..|* السلام عليكم والرحمـــه ..

اشحــآلكم اعضـــآء ؟؟!


يبت لكــم قصــة ( وقال القلــب آآآه )

,, قصـه واقعيــه



اللي صايره معها القصه تقـــول :

اسمي (............) عمري 19 سنه أنا بنت من الإمارات العربية المتحدة من مدينة الفجيرة ,, وهاي القصة كانت بدايتها يوم كان عمري 18 سنه .

عندي من الاخوان 2 ومن الأخوات 1 يعني إحنا 4 إخوان ,, أبوي وأمي مطلقين من إحنا صغار من أول ما انولدت بالتحديد ,,
أبوي خذ اخوي وأختي ..
وأمي خذتني أنا وخذت اخوي جاسم وما شفنا بعض أبدا لأني كنت صغيره واااايد ,,
(هذي القصة والله والله والله حقيقية)

طبعــآ أمي رجعت عند أهلها في الشارقة وأبوي ظل في الفجيرة بعدها انتقل ليعيش في أبوظبي ,,
وأنا سرت ادرس في أبوظبي في جامعة زايد ,, ما درست في جامعة زايد اللي في دبي لأني بغيت أغير جو .. وسكنت عند خالتي في أبوظبي وأمي ما كان عندها مانع لأنها كانت شوي فري .

بعد ما دخلت الجامعة لقيت وحده اسمها مشابه لاسمي ,, الاسم الأب واسم الجد واسم العايله ,, أنا انصعقت !! (يعني هي أختي!!) بس أنا ما قلتلها لأنها ما عرفت ولا لاحظت .

وكانت اكبر مني بسنه وحده ومرت ثلاثة شهور وأنا ما خبريتها إن هي أختي ,, كل مره أشوفها يالسه بروحها في الكافتيريا وكل مره أطوف من جدامها وابتسم لها ,, تميت على هذي الحالة أسبوعين كل ما أطوف من جدامها ابتسم لها ,, بس يوم من الأيام وأنا طايفه من جدامها وكنت مبتسمه لها زقرتني !

أختي : لو سمحتي
أنا : نعم خير (وأنا مبتسمة)
أختي : ممكن اسألج أنتي ليش دوم تبتسمي لي؟
أنا : لا والله ما في شي .. بس أنا من النوع اللي وايد ابتسم و وايد أجامل .
أختي : هي هي هي هي ,, جان تبين قعدي !!
أنا : لا عادي والله ,, أنا مستعيله شوي علي امتحان وما ذاكرت .
هي: قعدي أنا بدرسج .


أنا: لا لا ما أبا اعطلج ويايه .
هي لا والله عااادي بس يلسي يلسي .
أنا: اوكيك .


تمينا نتكلم ,, وتعرفت عليها وتعرفت علي بس أنا غيرت اسمي ,, غيرت اسم العايله واسم يدي وأبوي يعني هي ما عرفتني .

عقب تمت امبينا اتصالات شوي شوي ,, وفي يوم من الأيام كنا واقفين عند باب الجامعة نتريا السواقين فمرت سياره مخفي كااامل استيشن رقم ابوظبي احمر ,, فأنا صديت الصوب الثاني على أساس إني ما اجابلهم بس هي تمت تطالعني عقب سارت اتجاه السيارة انفتحت الدريشه بس أنا ما رمت أشوف منو داخل السيارة ,, تمت ترمس شوي عقب اطالعتني و ابتسمت ..بعدين ردت..! أنا تميت امبطله حلجي .

قلت منو هاييل جان اتقولي والله هذا ولد عمي ياي يمرعلي يردني البيت فأنا قلتله بيلس اتريا ربيعتي لين ما تروح ..

بعد أسبوعين اتعلقنا في بعض وايد وايد ,, وعزمتني على عرس عمتها .. أنا سألت أمي إذا اقدر أسير العرس فقالت لي اوكي .. (بس محد كان يعرف إن إحنا خوات) فمرت علي وسرنا بيتهم أول .

عقب قالت بنسير الفندق واحنا نازلين عند الفندق إلا أشوف نفس السيارة اللي شفتها عند الجامعة طنشت ودخلنا جان يطلعون 2 شباب جدامنا ,, أنا ما قدرت أميز أي واحد فيهم اخوي إلا يوم سألتها لما رجعنا وقالت لي اللي لابس كاب هو ولد عمي واللي متعصم هو اخوي وما شفتهم من بعدها .

بعد ثلاث أسابيع من العرس سرت بيتهم مره ثانيه وهناك شفت اخوي حمد و وولد عمي حمدان ,, سلمت عليهم من بعيد بس ما كنت ادري انهم كانو موجودين في البيت وما بيظهرون .!

