قامت سارة من النوم طفرانة ماهي قادرة تفتح عيونها وخصوصا الغرفة برد مشغله المكيف على الأخر اللي يخلي الواحد يستمتع بنومته وما يخليه يفارق السرير وشويه صاح المنبه قدها معصبه ومن الحفه شلت ساعة المنبه وكفختها في الجدار حتى تكسرت هههههههههههه ..

المهم قامت سارة ودخلت الحمام وانتو بكرامه وخذت شاور اوكيه وطلعت وجففت شعرها لأنها عارفه زين لازم تروح الكوافير وتعمل تسريحه شعرها ومكياجها لأنها قدها حاجزة من اربعة شهور ..ولأن هذا الكوافير اشهر كوافير في المنطقة وماحد يروح له الا بنات الهاي الهاي هههههه ( بنات الأغنياء ) ...

لبست تنورة بلون الأسود وفيها تتطريز ودانتيل بلون الأبيض وعلى تي شرت بلون الأبيض والأسود ولبست ساعة ماركة جوتشي وخاتم انيق وطبعا لبست عبايتها من المتحجبة وتعطرت بعطرها شانيل وعلى طول نزلت لصالة الأستقبال تركض ركض في الدرجة كانها زلزال ولا اعصار جونو ههههه .. شافت امها جالسه على طاولة الطعام تفطر وسارة اذا شافت امها جالسه بهدوء لازم تقطب قلب امها وتخوفها .. تبغي تغفيل ..

سارة : ( بصوت عالي ) صباااااااااااح الخير يااااااماااااااااااااااااااا

ام نواف : ( معصبة ) بسم الله الرحمن الرحيم .. انتي ما تستحيييييين على وجهش بنت بطول وعرض تصرخين مثل الأطفال ..
سارة : ههههههههه سوري ماماتي فديتش والله ههههههه حقش عليي ولا تزعلين ولا تاخذين بخاطريش مني ياغلاتي ياغلاتي ..
وجلست تغني لأمها هههههه اغنيه راشد الماجد
ولا تزعل ولا تتعب شعورك .. ولا تاخذ على خاطرك مني
ابتأسف الين ارضي غرورك .. واقول اني مقصر غصب عني

