زهــــور الطبيعه منك تاخذ شذاها**** وتستاصل القمرا من خدودك النور

بنت البدو سبحان ربي عطاها**** حسن وجمال وعود وعيون غندور

ماريت في باقي المداين شراها**** ماس وجواهر صافيه ولو منثور

تامر وتنهي يالسه في خباها *** وتشع من خلف الخبا تقول بلور

كل العذارى خادمات معاها**** مايرفضن امر يجيهن ولا شور

تختال في المشيه وتقصر خطاها** وتخز بعيون لها رمش مخطور

وقفت ساعه يا ملا اتامل حلاها** لقيت وصفي يا ملا معلن اقصور

هل كيف اوصف نجمه في سماها** او دره تسكن عميقات الابحور

لازهره بيضاء غسلها نداها** لاشيء في الدنيا ثمين ومشهـور

وصوف صعبه مستحيلن قصاها** وصفك يباله عدة اسنين وشهور

بنت البدو الروح عندك دواها*** والقلب في جربك سعيد ومسرور

ان رحتي عني روحي الموت ياها** وان جيتني افز من العقو واثور

بنت البدو حالي ومالي فداها**** واهدي لها فوق ماتبي باقة ازهور

ان مت ادفنوني قريب من حماها*** عسى مع الايام صوب قبري تزور



تحياتي لكم

من حافظاتي

الشفــــــره

الصررررررررراحة كلماااااااات في غاية الرووووووعة وفي قمة التعبير الادبي ........
تسام يمناك الي خطت هالكلاااااااااااام الجميل اختي ...............
ويعطيك الله العافية..............

تسلم يمناك على ما خطت

كلمات جميلة ومشاعر دفيئة
سعدت كثيرا بهذه الكلمات الرائعة
واتمنى ان اقرأ المزيد دوما ...

تحيتي لك

كلمات في غاية الروعه اخي الشفره وتسلم على ما خطته يدك