كان عندي بروجكت وهي قالت بتساعدني قعدنا في حجرتها وتمينا نسولف عن ولد عمها وأخوها وأبوها ,, أنا من السوالف اللي سمعتها عن ولد عمي حمدان حبيته !!...
بس ما قلت لها ,, وتميت اكثر الزيارات اللي بينا وفي يوم من الأيام قالت لي إن ولد عمها بدا يحبني فرحت واااااااااااااااايد وقلت لها إني أنا بعد بديت احبه .

في يوم كان الدريول ياي ياخذني من بيتهم وسوى حادث وكان الوقت متأخر فطلبت منهم إنهم يوصلوني البيت فهي قالت حق ولد عمها إنه يوصلني وركبت ويانا السيارة ,, في السيارة تم يطالعني من المنظرة وأنا ويهي متكسر وقافطه ,, وهي كانت تعرف وتطالعه وتبتسم وفي نص الدرب وقفت عند بيت وقالت أنا شوي وبرد وسكرت الباب وتمينا أنا وهو في السيارة بروحنا تمينا ساكتين فتره وفجأة جان يقول : شو أخبار الدراسة ؟ أنا سكتت وويهي محمر وعقب ,, قلت الحمد الله امشين .

حمدان: زين زين سمعت إنها وايد صعبه والبنات يشتكون وايد منها ؟
أنا : والله ,, لكل مجتهد نصيب (صح) بس إحنا نجتهد ونكرف وما نحصل شي .

حمدان : حليلكم والله .

مرت لحظة صمت

حمدان: هااا شو بعد ؟
أنا : والله ولا شي .
حمدان : احبج
أنا : !!! تميت صاخه وقاافطه والله ما اعرف كيف اشرح موقفي !!!! أنا بعد كنت احبه ,, بس ما قدرت أقول انبلع لساني .

فجأة حرك السيارة وطلع على الشارع الرئيسي !!!
أنا : وين ساير ؟؟!!!
حمدان: بتعرفين بعدين حبيبتي .
أنا : لو سمحت اتأدب وخلك ريال وعن هاي الرمسه !
حمدان: حرام عليج حبيبي والله احبج واايد ,, أنتي ليش اتعذبيني .
أنا : ممكن توقف لو سمحت !! بنتريا بنت عمك .
حمدان: ههه
أنا : شوو فيك ؟؟؟؟؟ ليش تضحك ما في شي يضحك ,, وقف الحين والله ترا بتصللها الحين !! وفي عمتي وفي أمي!
حمدان: ههه ترا بنت عمي ما بترجع !! اوكي أنا وهي متفقين شو انسوي .
أنا : متفقيييييييين !!
حمدان: هي ,, والله أنا آسف بس أنا احبج وبغيت ارمسج على انفراد .
أنا: والله ترا بتصل (خذيت الفون على أساس اني بتصل)


حمدان: زين زين لا تصيحين عاد .
أنا: بترد؟!!!
حمدان: هي ما يهون علي اشوفج تصيحين .


بس أنا اكتشفت انه مارد البيت سار مكان فيه دواعيس ,, ما ادري أي فريج وقف السيارة قفل البيبان..!!!
أنا تميت ساكته !!! ما رمت أقول شي بس كنت أصيح .

حمدان: والله ما بسوي فيج شي بس بغيت اقولج أنا آسف ,, والله يخليج لا تقولين حق اهلج اللي استوى .

يلس على السيت الي ورى وقام يسوي حركات انا ما عرفت شو اسوي يتني قشعريره ! تميت أصيح .. قلت إذا صفعته بيسوي شي ألعن احسلي اتم ساكته ,, عقب عطاني رقمه .
وقالي: اتصليلي والله حبيتج من أول ماشفتج !!

وشغل السيارة و وصلني لين البيت ,, واعتذر مره ثانيه !!....
بس طول الدرب تميت ساكته !!


في اليوم الثاني لما رجعت الجامعة قلت حق أختي كيف تودريني وتسيرين؟؟ كيف تسمحين حق عمرج انج تتفقين ويا ولد عمج علي؟؟

أختي تجاوب وهي تصيح : والله انه مب متفقين ولا شي ليش شو سوى فيج ؟؟!!!
أنا : لا لا ماسوى شي والله .....بس وصلني لاتخافين .
أختي: والله إن سمعت انه سوابج شي والله لايلوم إلا نفسه ,, أنا طلعت برع ماشفتكم مالقيت السيارة ما عرفت شو اسوي !! عقب قالي إن أنتي سلمتي علي وانج كنتي مستعيله لانج وايد متاخره وانج اتصلتيلي وأنا مارديت عليج .
أنا : لا ماسوى شي لاتخافين ,, عقب نسينا السالفه .

