قلبى قسى ياعنا قلبى من اسبابك ... من يوم شاف الغلا عندك وتقديره

من يوم شافك تصد مسكرن بابك ... والحب عندك عديم وشاف تقصيره

خله يسرك عديم الرأى واصحابك ... وقلبى عسى الله يسهله تدابيره

ولابد يومن تجى واقول وش جابك ... واذكرك بالكلام وكل تفسيره

من اولن نعشقك ونموت بترابك ... واليوم ماعاد لك طارى ولاسيره

ياكثر مااكتب قصيدى واتغنابك ... واذكر وصوفك وابين كل تصويره

خليتك اقرب من عيونك عن اهدابك ... وخليت لك فالحشا سلطه ولك ديره

خلاص قلبى نساك وسكر احسابك ... والله يعينه على باقى مشاويره

ابيك ترحل وهذا كله اسبابك ... هذا الكلام الاخير ولانبي غيره

لا هنت يالاسيف

صح منطوووقك يالغاااااااااالي

مرحبا الشيخ
لا هنت اخوي علي المرور

صح لساانك خيوو

ونترقب الزووود منك

صح لسانك الاسيف

صح لسانك اخوي
ونتريا يديدك

خلاص قلبى نساك وسكر احسابك ... والله يعينه على باقى مشاويره

ابيك ترحل وهذا كله اسبابك ... هذا الكلام الاخير ولانبي غيره

صح لسانك والله يعطيك طولت العمر والصبر(هههههههه)

مشكورين علي المرور الكريم

ودمتو ذخر وعافية