راحت سارة عندها امها وحضناتها بقوة وبوست خدها بقوة لدرجة امها كفختها في كتفها
سارة: ايييييييييي ماماتي من قلبش كفختني هههههههههه
ام نواف : تستاهلين والله .. وبعدين صح النوم شوفي الساعة قدها قريب العشر ليش ماقمتي مع خواتش تروحين الكوافير ..
سارة : والله امس سهرت واني بدخن الفستان وعلى ماجهزت نفسي ..
ام سارة : خواتش جهزين نفسهن ونامن بسرعة مو انتي ياكيسه النوم تدقينها نومه ولا توقمين كما الناس .. متى بس باتعقلين تغتوبين وانتي صعآ الكبيرة ..
سكتت سارة لأنها شافت امها معصبه وقدها بتطلع كلام كثير اكتفت انها تشرب عصير برتقال فريش وخذت قطعة توست محمصه ودهنتها بزبدة وكلتها ..
خلونا شويه نعرفكم على عائلة سارة اللي مكونه من ابو نواف وام نواف .... نواف ولدهم الكبيرة عمره 26 سنه خريج جامعي درس في لندن ادارة اعمال وحاليا يشتغل مع ابوة في شركاتهم نواف انسان جدي ما يحب المزاح مثل ابوه وسيم جدا لدرجة انه يلفت البنات وبعضهن يحاولن يرقمين هههههه بس نواف ما يتنازل لهكذا امور.. اماعمر عمره 24 سنه حاليا هو مسافر الى لندن يدرس ادارة اعمال .. مع انه ماكان راضي لأنه كان حاب يدرس طب بس طلبات ابو نواف فوق الكل وغصبا عليهم تنفذ ..وسيم جدا طويل وصاحب جسم رياضي يحب الموضة والستايلات وابيضاني .. سارة عمرها 20 سنه تدرس ادب انجليزي في الجامعة ومشاء الله عليها جميلة جدا من ناحيها البياض والعيون العسلية الناعسة وكأنه فيها كحل رباني وكل من شافها تجنن عليها وتحب الموضة والشوبيج بشكل فظيع .. اما لميس عمرها 18 سنه وتدرس اخر سنه الثانوية وصراحه شاطرة كثير وجميلة وحلوة بس ماهي مهتمة بالموضة كثير تترك لسارة تختار لها او امها اما اخر العنقود حنان عمرها 16 سنه في صف اول ثانوي تدرس مع لميس بنفس المدرسة حنان بنت طيبه كثير وحبوبة وجدا تحب الضحك وحلوة
نرجع للقصة بعد ما عرفتكم بالعائلة
بعد ما خلصت سارة فطورها .. لبست برقعها وراحت الحوش تشوف وين السايق .. شافت راجو الهندي ونادت عليه وقرب لها السيارة ..
ركبت سارة السيارة ..
راجو : سارة مافي خبر سلااااااام اليكوم
سارة : ( ياغبزك وبصوت عالي ) سلاااااااااااااااااااام عليكوووووووووم راجووو كيسااااااااااااهيييي اتشييييييي
راجو : اتشييييييييي .. انتي الحين فين روح .. سم سم لميس وهنان
سارة : ايوة ودي كوافير ..
راجوو : انتي واجد مشكل ليش مافي كوم اول مع اخت مال انتي ليش كلي انييي يودي اتنين مره سم سم دكان ..
سارة : هههههه الكوافير قدووه دكان .. يااااااااغبزك يا راجو يالله ودي وسكوت مني .. انتقول خي وبيحاكمني ههههههه صدقت الله بصلعة حقتك اللي بتصلف دهان تاتا ..
ودها راجوو للكوافير .. ونزلت سارة من السيارة وعلى طول دخلت الكوافير .. اول شي رحبت فيها السورية واسمها نادين اللي بتشتغل هناك
نادين : ( وبصوت عالي ) اهلييييييييين سارة كيفيك خيتووو
سارة : اهلين نادين شخبارك وشو عاملة ..
نادين : انا بخير الحمدالله .. يادللي يادللي عليكي شو هالجمال والله بتعئدي اكثيييير
سارة انحرجت من نادين وبان على خدودها احمرار وخاصة كان الكوافير زحمة وربشة والكل بيطالعين في سارة وخاصة لما اخذت نادين عبايتها وعلقتها صارن يطالعين سارة من فوق لتحت منبهرات في جمالها وشياكتها ..
سارة : نادين
نادين : ايوه
سارة : وين لميس وحنان ..؟
نادين : هلأ بيعملو تنظيف عميق للبشرة وهيدي بدو شي هيك نص ساعة وبعد كم ساعة راح يعملو حمام بخار وبعدين يستريحووو اشوي ويصلو الظهر ويتغدو وراح نبلش نعمل لكم التسحريات والمكياج ..
سارة : اوكي بروح عندهن ..
راحت سارة ودخلت القسم اللي خاص لتنظيف وعلاج البشرة وشافت لميس وحنان كل وحدة ممدودة على سرير الخاص للتنظيف البشرة وعلى وجهن كريمات ونايمات وقدها بتضحك عليهن وهين ما انتبهن لدخول سارة عليهن
سارة : ( تضحك عليهن بصوت عالي ) يفذركييييييين الله هههههههههههههههه اشمن قروووووود نايمات وعليهن كريمات هههههههههه
حنان : ههههههههههه ينعل بليسش انتي جيييييييتي يا أم النوم
لميس : سلااااامات يا أم النوم وينش الحين جيتي هههههههههه امي معصبه عليش
سارة : سكتي بس قد بهذلاتني من صباح الله خير ..
لميس : تستاهلين والله ههههه حاد قالش تسهرين
سارة : كله من اميروووه نويت بها كفت سهراتني بسوالفها الداثرة ههههه ونسيت ما ارتب اغراضي .. وجلست بدخن فستاني ما نمت الا الساعة قريب ثلاث الفجر
