طبعا هذي الوصفة ممنوع علينا نشرها بس عشانكم انزلها

وكني من زمان وقطعت عليكم من المواضيع المتواضعة بس اليوم غيررررررر

(( العرسية الجعلانية ))

هذي صفرية العرسي

وهذا حطب السمر جاهز

وهذا(( المعكاس )) العامل الرئيسي في عكس العرسية بعد غسلة

بلا مكاين ولا خرابيط جديدة ومتطورة

ووضع الصفرية علي النار بطريقة جيدة ومتساوية

وصب كمية من الماء علي الصفرية وجوب الطبخ

ويتم تجهيز اللحم ويكون طبعاً (( مرضيع )) يعني صغير الغنم

يعني مال اربع شهور يكون ممتاز

وبعد تقطيعة قطع متوسطة يتم وضعة علي الماء لطبخ

وبعدها يتم تجهيز عدة المرق و (( المعاصيب ))

طبعا بعضكم يعرفها وبعضكم اول مرة يشوفها

تتم تجهيزها من معدة الخروف والرئة والمصارين يميميميم

ويتم تقطيعها بشكل خيوط وبعدها لفها مع بعضها البعض لتشكل شكل هندسي غريب

ويتم اضافة الكبدة للمرق والقلب والكلاوي يميميميميم

بس خلوكم وراي حبة حبة راح تعرفو كل شي

وهنا اللحم يغلي ويتصفد داخل صفريتة

وهذي (( المعاصيب )) مع الشكل الهندسي الغريب يميميميميم

يا ويلاه يا ويلاه جوعتوني مرة ثاني بس عشان انزل هذا الموضوع

المهم والاهم نكمل لكم

يتم تجهيز الخضار مثل الطماط والبصل والثوم واليمون اليابس

وهنا يتم تجهيز العيش ويكون 6 كيلات حب ماشي زيادة

وهذي (( المعاصيب )) تغلي بروحها بصفرية خاصة للمرق
وهذي الصفريتين يكون قراب من بعض

وحدة بها لاوازم المرق ووحدة لوازم اللحم والعرسي

وبعد نضج المعاصيب يتم اخراجها واستبدال الماء

ويتم تقليت لوازم المرق بنفس صفرية المرق

وهذا البصل يتقلا في الصفرية

ويتم بعدها اضافة الثوم عليه

ومن بعدها الطماط

وهذا بعد الطماط نحط الفلفل الاخضر (علي كيفك)

وبعد الفلفل نحط اليمون اليابس وجوب النكهة يميميميميم

وبعدها صلصل للمرق لاه

وبعدها نعيد لحم (( المعاصيب )) الي المرق
ونظيف له راس الغنم للمرق بس وباقي اللحم في صفريته

وبعدها نصب العيش علي صفرية اللحم

والحين نحفر حفرة دائرية بمثل الصفرية وجوب العكس

ونضع بها قليل من الفحم لكي يجعل الاكل صاغن لابعد فترة ممكنة
والتاكد من العيش واللحم بجهازيتة

ومن بعدها لفة وتغطيتة بالمونيوم من الاعلي

وبعدها يتم وضعه في الحفرة بعناية تامة

ونثر قليل من الفحم علي جوانب الصفرية لتصخين اثناء العكس

ويتم تغطيتها بالكامل بجونية من الاعلي

ويتم دفنها بالكامل المكملة

ويتم الانتظار اكثر من نص ساعة

وهية تحت التراب لتخمر

ومن بعد نص ساعة يتم فتحها

والبد في العكس

ويكون ذا قوة وخبرة في فن العكس

يعني ما اي واحد يعكس عرسي

ومن بعد العكس يتم غرفها بطريقة سريعة

وتكون بخبرة في الغرف من الصفرية والي الصحن

ومن بعدها يضاف السمن العماني
وهذي المرق يميميميميم

وبسم الله الرحمن الرحيم

الكل يتفضل والكل معزوم مافي احد يجلس علي صوب

الكل بياكل الكل يقرب

هذي اسرار العرسية الجعلانية القديمة وطريقة تحضيرها بكل تفاصيلها

مع الشكر لكم علي المرور الكريم

والعذر والسموحة علي القصور

ما قصرت يعطيك العافية

عوافي أن شاء الله

يعطيك العافية الاسيف
وهنا وعافية لكل من يأكل هالعرسية

فديتس اناااا الاسيف عرسيه حلوه
اصلن حن مانسوي العرسي الا بالطريقه القديمهـ
امم امووت فالعرسيهـ <<أدووولكم ولا مااادوولـ ..انا ترى ماحب المعاصيب والخنابيش مال الهوووش والحيوان بشكل عاام

مشكور على الطرح الحلو ..
يعطيك العافيه ..

حياكم الله ومستشكرين علي المرور

بس ليش ما كلتو ع

تسلم ع الطرح

تسلم اخوي الاسيف ع الطرح
بس اظن انهي معبرة عاااااااااااااد من زمان
المول عوافي ع الي كلاهاااااااااا

ياااااااااااااااالله حرام عليكم شهيتوني





ميخصني أبا عرسي بسرعه

مرور رائع وجميل ومشكورين

شوق ولا يهمك معزومة عندنا يوم الجمعة غدانا عرسي