماني الوراقة .. طعمها مره
هلا ودم القصيد بداخل عروق الحنين يثور
وتصحي به شتاءات الوصال .. وتعقد الغره
عجوز كلما خطى لعن عكازه المكسور
وطفل والوقت في ظنه يسير وخلفه يجره
صباح الخير بالواجب يردوها بصباح النور
وذاك الصبح ما صبح على بحره .. ولا بره
سراب ولهفة الظامي بنت فوق السراب قصور
لك الله يا وجوه الموج صافينا ولو مره
تضج الريح وتغني .. ولكن وش يهز الطور
وقف ما تعبت أكتافه وعن أحداقه حفظ سره
تفضل .. طفي شموعك .. وفرق لمة الجمهور
عليك البحر لو يزعل.. تمنى وصلة الردة
تفضل .. واشرب أحلامك وعيش برنة البلور
يقال .. في صحتك لكن توقعها لك مضره
من عيوني .. إلى عيونك .. رسالة تسلم ومشكور
سلامة عقلك الناضج اذا في قلبك مقره
سلامة هالصباح اللي صبح يبكي عليه النور
وذاك الطفل لي (ف) أول صباه .. ومنحني ظهره

للشاعر ... خديم الريسي
**************

الله قصيده جميله اخوي اشخراوي
وفقت بالاختيار

تسلم اخي اشخراوي
كلمات جميله وفقت في الاختيار


دوما الي الامام ان شاء الله


اخوك سفير الاحزان

مشكور أخوي أشخراوي على هالكلمات الرائعه

صح السانك اخوي اشخراوي
تسلم على هالقصيدة الي اكثر من روعة
وننتظر المزيد والافضل



ريمان

يسلمووو على هذه المشاركه الرائعه

ريم السلطنة
تسلمي على الرد والتواصل

الله يعطيج العافية ,,,

سفير الاحزان
مشكور .. اخي الكريم
وتسلم على الرد والتواصل بالموضوع

مع خالص التحية ,,,

عطر النسيان
مشكورة الغالية على الرد والتواصل
والله يعطيج العافية

ريمان
الله يسلمج ويسلم غاليج
وتشكري على الرد والتواصل بالموضوع

اقبلي خالص التحية ,,,