حنان : ماحد قالش تتكلمين معاها .. كان قبضتي ثومش امس ما بيجري فيكين شي اذا ما تكلمتين يوم ههههههههههههه
سارة شلت علبه فاضيه وكفخت حنان وجات في راسها وصرخت حنان ولميس بتضحك عليهن
لميس : ههههههههه صدقت الله بكرافيفكين عور الكبيرة والله ما تحتوين على عقل ههههههههه لعد تفضحينا في الكوافير يقولون بنات فلان قليلات الأدب ..
حنان : صح صدقيش هههههههه بس بس سكتين قد قالت اللي ساوت لنا التنظيف خالكين هاديات عشان التنظيف يطلع صح ويضبط ومن جيت ام النوم هنا ربشتنا
سارة :هههههههه يربشكين كلب ويخليكن تتفرفرين في بقايعكين هههههه زين زين بس سكتين هههههه
وبعدين دخلت وحدة من العاملات وبدت تعمل لسارة التنظيف ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,
اما في بيت اميرة
قامت اميرة من نومها قريب الظهر ودخلت الحمام وانتو بكرامه خذت شاور
وبعديت طلعت صلت الظهر وخلصت صلاتها ونزلت الصاله لقت امها وجدتها بيتسولفين حديث وخبار نزلت وسلمت عليهن وشربت شاي ..
نعرفكم على عائلة ابو احمد مكونه من ابو احمد رجل بسيط يعمل موظف وام احمد انسانه طيبه كثير تنحط على الجرح يبرى .. والجدة هي ام سعيد اللي هي ام ابواحمد
احمد عمره 28 سنه دكتور جراحه انسان طيب وجميل واسمر اشوي بس حلووو ومعروف بحسن اخلاقه ويشهد له جميع الرجال في مواقفه.. يوسف عمره 25 سنه يعمل في شركة مهندس رجال محترم وسيم ويحب الكوره بشكل جنوني اما اميرة وهي عمرها 20 بسن سارة حلوة كثير بيضا وعيونها عسيلة وشعرها بني وخدودها موردات طبعي كانها حاطي بلاشر تدرس مع سارة في الجامعة ونفس التخصص ..
تذكرت اميرة العرس وانها بغيت تروح تتفرج
اميرة : ياماااا يامااا
ام احمد : ياهوووو واريش
اميرة : ياما بغيت اروح اتفرج العرس حق بيت فلان بن فلان
ام احمد : ورااااااا هو اليوم العرس
اميرة : ايوة وسارة وهلها حاضرين بغيت اسير اتفرج عليهن وابلبل على صديقاتي
الجدة : هههههههههه الحين همش انش تسرين بس عشان تبلبلين ههههههه
ام احمد : امبا خبري اوبش اذا جا و وافق خلي يوسف يشلش احمد ما بشلش انتي عارف اذا درى بش بيعصب ..
اميرة : زين تمام
وجلسين شويه في خبار وحديث ,, ورن تلفون البيت قامت اميرة ردت على التلفون
اميرة : الوووو
ام عصام : الووو السلااااااام عليكوم كيفش يا اميرة
اميرة : الحمدالله بخير كيفش ياخالتي
ام عصام : الحمدالله بخير امش عندش ناوليني اياها بغيت اكلمها
اميرة : انشالله ..
عطت امها سماعة التلفون
ام احمد: ياحي ياحي بأم عصام
ام عصام : بكوم حييي كيفش وكيف عيالش عساكم بخير ..
ام احمد : الحمدالله كلنا بخير انفدايش انتي كيفش وكيف شتي عمريش ..
ام عصام : انفدا قلبش والله بخير .. بغيت اخبرش نزل ثوب قطن جديد قالش قطبت قلب الحين باسير اشوف اذا عجبني بجاب لنفسي ولبناتي بغيت اجيب لش شي ..
ام احمد : فديت عمرش اذا عجبينش جابي لي ثلاثه لي ولخالتي واميرة وبعدين نتحاسب ..
ام عصام : ولا يهمش .. يش اني باسير اليوم باتفرج على عرس بيت فلان بن فلان قالوا معاهم عصايب وعثاكيل شغل كل اليوم تحمست اسير اتفرج ..
ام احمد : العرس في قاعة واذا شافوكين المتفرجات واجد ما بيدخلوكين الا بعد ما يتعشين الحاضرات تعرفين البوفيه مو مثل الصينيه ههههههههه حاد يوكل وحاد مايوكل هههههه
ام عصام : صدقيش والله اني بس هاذي الشغله ما تعجبني عور انتي تقومين من فوق طاولتش وتسرين تتغافصين مع الشعب عشان شويه رز ومشكه لحم وسلطه وحمص ومدري يييه ..
ام احمد : هههههههه ما تعزش الا صينيه القبولي مع الشتني والبيبسي تجيش لتحتش وانتي مرتاحه هههههههههه
ام عصام : ههههههههه صدقتي والله .. يالله بخليش الحين بخلي حاد من العيال يشلني المحل .. يالله تخلفني العافية ..
ام احمد : الله معاش ..
سكرت ام احمد التلفون وجلست عند الجده
الجدة : وراها ام عصام بسمع ثياب جدود
ام احمد : ايوة قالت لي ثياب قطن جدود نزلين واذا بغينا بتجيب لنا
الجدة : ماقصرت والله جزاها الله خير ام عصام
ام احمد : يا اميرة قومي شوفي مع الشغالة وساوي الكركوش عشان احمد اخوش
اميرة : هههههههههههه اشمن كركوش ياااااماااا اني ما اعرفه هاذي اذا تعرفيه خلي الشغالة تساويه ههههههههه
ام احمد : ههههههه اني عاد دريت بيش كل يوم تقولين اسم جديد ..
اميرة : ههههههههه يا مااااا اسمه فتوش ههههههه
الجده : ههههههه من فتوش قدنا كركوش هههههه توبنه سار زماننا
ام احمد : هههههههه والله لا اسم المهم سكري ثومش وانقلي على المطبخ ..

