ياحزن



ياحزن ٍ ماعندك خـوي ٍ بدالـي
ياخـذك منـي واتنفـس بليّـاك


اتنهدك واسهـر طـوال الليالـي
واقول يمكن واعتذر عن خطاياك


مليت حزن ٍ طال ياويـل حالـي
يسراك تجرح والمأسـي بيمنـاك


تعبت واتعبنـي زمـان أحتمالي
خلاص يكفيني ألم فـي هدايـاك


تخفي يميني كتبها عـن شمالي
واخفي لواعج لوعتي من سواياك


مايدفعك حـرفٍ يـدور بخيالـي
وان جيت للواقع تدافعت بـإخطاك


انابشمسك وأنت تسكن ظلالي
ظلمت حي ٍ من طفولته خـاواك


لامرحبا بـك قلتهـا أول وتالـي
وماقلت لك في طلعتك تم حيـاك


ابعد وببعـد دام جـوي صفالـي
نفسي أعيش العمر لحظه بليّـاك


أشقيتني ياحـزن بـس إتكالـي
على الولي اللي برجواه أبا أقواك