تعبت اطالع فـي تجاعيـد الابـواب

اليـن افتـح للعنـا كــل بـابـي

بعثرت ايامي علـى ابـواب غيـاب

حتى ذرا ريح الزمـن مـن شبابـي

وانا عزاي من الاسا عضـة النـاب

ماغيـر كفـي يصبـر لهـم نابـي

كل ثانيه ترمي على الروح مخـلاب

الين كـل جسمـي وهـن ياعذابـي

فصلت من صبري على قـدي ثيـاب

شف كيف ملت بنتظـارك ثيابـي

اموت واحيا واحتـرق دون شبـاب

ولا يخفـف غيـر دمعـي مصابـي

ما شفت شمع(ن) يحترق دون ماذاب

هـذا الـذي والله دونـك جـرابـي

قلبـت ديـوان الرفاقـه والاحبـاب

دونك ولا غيـر المواجـع صحابـي

الموت فصل لي من الضيق جلبـاب

والضيق حطـم بالالـم كـل مابـي

والياس يمطر داخلي وانبت اعشـاب

متشابك(ن) شوكـه شقـا ياغيابـي

عامين قلبي ينفـض الـدم مرتـاب

مليار ليه ولا حضـت فـي جوابـي

عامين دمعي كـل مـا اجففـه راب

حتى غدى شوفـي يشابـه سرابـي

عامين ما والله ضحك حبـر بكتـاب

غير يتغـزل فـي مـرار يشرابـي

عامين ودموع الرجـا تنثـر اهـداب

الين جفنـي فـي خريفـه سرابـي

ودي اعاتـب غيبتـك اكبـر عتـاب

بس التعب ما عـاد يمهـل عتابـي

تعال شفني للوهـن قاعـة احـزاب

كـل داء بالدنيـا حبيبـي دوابــي

اخذ عليك من السهـر كـل مشعـاب

الين كـل ضـاري بليلـي ضرابـي

وافز مع فجري علـى كـل مرقـاب

ارقب وضيق مـن المراقـب رقابـي

دونت ديوانك علـى صفحـة تـراب

ما عاد غير وجـوه قاعـي كتابـي

الين صار محمـد كتـاب الاغـراب

كل من فقد مثلي حبيب(ن) قـرابـي

وش جاب قلي منك الحض وشجاب

شتان ما بيـن الجفـا والوفـا بـي

رح لا تجي ما عاد في عمري حساب

كنت انطرك لين انتظاري غـدا بـي

لا تعليق علي القصيدة الكلام واجف اكثر من رائع

رح لا تجي ما عاد في عمري حساب
كنت انطرك لين انتظاري غـدا بـي

يا حافظ علي الاختيار....

صح لسانك وماعليك زود ملاك ؟؟؟؟؟؟ كلمات ااكثر من رائعه يعطيك ألف عاااااااااااااااافيه

الاسيف،أميؤ العاطفة
يسلموووووا ع المرور العطر والجميل
يعطيكم الله العافيه

كلمات معبرة

ربي يعطيج ألف عافية ع القصيدة الحلوة

تقبلي مروري

يعطيك ألف عااافيه

جروحي،راقيه بهدوئي
يسلموووا ع المرور الطيب
يعطيكم الله العافيه

تسلمي حبوبه

تسلمين اختي ع المرور
يعطيك ربي العافيه