قامت اميرة دخلت المطبخ وصراحه هي مشاء الله عليها فنانة في الطبخ وخاصة المقبلات والسلاطات .. طلعت الخضروات وغسلاتهن وقطعاتهن ولما خلصت راحت تشوف التلفزيون .. مرت ساعات الى ان دخل ابو احمد
ابو احمد : السلام عليكم
الكل : وعليكم السلام
قامت اميرة وسلمت على ابوها وجلس شويه في الصاله وبعدين استأذن وطلع لغرفة بدل ملابسة ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,
بعد ما تغدين سارة ولميس وحنان .. جات نادين عندهن
نادين : صحتين على البكون
حنان : وعلى البك ياجميل
نادين : هههههه تسلمين ياحياتي ..
سارة : راح نبلش هلأ ...
نادين : ايه يالله وحدة فيكون تجيي ..
سارة : يالله ياحنان روحي ساوي تسريحتش ..
نادين : وحدة منكون تروح تعمل ميكاج وبعدين تبلش بتسريحة
سارة : لميس انتي روحي
لميس : وليش ما تروحين انتي ..
سارة : مو مشكله اهم شي انكين تخلصين وبعدين ياعسوله انتين جتين قبلي ..

سارة حبت انه تخلي خواتها يخلصن قبلها عشان تشوف معاهن اذا شي بغا تعديل او ماعجبهن بصفتها الكبيرة .. وقدها تروح شويه عن حنان وشويه عند لميس سايرة ورداه .. لما خلصت حنان تسريحتها راحت عند اللي تساوي المكياج وحصلت لميس قدها شبه مخلصة بس باقي تحط لها الغلوس على الشفايف ولمعة على الوجه .. خلصت لميس وراحت تعمل شعرها .. وحنان بديت تعمل مكياجها ..
وسارة مابين الثنتين كل مره تروح وتشوفهن الين خلصن ..
سارة : احلااااااا خواتي يااااا سلاااااااام قبصت عيوني ..
لميس وحست باحراج : هههههه بسش عاد ههههههه لا تخليني اضحك ويخترب المكياج خخخخخ
سارة : ايش هالزين والله الشعب بتجنون عليكين هههههههه بترجعين من العرس قدكين مخطوبات هههه
حنان : هههههههههه سارة والله بغالش كفخه ههههههه يالله يالله سكتي
سارة : اما انش قليلة ادب تسكتيني واني اختش الكبيرة
حنان : ههههههههه فديتها والله الكبيرة ربي لا يخليني منك ياغناتي
سارة : ايوة خليش كذا بعطيش بسبوسه هههههه
لميس : ههههههه بسبوسه ههههههه اما انتي عليش كلام يالله روحي ساوي دورش الحين ..
سارة : زين اذا بغيتن ترجعين رجعينا تصلين في راجوو خليه يجي يشلكين ..
لميس : ههههههه بغيتي راجوو اذا قدوه جاي يساوي لش سالفه
سارة : هههههههههه واللي يسلمش الصباح قالي ليش انا ودي انتي سمسم مكان لميس وهنان مره تاني هههههه
حنان : هنان في عينوه ههههههههه
دخلت نادين : سارة خانوم مابدك تبلشي ..
سارة : اكيد يالله جايه وراش ..
راحت سارة وجلست على الكرسي وفكت شعرها الأسود الطويل الحرير لدرجه الكل انبهر بجمالها وصارن الحريم يطالعينها
نادين : شو بدك نعمل لك ياسارة .
سارة : شوفي بغيت تسريحه مرفوعة شنيون لفوق وضخمة وواريد خصلات متناثرة كثيرة على اساس يبين طوله
نادين : حلووو اكثير عندك اكسسوار ..
سارة : ايه عندي تاج صغير حاب يكون شكلي برنسيسه هههههه
نادين : هههههه اكيد بيلبئلك تكوني احلا برنسيسه ..

