ذهاب بلا أياب

برى حالـي لا أنتهـى العصـر وأعلـن الانسحـاب
وخـلــت الـشـمـس الـصــداره ومـالــت لـلـغـروب

وأذن المـغـرب وســاد الـفـضـا مـثــل الـضـبـاب
وانتهى...واللـيـل لـبـس الأمـاكـن لـبـس ثـــوب

وردت همـومـي عـلـى قـلـبـي الـصـلـب الخـــراب
وردت حـيــام الـضـوامـي عـلــى عـــد جــــذوب
كـلـهــا هــانــت ولاهــنــت يــــاهــــم الـغـيــاب
مــن محـبـة صاحـبـك صــرت يـاهــم امـحـبـوب

إخـذليـلـك بـاولـه واكــل واشــرب فــي رحــاب
قـلــب مـــن شـــدة طـهـارتـه تـجـفـاه الــذنــوب


إيـــه والـدنـيــا مـسـاكــن ورحــلــه واغــتــراب
والـغــلا فـــي الـوقــت هـــذا مـمـيـز بـالـعـيـوب

أشمـل بجسـمـي واعــدي عـلـى روس الهـضـاب
وكــل ماضـيـعـت وجـهــي دريـــت إنـــه جـنــوب

ويــش أســـوي فـيــك يـاعــم تـلـعـات الـرقــاب
وأنــت واقــع والتمـعـان فــي عـيـونـك هـــروب

أنت "مجرم حب"...لا...ويش جاب لويش جاب
أنــت عـذب...عـذب رجيـلـي بـشــوك الـــدروب

صـرت أهـاب مـن التزاحـم وأنـا ماكـنـت أهــاب
وأمشي بكيفـك لـو إنـي علـى المشـي امغصـوب

صــرت أجـمـع مــن جـروحـك وكلمـاتـك عـتـاب
وقبـل اقـول اشفـيـك تجرحني؟استغـفـر واتــوب

صرت أحسب الناس ماكنت أحسب لهـا حسـاب
وصـرت اكـذب لاجـل ترضـى وأنـا مانـي كـذوب

شــوف مهـمـا صــار بـــي إنحـنـائـي إنـتـصـاب
إلـعـب بـعـمـري وبـعـثـره بـايــدك يـــا الـلـعـوب

أدري ان الـجــاذبــيــه تــســبـــب الانــســكـــاب
وادري انـي منسـكـب...وادري ان ايـديـك كــوب

سلت فارضك وارتوت بي...وفاضت بي عـذاب
لـيـن حبـتـنـي قـلــوب وتـعــادت لـــي قـلــوب

فـاعـرف ان زولـي غدير...وحكايـاهـم ســراب
والمـقـاديـر الايـــادي وشــيــن الــحــظ طــــوب

يـعـنــي لــيــا رمــونـــي حـقـيـريــن الـجــنــاب
صـــــار زولي عـــشـــرة ازوال وعــيــونــي اقروب

آتـعـدد لاجـــل اداريـــك عـــن طـيــش الـشـبـاب
وآتـوحـد لـيـن يطـغـى عـلـى وجـهــي شـحــوب

مـانـي استـاهـل كـــذا مـنــك يـاوبــل الـسـحـاب
لاتبـلـلـنـي وانــــا ودي انــــك مــــاءٍ شـــــروب

إيتـنـي...وادخـل بقـلـبـي ياقلـبـي...بـاب بـــاب
واخطـ بعروقـي برجليـك يــا اسـمـر دوب دوب

جـــل مــــن ولــــى عــروقــي بقـنـيـنـة تــــراب
نـوب تضحـك مـن عـذابـي وتبـكـي مـنـه نــوب

لــو لــي دعــوه وحـيـده... ودعـــوه تسـتـجـاب
قـلـت:يـاربــي لــيـــا مـر...خـالـفــه الــهــبــوب

زوى قلبـي كـل مــا أزويــت خـصـرك بانسـيـاب
وقــف العـالـم يــرد الـبـحـر مـــن كـــل صـــوب

يـاخـلاصــة شــهــد وعــــذوق مــالــذا وطــــاب
يامغـلـبـنـي وانــــا مـابـعــد صــــرت امـغـلــوب

يامـسـفـرنـي لـوجـهــك ذهــــاب بـــــلا ايـــــاب
يــامــعــزز بــالــغــلا يــامــقــدر يـامــحــســوب

إيـتـنـي واذهـــب بـــي بعيـد...يـامـال الــذهــاب
ضمـنـي بايـديـك أبجـمـد عـلـى صـــدرك واروب

انــت لـــو ضـمـيـت تـمـثـال مـــن ضـمـتـك ذاب
كيـف لـو ضميـت صـدرٍ عـلـى ذكــرك يــذوب

وسلامتكم ...

مأشألله على الكلمات الروعه
تسلم اخوي أحلى شي لما يجول(أنت مجرم حب..لا ويش جاب لويش جاب)
ابدااااااااااااع في الشعر واتقان وهذا ليس غريبا لسعد علوش

تقبل مروري............................................. ..................

أشمـل بجسـمـي واعــدي عـلـى روس الهـضـاب
وكــل ماضـيـعـت وجـهــي دريـــت إنـــه جـنــوب

الـاـــــــــــــه على سعد علوش ،،،وعلى ناقل الموضوع

تسلم اخوي ع النقل الرااائع
يعطيك ربي العافيه

تسلم أخوي ع الشعر الراقي

يعطيكم العافيه خواتي ...شاكر لكم مروركم