هذه القصيده لأحد تجار المخدرات وجدت في جيبه بعد تنفيذ حكم القصاص فيه..

نسـأل الله تعال أن يتـقـبل توبـتـه .. ونذكر هذه القصيده لـعـلهـا تكـون عـبره لمن يعـتـبـر ...

اتركم مع القصيده..




سمعت قصة واحدٍ في السجوني
..... يقول انا للذبح بالسيف هايب
يقول افضل بالرصاص يقتلوني
..... والعين من دونه تحول العصايب
لعل بعض الناس مايعرفوني
..... ودي لو التنفيذ والنور غايب
انتم عرفتم قصتي وارحموني
..... اخشى على أبويه تطوله معايب
لو يعرف إني مروجٍ للفيوني
..... واني للشر أنا للإسلام جايب
مدمن حشيش ومثقلٍ بالديوني
..... يدعي عليَ دعوة لاشك صايب
ولاتخبرون اللي بطبعه حنوني
..... الوالدة تكثر عليها المصايب
اخاف لادريت يصيبه جنوني
..... وتصير معتاله على رأس شايب
من ضاع عقله ماتفيده العيوني
..... والعقل من رب الخلايق وهايب
واللي جرحني زايد بالطعوني
..... قلبي عليه من اول العام ذايب
جماعتي من لابتي قاطعوني
..... كيف الفتى ينساه حتى القرايب
كله سبايب شلة دهوروني
..... صار الثمن رأسي عليه النصايب
حسبي عليهم شلة ضيعوني
..... الموت حان وشدِ يمي ركايب
مشيت في درب السراب مغبوني
..... والعقل في درب المهاميل سايب
الله يرميهم مثل مارموني
..... موت المهونه شلتي له سبايب
ماطعت يوم الطيبين انصحوني
..... ولاينصح الإنسان غير الحبايب
يالله وامرك بين كافٍ ونوني
..... خلقتني مابين صلب وترايب
عوض علي دنياي واحسن ظنوني
..... وأغفر لمن قلبه عن الشين تايب
ياللي حضرتم مقتلي سامحوني
..... هذي نهاية قصتي بالسبايب

الله يرحمــــــــــــــــــــــــــــــــــه

ويتقبل توووبته

صرااحه قصيد موثره بكل معنى الكلمه

يسلمووووووووو

آللـــهـ يدخلـــهـ فسيــح جناتـــهـ ...


تسلم آخوي عّ الطـــرح ..~