مثل ما تشوفوا عنوان الموضوع انا امس رحت للإعتصام اللي عند مجلس الشورى وتقريبا هناك ما يقارب 2000 الفين شخص او اكثر يمكن
وبصراحه اعتصام ولا اروع يعني مسرح ومكان واسع للجلسة مع انه متروس ع الاخر
المهم من ضمن الموجودين بالمسرح طيبه المعولي وتحدثت عن تجاربها السابقه وحياتها وكيف عانت من عدة وزراء مع ذكر الاسباب
وبعدين جاء دور الدكتور حسين العبري واللي تعرفوا ان مسواي معه مقابله بالتلفزيون يوم السبت
جلس الدكتور يخبرنا سالفته واللي ما كنا نتوقعها من وزارة الاعلام اولا يمكن تابعتوا اتصال المذيع خالد الزدجالي مع الدكتور يوم الاربعاء وطلب خالد من الدكتور يحضر معه مقابله بالبرنامج (هنا عمان) المهم الدكتور وافق وتم الاتفاق ان تكون المقابله الاسبوع الجاي (هالاسبوع) . اتصلوا فيه يوم الخميس وخبروه ان المقابله تكنسلت وانه ماشي مقابله.
اتصل بخالد الزدجالي وسأله كيف تكنسل المقابله قاله ان الموضوع ما بيده وان ما يقدر يسوي معه مقابله بعدين جاء الدكتور يوم السبت وجلس عند باب وزارة الاعلام جات الشرطة والامن وسألوة شو عندك قال انه يطلب مقابلة الوزير ع اساس انه موعود يسوا معه مقابله وتم رفضها ويريد يعرف السبب ، بعد كم ساعه من المناوشات دش ع الوزير وخبره انه يريد يعمل له مقابله مثل ما وعده خالد الزدجالي قال الوزير تعرف بعض المذيعين يسوا اشياء ما من ضمن صلاحياتهم ومن ضمن اسألة الدكتور للوزير ان جاء التلفزيون وسوى مقابلات مع المعتصمين بصحار وما نشرها ليش ونكر الوزير هالشي مع انه هالشي صاير .
المهم بالنهايه رضخ الوزير لطلب الدكتور عشان المقابله ووعده بأن يسوله مقابله بهذاك الوقت واتصلوا بالمذيع علي الجابري وكان الجابري مرن من خلال المقابله واخذت المقابله مدة 1:30 ساعه ونص وتم التاكيد على نشرها كامله. لما جاء برنامج هنا عمان اتصل المخرج بالدكتور وخبره انه المقابله تم حذف بعض المقاطع منها بأمر الوزير ومثل ما شفتوا المقابله كانت مدة عشرين دقيقه او اكثر شوي وتم قطع الاجزاء اللي المفروض ان الناس تسمعها وضربلنا الدكتور مثل سوال التخريب بالمضاهرات هو بداء بأنه ضد التخريب والاشياء اللي صارت وبنفس الوقت شرح سبب التخريب اللي صار وهو جهاز الشرطه وتم قطع الجزء الاخير من المقابله واللي هو يخص الشرطه واشياء كثيره بعد يتعجب الشخص لما يسمع انه هالكلام يصير بعمان من مسؤولين بالحكومه وناس لهم مناصب كبيره.
ايضا كان هناك بالإعتصام الهوتي مذيع العربية والقى كلمه حلوه حماسية للشعب وبعد موجودة باسمه الراجحيه مذيعة قناة الوصال اعتقد وناس كثير منهم اللي اول مره تشوفه ومنهم اللي تسمع عنه وما يالك شفته وبصراحه كان منظر ولا اروع ويدل على وقفة الشعب على أيد وحده لمحاربه هالفساد اللي أنتشر بفتره ليست بقصيره بعماننا الحبيبه وتم إستصال رؤوس الفساد وبالاخص من خلال المراسيم امس واللي هي دليل ع توجه صاحب الجلاله على الطريق لبناء عمان نظيفة من اشكالهم.
تحياتي

انا سمعت ما حدث مع حسين العبري وانت ما قصرت كشفت ما في الخفايا
والله يحفظ عمان وقائدها

شكرا ريم والله لما الواحد يسمع شو يصير يمسك راسه تصدقي ماشي قلت بجلس نص ساعه
ولما وصلت هناك ما ودي اروح عنهم كأن هذاك المكان مبارك والشخص يحب يجلس فيه

ooo

خخخخخ شكله بيلحق بخوته

ههههههههه الله المستعان

بس تدري زين نبي شوي تطوير بالاعلام

القناه العمانيه من اتعب القنوات حى نسيناها قبل الاحداث الاخيره

اقتباس المشاركة الأصلية كتبت بواسطة pc_pointooo

خخخخخ شكله بيلحق بخوته

ههههههههه الله المستعان

بس تدري زين نبي شوي تطوير بالاعلام


القناه العمانيه من اتعب القنوات حى نسيناها قبل الاحداث الاخيره

مشكور ع مرورك صديقي والله ع الظالم

لا والي قاااااهرني انهم تو لحقو يسوو مضاهرات

مع انه المفترض الاعلام هم عندهم الحريه والحق الاكثر بالمطالبه

بس يالله تراااااهم يتعلمو من الي ع قولتهم بالشوارع ومخربين

اقتباس المشاركة الأصلية كتبت بواسطة pc_pointلا والي قاااااهرني انهم تو لحقو يسوو مضاهرات

مع انه المفترض الاعلام هم عندهم الحريه والحق الاكثر بالمطالبه


بس يالله تراااااهم يتعلمو من الي ع قولتهم بالشوارع ومخربين

مشكور اخوي ع مرورك الطيبكل الناس ودها تسوي نفس اللي يصير من اعتصامات بس الخوف من المحاسبة يخليهم يتجنبوا هالشي واللي ساعد الناس بالمطالبه بحققوهم هي الاعتصامات والمطالب اللي تنفذت فتحت باب للجميع وعطهم جرعه وحركت ضميرهم للمطالبة.

يسلمووو ياااربي كل هذا يصير ف عمان الحمدلله انه قابوس موجود ربي يحفظه

لجعلان اشتاق شكرا ع مرورك وتعليقك الطيب