ياللي تحسب الموت هو لبس ألاكفان
وترحل عن أهلك وتبيت بين المقابر..

الموت طعنة عزيز لك وانت فرحان
تذبح احساسك وتموت كل المشاعر..

لو هو غريبِِ ماهمني هذا الفلان..
بس طعن العزيز للقلب مثل الخناجر..

دارت الدنيا ودار دولاب الزمان..
مرة يشيب راسي ومرات صابر..

أقول بنسى والنسا طبع الانسان..
يذوب قلبي وانا أسكت وأكابر..

صحيح ربنا وهبنا نعمة النسيان,,
بس طعم الخيانة مُرةِِ بالحناجر..

أنا في هالدنيا مالي مكان..
ليت روحي تعوفني وتطلع تهاجر..

ياللي تحسب الموت هو لبس الأكفان..
احسب إن الموت هو موت الضماير

م|ن ....