وبعد ثلاث ايام رجعت البيت وماكان في حد ,, واعوذ بالله من الشيطان اللي خلاني امسك الفون واتصل على رقم حمدان
رد حمدان : الووو
أنا : تميت ساكته
حمدان : الوووووو حول .
أنا بصوت خافت : الو
حمدان : منو ؟
أنا : ماعرفيتني ؟
حمدان: لا
أنا : خلاص اوكي احسن .
حمدان: لحظه لحظه عرفتج منو
أنا : ساكته
حمدان: اخبارج؟
انا : تمام .. اخبارك؟
حمدان: بعد تسالين اكيد اوكي .....عقب ماسمعت صوتج
أنا: ساكته من القفطه
حمدان: شو ياج سكتي؟
أنا: شو أقول ؟
حمدان: أي شي !! اوكي شو أخبار الجامعة ؟
تمينا نسولف لمدة ربع ساعه عقب سكرت لان قوم خالوه وصلو .

تمينا على التلفون لمدة 5 شهور ..


مراات نتشاوف كل ما أسير بيت أختي (بنت عمه) ومره طلعت وياه بدون مايدرون قوم خالوه يتحرون إني طالعه ويا ربيعتي ماسوينا شي خطير وايد ,, بس اعوذ بالله من الشيطان الرجيم ندمت على هذا الشي بشكل .

بس كنت احبه موووت ادري إن هذا مب عذر !!

يسوى حياتي هذا الانسان !! ما اقدر استغنى عنه هذا حياتي ودنيتي هذا كل شي في حياتي وما اقدر استغنى عنه حتى وأنا وياه اشتاقله ,, كل يوم لازم اكلمه ,, قال انه بيخطبني وسواها اتقدم لي
وخطبني .

في الخطبه استوى اللي ما توقعته !!

بس اللي عرفته إن خالي لما سأله عن اسمه بالكامل طلع اسمه مثل اسمي يعني هذا اخوي .

أختي كذبت علي وقالت انه ولد عمها .

لييييييييييييييييش يا دنيا ليييييييييييييييييش؟

انا كنت اعاشر اخوي !!! ,, أنا كنت اكلم اخوي على التلفون واقوله احبك مليون مره

اخوي يخطبني!!!

ما اعرف الوم منوووو ..

الووم اهلي على اساس انهم فرقونا!!

الووم أمي لأنها خلتني أسير !!

الووم أختي لأنها كذبت علي !!


الووم نفسي !!

الوومه هو !!

شووو اسوي ؟؟؟؟؟!!!!!!


والله العظيم كل اللي اقولكم اياه صدق ,, بس خلوني اكمل قصتي

بعد ماعرف أبوي إنه ياي يخطب بنته لولده وأختي عرفت إنه أنا اختها !!
قررو قوم أمي و أبوي انهم يرجعون لبعض !! بعد شووووو ؟؟!!!!!!

نرجع نسكن في بيت واحد !! مستحيييل !!!!!!

والله ياجماعه انتو مب حاسين فيني أنا أبا اموووووت !!!!


هو اللحين يكرهني لاني ماقلت لاختي اسمي الصدقي وأنا صرت اكره أختي لأنها كذبت علي !!

وبعد يبونا نسكن ويا بعض عقب مادمر مستقبلي !!!

عقب ماطلعت من الجامعة ]عقب ما كل حد عرف السالفه[

أنتهــــــت ......

و اللـــه يســـتر على بنـــات المسلمـــن جمــيعا ...

تسلمي الغاليه ع هالقصة
مؤثرة صدج
والله يعينها .......

تسلمي الغاليه ع هالقصة مؤثرة صدج والله يعينها .......

ويعين الجميــع ..


الله يسلمـــج ,,



يسلموو ع المـــرور ..~

السلام عليكم
اانا ماحب القصص لكن قلت بشوف هالقصه واتكدر خاطريه

سلمتو على القصه

لا حول ولا قوة إلا بالله العلي العظيم

اللوم عليها هي واختها اكثر من امها وابوها


هذي القصه عبرة لكل شاب وبنت


الله يستر علينا وعلى جميع المسلمين


غزال جعلان

يعطيج العافية على القصة الرائعه

السلام عليكم اانا ماحب القصص لكن قلت بشوف هالقصه واتكدر خاطريه سلمتو على القصه

عليـكم الســلآم حبوبــه ,,


انشــآلله ما يتكــدر خاطرج عقــب هالمــره ,, ^_^


يسلموو ع المــرور ..

لا حول ولا قوة إلا بالله العلي العظيم اللوم عليها هي واختها اكثر من امها وابوها هذي القصه عبرة لكل شاب وبنت الله يستر علينا وعلى جميع المسلمين غزال جعلان يعطيج العافية على القصة الرائعه

اللــه يعافيــك اخووي ,, هــذآ الوآقــع


تسلــم ابــن الاشخــره ع المــرور الطيــب ,,