سعد مسائكم ويسعد صباحك ( ما ادري وش اقول بس لاني كتبت هالمشاركة الساعة 12 ليل !!)

هذي اول مشاراكاتي في المنتدى وبصراحه المنتدى في قمة الابداع بداية من تصميمه المبهر واللون المميز لمنطقة جعلان الصحراوية
الى المواضيع المطروحه في اقسام المنتدى

بس كثير ما لفت انتباهي في اغلب المنتديات الخليجية وفي السنوات الاخيرة تعمد بعض الاعضاء تحريف كتابة بعض الكلمات والسبب ؟؟؟؟؟؟؟!!!!
واليكم بعض الكلمات

احبج=احبك
فديتج=فديتك
وحياتج=وحياتك
جلم=قلم
رقمج=رقمك
اشتجنالكم=اشتقنا لكم



ابي اعرف وش بيصير لو كتبنا الكلمة صح ؟؟؟؟؟

هلااا فيج اختي

كل واحد يكتب بلهجته ولا لازم نكتب عر بية فصحى

وما فيها شي

تسلمي ع الطرح

اممم

يسلمو ع الطرح

بس هاي اعتقد للتعبير عن نطق القاف باللهجة العامية البدوية

وهي ننطقها قريب من نطق حرف g بالانجليزي ^_^

ف ماكو حرف اقرب لها في النطق الا حرف ج

يعني باختصار تقدري تقولي : تعبير عن هويه الشخص ^_^

لان لما نكتبها ق نحس بتناقض اللهجة العاميه مع الكتابه بالفصحى


ههه وهاي بنت المضيبي كتبت لك : هلا فيج (فيك)

اهلين اختي...يسلمو على الموضوع
يعني هي جات على هالحرف !! عادي هذي لهجه عاميه ...اذا عدلنا في هالحرف لازم نعدل كثير من الحروف عشان تستقيم الفصحى عندنا...

هلا وغلا بعضوتنا الجديده قلبي لمن حياك الله

منورة منتدانا


وموضوعك مناسب وحلو للنقاش



من وجهة نظري الشخصيه



اشوف انه م الافضل انه نكتبها عادي مثل ماهي باللغه العربيه الفصحى




بس نحن ف المنتدى مش رسميين وايد


يعني كأننا ف بيت واحد اخوه واخوات


ف تحصلي انه اغلبنا يكتبها باللهجه العاميه




وفيها اجابيه بسيطه


لانه اللي خارج السلطنه او ا ف غربه ويدش المنتدى



يحس انه بين اهله واخوانه







تقبلي مروري وردي المتواضع



دمتي بالود

اهلا وسهلا بك اختي الغاليه في منتديات جعلان ....
بأمانه انا مثلك استغرب كتابة الناس بهذه الطريقه ..
الاخوة الذين علقوا سابقا بأن اللهجه العامية وحتى يفهم الآخرون لهجتهم ليس بالضرورة معرفة الناس للهجتك
كونك تكتب بطريقة صح فهو انعكاس لفكرك قبل كل شيء ..
اتمنى نحذف مثل هالالفاظ من قاموسنا ونرجع للصح
حتى لو حبيت تكتب بالعامي ليست بالضرورة كتابة {ج} بدل {ك} !!

ي سؤالج شو فيج تراه لهجتنا كذا طالعين من السيح هههه

فديتس حن هب فمدرسهـ حن نمارس حياتسنا اليوميهـ>>طالعه فيها البنت
مافيهاا شي ازاا رمسينا رمستنااا العاديهـ الواحد اللي يريحهـ
وتساانكات
سي يووو

اشكر الجميع على التعليق
واود ان اوضح للجميع بأنني عضو ولست عضوه !!
وعموما
الاختلاف في الرأي لا يفسد في الود قضية(صح المثل ولأ انا اضفت شي من عندي)!!!

ما فيها بدو ولا حضر انته يالفتى أو الفتاة لما تقول لامك أحبك كيف تنطقها ؟؟؟؟؟
انا بدوي بس ما انطق احبج
ولا انطق فديتج

صح اقول ((قهوة)) بنطق القاف g بس اكتبها قهوة
وانا من البداية قلت الكتابة وليس النطق
والكل بيفهم

واعتقد المنتدى طموحه يوصل حتى للمغرب العربي
وذا دخل واحد المنتدى ما بيفهم بعض المواضيع اذا كانت تكتب بهذا الشكل




بنت المضيبي
ابو جاسر السنيدي
ساحرة البشر
mr_bigwig
اسومه 16
قلب الغيلاني

اشكركم على المرور الف شكر

والله لا يحرمنا من مشاركتكم


وفي النهاية الواحد له حرية الاختيار فيما يكتبه

اليوم من بيسير وياي يـــــــــــــــعــــــــلان