مكالمه بين خطيب و خطيبته !!


-------------------------

-----------------


-------
---



رن جرس الموبايل للمرة الخامسة>>يعني كان يدق اكثر من مرة<< وردت عليه الخطيبة ....

الخطيب: أعتقد أنا انسان مو ***** تطنشيني وماتردين على تليفوناتي
الخطيبة: رد السلام في الاول وبعدين نتفاهم.

الخطيب: اش راح يكون عذرك يعني بتقولين كنت نايمة ولا قاعدة مع أمي وخواتي.

الخطيبة: الله يسامحك تتهمني قبل ما تسمع مني.

الخطيب: بصراحة الأمر واضح بدون ماتوضحين .. ليش ماتردين على تليفوناتي اكيد

كنت مشغولة مع غيري ما كنتي فاضية لي؟

الخطيبة: بصراحه فعلاً كنت مشغولة مع غيرك.

الخطيب: منو هذا اللي ماخذ عقلك وكل تفكيرك لدرجة ما خلاك تردين على تليفوناتي؟

الخطيبة: بصراحة لما أكون معاه أنسى الدنيا وما فيها فلازم ياعزيزي تعذرني.

الخطيب: وبكل وقاحة تقولين هذا الكلام قدامي وحنا بعدنا مخطوبيين فلو تزوجنا اش كنتي بتسوين ؟

الخطيبة: الله يسامحك ما في داعي للغلط مادمت انا ما غلطت عليك.

الخطيب: كل هذا وما غلطتي..تطنشين تليفوناتي وماتردين علي 4اتصالات طول

اليوم ولما رديتي الحين تقولين لما أكون معاه أنسى الدنيا وما فيها كل هذا وما غلطتي؟

الخطيبة: هذا ماحصل فعلاً كنت مشغولة معاه وما قدرت ارد على تيليفوناتك.

الخطيب: الظاهر ما راح نقدر نكمل هذي العلاقة فخليك مع اللي كنت مشغولة معاه و اللي فضلتيه عليي.

الخطيبة: جزاك الله خير هذا أحسن شي سويته.

الخطيب باستغراب: ليش انتي فرحانة لفسخ الخطوبة ومنو هذا اللي ضحيتي فيني علشانه؟

الخطيبة: أنا فرحانة لأن اتصالاتك الأربعه اليوم كشفت لي شيء خطير يبعدني عنك

و يخليني أصمم على فسخ الخطوبة.

الخطيب باستغراب: ممكن تفهميني أكثر.

الخطيبة: أنت اتصلت فيني اليوم الساعة 11.45 ظهرا و الساعه 3.45عصرا و الساعة 6.30 المغرب والساعه 8مساء وهذا هو اتصالك الخامس اللي تكلمني فيه

الخطيب: شيء عجيب أنك تتذكرين حتى ساعة الأتصال بكل دقة.

الخطيبة: أتذكرها لأنها الأوقات اللي أكون فيها مشغولة مع من أحب و اللي أنسى كل

شيء من أجله و بالذات لما أكون معاه في هذي الأوقات..و أنا الآن فرحانة

لأني اكتشفت أنك مشغول عن من هو أحق بأنشغالك به،تحب تعرف أنا مع مين كنت؟

الخطيب: منو معاه ؟

الخطيبة: كنت مع الله،لأنك كنت تتصل فيني في اوقات الصلاة الوقت اللي أكون فيها

منقطعة عن الدنيا وما فيها ،و أنا ماأقدر أرتبط في انسان لاتربطه صلة بالله.

أغلقت الخطيبة التليفون بوجه خطيبها بعد أن قررت هي الأبتعاد عنه.


قصة تستحق التفكير كثيراً !!

مرحب السسأإاع

واللهي انها قدعه جمييله القصه

وماشاءالله عليها كيف لاحظت ها النقطه

يسسلمو ع القصه الجميله ولاهنتي
حيأإج.ئ!

ماااااااااشااااااااء الله عليها الله يقوي ايمانها وايمانااااااا يارب

يسلمووووو ع الطرح الهاااااااادف وبقووووووه

ماشاء الله

تسلميييين هموووووووسه

المشاركة الأصلية كتبت بواسطة &ريم الصحاري& ماااااااااشااااااااء الله عليها الله يقوي ايمانها وايمانااااااا يارب يسلمووووو ع الطرح الهاااااااادف وبقووووووه

الله يسلم غاليك يالغالية


وشكرا ع المرور الطيب

المشاركة الأصلية كتبت بواسطة الجنيبيه ماشاء الله تسلميييين هموووووووسه

يسلمووووووووو

حبوووووبة ع المرووور

اسعدت بمشاركتج

حسبـــي اللهـ ونعم الوكيل ...


تسلمين حبوبه

الهدف جميل من القصة لكن خيالية

يعني هل معناه لما اتصل فيها في هذي الاوقات يعني انشغل شي بغير الله

القصة شي الصراحة كنت اعتقد من البدايه انها بتكون منشغله بقراية القران
فديتنا والله وين الحين اللي يسوي جذية نادرا
تقبلي مروري خيتوووووووه

تسلمين ي الغالية