هذي قصيده مقصوده من الواقع "



توك تجي تطلب رضا قلب ناسيك .. ذابت ورودك واصبحن يابساتي

ضيعت حبي ياعسى الله يجازيك .. وانكرت قلبي يومك اغلى امنياتي

واليوم قلبي يبتعد عن موانيك .. والحين توها ابحرت باخراتي

لاتحسبني عاشق وميت فيك .. ولاتحسبني غافل في عماتي

هذا كتابي كاتب فيه ماضيك .. مافات كله كاتبه يوم فاتي

يومك تخون وتطعن القلب بيديك .. ويومك تنقص بالمشاعر غلاتي

ويومك تعيش بحب غيري واناديك .. تسمع ولاكنك تحس بشقاتي

ادري فرحت وصار همي يسليك .. وادري شعوري ذاق عقبك مماتي

والحين واللـه لاجرحك مااداويك .. عندي جروح وماصنعت الدواتي

والحين قلبي في همومك يخليك .. لقيت غيرك وآبذوق الهناتي

وارجـوك تبعد خلني اعيش ناسيك .. تكفى طلبتك لاتكدر حياتي


،،، اجمـــــل التحـــايا ،،،
الهاجس