متى تبي تذعـذع هبـوب الشمالـي
ـــــــــــــــــــــــ وتبدا مطاليـع المـزون الثقيـلات
متى يبـي يجنّـا سـواة الجبالـي
ـــــــــــــــــــــــ لا عرّضنْ مابين صـاره وابانـات
بروقهن من تحـت لهـن اشتعالـي
ـــــــــــــــــــ وحس الرعد فيهن يجلجل بالاصوات
لا ذكّروهـن عاشقيـن الخِيـالـي
ــــــــــــــــــــــ وجابوا خبرهن قبل هـذا بفتـرات
سوّوا لهن بالنـت نـوع اتصالـي
ـــــــــــــــــــ ومرّوا على الياهو ومرّوا بمكشـات
وشافوا صورهن قاطعات المجالـي
ـــــــــــــــــــ وحطّوا لهن مع شيّة الرب حـروات
والى اقبلن طاروا لهـن باعتجالـي
ـــــــــــــــــ على الجيوب اللي مع الدرب عجلات
مثل المحب ان جاه بالدرب غالـي
ـــــــــــــــــــــ يطير من شوقه لنصـف المسافـات
ويوم اوصلوا واستملسـن بانهمالـي
ـــــــــــــــــــــــــ كـزّوا لنـا تبشيرهـم بالرسـالات
هذي امانـي سقتهـا مـن خيالـي
ــــــــــــــــــــ وارجي من المولى تحـوّل حقيقـات
ويسقينا من فضله عزيـز الجلالـي
ــــــــــــــــــــ اللي بحر جوده يفـوق المحيطـات
ياالله يـاربٍّ علـى النـاس والـي
ـــــــــــــــــــــــياعالـمٍ كـــــل الامـور الخفـيّـات
نرجيـك ياسامـع دبيـب النمالـي
ــــــــــــــــــــــ ترسل علينا مـن تواليـك رحمـات
يمّـك رفعنـا صوتنـا بالسـؤالـي
ـــــــــــــــــــــ يوم ابتدا الوسمي وجالـه علامـات
اسق الديـار الدارسـات المحالـي
ـــــــــــــــــــــ واحي الدعوب اليابسـات السنيّـات
يازين لا قالوا ترى الـكمب سالـي
ـــــــــــــــــ وواد النسا من حدري الجسْر كد فات
هنـاك ابستانـس ويرتـاح بالـي
ــــــــــــــــــ واشفق على نظم البيوت الجزيـلات
واسج سجـة دالـه القلـب سالـي
ـــــــــــــــــــ ماجاه من سوق الهوامير ضربـات
لاسقت جيبك يـم هـاك السهالـي
ــــــــــــــــــــ شرقيّ الاريل بين عبـلا ورامـات
وهـي مناقعهـا سـواة اللـوالـي
ـــــــــــــــــــ تبرق وتعكس صورتك كالمرايـات
وعقب التمشي جيت فـي دوّ خالـي
ـــــــــــــــــــ تسورب شغيّاته كما زحـف حيّـات
واوقدت لك بالرمـث نـارٍ تلالـي
ـــــــــــــــــــــ ريحة ندا رمثـه تفـوق البخـورات
وفرشت من حوله ثـلاث الزوالـي
ــــــــــــــــــ اللي على الجالس تفصّـل مقاسـات
وصفّيـت فيهـا مهدفـات الدلالـي
ــــــــــــــــــ وضبطت بالبن اليماني لـك اسـواة
وفنجال شايٍ خـادر اللـون حالـي
ــــــــــــــــــــــ مثـل الدعايـه لاتذوّقـتْ رشفـات
ومعك من الربـع القـروم العيالـي
ـــــــــــــــــــــ اثنين بالحِسبـه ..وبالفعـل ميّـات
وافين ماهـم مـن هـواة االجدالـي
ــــــــــــــــــــــــ صافيـن بالخـوّه علاقـه ونيّـات
كلامهـم مثـل القـراح الـزلالـي
ــــــــــــــــــ لا ذاقه الظامي عقب طول مظمـات
لحظة صفا فيهـا زمانـي صفالـي
ــــــــــــــــــــ للنفس لـذّاتٍ .. وللعيـن مجـلات
ويزيدهـا لا غـرّد الطيـر عالـي
ـــــــــــــــــ وهبّت علينا من طرى النود نسمات
تكفيك لـو ساعـه همـوم الليالـي
ــــــــــــــــــــ اللي على مثلي لها نـوع غــــارات

متى بتي تذعذ هبووووووب الشمالي
ماشاءالله انتقاااااااااء روعه

جعلااانية كووول
قدها وزوووود
يعطيك الف عااااااااافيه ان شاءالله

قصيده حلو‏ووووه بس بعض المفردات ما فهمتهن هه^^_صح لسان قايلها خيتووو كووول ^^

بي سي بوينت ....كلامك الاروووووووع خيوؤوؤ

شموخ ..تسلمين عالمرور

كلــمــآت في قمة الروعه

صح الســآنج اختي

يعطيج ربي الف عافيه

نترقب كل يديد من صوبج

تحياتي لج

مشكوووور خيوووو

من ذوووقك

كلماات حلووه
تسلم يدااك ع الذوووق الراائع
شااكره لك

شاكره لج هالمرور الرائع