عقب الفقر




بعد الفقر حطت شريحة وجـوال

يسعد مسـا جوالهـا والشريحـه

كانت تجيني تشتكي قلـة المـال

وتصيح لاجا طاري الفقر صيحه

تقول أبـويـها دايـم الـدوم رحـال

وأمي كبيرة سـن دايـم طريحـه

وأنت الوحيد اللي لك القلب ميـال

دايــم تــصارحــني وأنا له صريـحـه

طفله وأنا معشوقها بين الأطفـال

جريح حب وطاح له في جريحـه

كنا سواى نرسم على التربه آمـال

وأحلام تقتلهـا الحيـاة الشحيحـه

كم دمعةٍ كانت على الخد تنهـال

وإذا أنزلت ضاقت على الفسيحـه

الله كم صرخة وهمسـه ومـوال

الله كم جـادت علينـا القريحـه

نخيل لوما في السماء برق وخيال

واقول انا المملوح وأنتي ملـيــحه

تقول لا حطيت لك بشت وعقـال

وسخر لك الرحمن عيشه مريحـه

أخاف تتركني على عثـرة الفـال

للفقـر ووجيـه الحيـاة القبيحـه

وحبيتها بيـن الخلايـق والأزوال

حـــــــــــــبٍ بــطــــــــــــــــــــــــــــــــــــول الوقت محـدٍ يزيحـه

وسلمتها قلـبٍ تباريـه الأهـوال

وطاح الخفوق وطيحة القلب طيحه

راحت وخلتنى مع القيـل والقـال

شاعر صواد يـــف الدهر تستبيحـه

ودار الزمان وغير الحال بالحـال

وجاها الزمان بكل ورده وشيحـه

فلة وخدامـه ولكـزس وجـوال

وأنا عجزت أدفع رسوم الشريحه

================================

أرجو أن تنال علي أعجابكم،،،،،،،،،

كلمات فغاية الجمال أخوي السهيل
والى الامام دائما

قصيده رائعه وكلمات اروع صاغها شاعراً



كفو

يــــــــــــــــــــــــسلـــــــــــــــــــــــ ــــــــــــــــــــــــــــــــــــــــــــــم
ألـــــــــــــــــــــــــــســـــــانك والى الامام

مشكور اخوي على الكلام العذب

ونتمنى منكم المزيد

ماشاء الله الكريم ...............


كلمات ومعاني تعبر عن الي في الفؤاد وللأمام انشاء الله اخوي ...........


تقبل مرور اخوك راعي البوش.....

الاخوة جميبييعا الكرام اشكررركم علي مروركم الكريم

تسلم اخوي سهيل على اجمل ما خطته يدك من كلمات في غاية الروعه والجمال