طلعت سارة من الكيس شكله كان حلوو وطلعت صندوق اسود مخملي وفتحت العلبه والحريم عيونهن فيها ايش بتطلع من الصندوق الفخم وطلعت تاج صغير لونه ذهبي وبيبرق يدل على انه غالي ..
سارة : شو رايك نادين ؟
نادين وفاتحه عيونها على الأخر : واااااااااااو شو بيعقد سارة روووعه إكتير إكثير راح يطير العئل عليكي ..
سارة : ههههههه تسلمين والله .. يالله خلينا نبلش بتسريحه
وبدت نادين تعمل التسريحه وسارة كانت جالسه تشوف نادين لما بتعمل لها تسريحتها .. شويه صاحت نغمة موبايل
مين يوم بعدك وانا قلبي مكسور وحزين
محتار مش عارف الدنيا وخداني لفين
صعب على قلبي فراقك طب اعمل ايه
جوايا حنين علشانك ازاي اداريـــه
طمني عليك قول فين الاقيــــــك
مشتاق لعنيك وبموت من شوقي ليك
وازاي انا اعيش لو بشويه مش قادر انساك
ايامي بقت من غيرك ماليها الويل ..
بتعذب كل مايجي عليا الليل
وبروح على صورتك وبخذها في حضني وانام
اهي حاجة وبتصبرني على الأيام
دايما روحك حوليا وفكل مكان
بتهون ياما عليا سنين حرمان

استغربت سارة لما شافت نادين اخذت الموبايل وطالعت في الرقم وبدا على عيونها احمرار وكانها بتدمع ..
سارة : نادين فيكي اشي
نادين : لا قلبوو مابني شي
سارة : متأكدة نادين ازا بدك تروحي تتكلمي عادي خذي راحتك راح انتظرك ..
نادين : بس بدي اروح التواليت ..
سارة : اوكي

حست سارة ان نادين كأنها تريد تبكي لأنه فجأة كانت بتكلمها وتحسها عاديه من شافت المتصل بدى على وجهها حزن وعيونها فيها دمع
سارة : ياخا ايش فيها نادين مين اللي اتصل فيها
قطع على تفكير سارة صوت حرمه اعطيها في اواخر الاربعين ..
الحرمه : لوسمحتي يا بنتي ..
التفت لها سارة وردت عليها بكل ادب وذوق : ياهلا والله ..
الحرمه : يا بنتي بغيت اتخبرش ليش ما لبستين انتي وخواتش باروكة ..
سارة انصدمت وانحرجت بتقول في نفسها ياخا ايش قصدها ما قنعت في شعارنا >< وشوي انتبهت للعامله اللي ردت على الحرمه
العاملة : بصراحه سارة وخواتها شعرهن إكتير حلوووو وناعم وطويل اسم الله عليه .. مابدو له اشي لا باروكيي ولا توصيل ..
الحرمه : ماشاء الله صليت بالنبي .
سارة : والله مثل ماقالت لش دام فيني شعار والحمدالله ليش اروح اشتري باروكه الحمدالله قانعة بشعاري ..
الحرمه التفت لبناتها : شتيييين هين فيهن شعار وانتين مافكين ياخا شعار وبغيتين تحطين باروكات .. ياخا عور شعاركين .. تجتفين على تفكيركين ..

~~~~ نــــــــــــــــــاديــــــــــــــــــن ~~~~
وهي تمشي في ممر الكوافير الى ان دخلت الحمام وانتوا بكرامه معقوله هلأ اتصل فيني اولك العما على البووو شو سخيف .. بدت تنزل دموعها وتبكي بصوت خفيف لأنها في مكان لا يسمح لها تخاف احد يحس فيها فتحت صنبور الماء وغسلت وجهها واخذت نفس عميق .. وطلعت من الحمام وانتوا بكرامه
ورسمت على شفاها ابتسامه ..

تتوقعون مين اللي اتصل في نادين وخلا دموعها تنزل ..؟؟؟؟؟
وايش صار لأميرة لما خبرت ابوها هل خلاها تسير ولا ما تسير ؟؟؟؟

مندمج ـة فالقرائة
واخ ـر شي نتوقع ... ههههههه

بداية القصة ج ـميلة وننتظر الباقي >>>> ع ـاااد انا اموت فالقصص