بسم الله الرحمن الرحيم
السلام عليكم ورحمة الله وبركاته
بعد غياب ، أطرح لكم هذه الأبيات المتواضعه "ملهمة شاعر"
ولمن أراد أن يستمع للقصيدة بصوتي هذا رابط القصيدة الصوتيه
http://up.ftahilah.com/up//download.php?filename=6987818631.mp3
ولكم جزيل الشكر

((ملهمة شاعر))

إقرضيني مــن خيالك فكــره أكتــب لك قصيده
ملهمة شاعر وأنا بك أصـدق إحساس وشعور

يـ الرقيقه ، يـ الأنيقه ، يـ الفريده ، يـ الوحيده
اللـــي تسمـــو بـــي إذا راقصتهــا بين السطور

بعثرينـــي في خفوقــــك وإجمعينــــي في وريده
رتّبينــــي في عروقــــك مزهريـــــات وزهــــور

هذّبــي شعـري بنقاءك ، وإرتقاءك ، هـاك إيده
حلّقـــــي به في فضاءك ، مــع ضياءك والطيور

درّسينــي وإدرسينــي ،وجهّينـــي لك ، وسيده
بتّجه نحــوك وأغمّض عينـــي وأتهجـــاك نور

شاركينـي في شجونــي ، في جنونـي لــو بجيده
كبّرينــــي في عيونـــي ، بالغـــلا أو بالحضـور

أثثيني بـ إحترامـــك في كلامـــــك ، من فريده
ورّثينــي مـــن هـدوءك ، أو لجـــوءك للغـــرور

لو تمـادى بك عنــادك ، وأدري إنــك مو عنيده
وأدري إن الذوق يهـــرب مـــن خفوقـك لو يثور

حرّكي فينـــي ركــــودي ، والأحاسيس البليده
زلزلينـــي ، وإستفــزي فينـــي الطبـــع الغيور

شاعرك كسّر سهامه ، مالقـــى شي(ن) يصيده
فطرته لا مــــن تهيّا مـــا تبـــع سهـــل الأمور

في نظــــر عينـــه تســـاوى المطــــارد والطريده
وأنتي بس اللـي يثيره ، بين هـ الجمع الحضور

ما لقيت بعمـــري أنثى ، تشعل بقلبـــي وقيده
لين أشعلتي خفوقي ، في غـــلاك مــــن الجذور

مختلف فـ الحب قلبـك ، نظرته صوبـي جديده
حبّنـي لـ ذاتي ونفســــي ، وبعيوبـــي والقصور

بـ إختلافـــــك إعترافي ، إنك اللـــي بس أريده
وإنك اللــــــي تلهمينــــي القصايـــــد والشعور

وإنك الأنثـــى الرقيقـــه والانيقـــه و الوحيـــده
اللــــي تسمــــو بـــي إذا راقصتها بين السطور

أحمد العلوي
09/11/03

يـ الرقيقه ، يـ الأنيقه ، يـ الفريده ، يـ الوحيده
اللـــي تسمـــو بـــي إذا راقصتهــا بين السطور


بعثرينـــي في خفوقــــك وإجمعينــــي في وريده
رتّبينــــي في عروقــــك مزهريـــــات وزهــــور


كلمـــااات رووووووعــــه

صـــــــــح لســــــــااانك اخوي


وماعليـــك زوووود

ونترياا منــك الزووود

الثلام عليكم

زان منطوقك يالشاعر
والله يعطيك العافيه



لو تمـادى بك عنــادك ، وأدري إنــك مو عنيده
وأدري إن الذوق يهـــرب مـــن خفوقـك لو يثور



حرّكي فينـــي ركــــودي ، والأحاسيس البليده
زلزلينـــي ، وإستفــزي فينـــي الطبـــع الغيور



شاعرك كسّر سهامه ، مالقـــى شي(ن) يصيده
فطرته لا مــــن تهيّا مـــا تبـــع سهـــل الأمور

يسلم منطوق الشاعر أحمد العلوي
كلمات ولا أروع
وأنت ملهم الكلمات بما تنظم
تقبل مروري المتواضع
ولا يفي حروفك حقها

صح لسانك أخوي

والله يعطيك العافية ع هالأبيات الجميلة

ابيات جميله

واسلوووووووووب رائع

بالتوفيق والمزيد من الاشعار