الوقـت قصـر والزمـان البـلاوي
والناس تمشي مادرت فـي كسيـرة

والوصل راح صار يـومٍ وطـاوي
روح مع اللـي علمهـم فيـه نيـرة

وبيض النوايا يافهـد ويـن نـاوي
راحت وراحت كل ذيـك البصيـرة

بعطيك وضعٍ صار وباصيـر راوي
خذ الكلام مـن اولـه ليـن اخيـرة

الفقـر ذيـبٍ كـل ليلـه يـعـاوي
وسط الظلام ولالـه احـدٍ يجيـرة

ياذيـب وحـدك والبقايـا جـلاوي
ساكن بديـرة كـن ماهـو بديـرة

عايش وحيدٍ طـول وقتـه خـلاوي
واصبح كسير ولالقـى لـه جبيـرة

ياذيب جب لي كل امـور الخفـاوي
قلي سبايـب بعدهـم فـي مسيـرة

قال البلا هـذا هـو الفقـر كـاوي
ياكل خضار الارض وياكل شعيـرة

كشـر بنابـه قـال مانـي مـداوي
الجوع عـم وكـل ياكـل خشيـرة

هـذا وحيـد ولالـه احـدٍ يخـاوي
الجـار ولاّ مالـه اليـوم جـيـرة

ولاّوبـات اليـوم كـلٍ شـكـاوي
يشكي من اللي شاف ويشكي حصيرة

وبالله قلـي بنـشـدك لاتــراوي
هو القصير الحين يعـرف قصيـرة

والا العداوة مـن قريـبٍ عـداوي
يبحث وراك وكل امـورة خطيـرة

هذا الصحيح وجرحي ياناس حاوي
يشكي امـورٍ شافهـا فـي فقيـرة

ياصاحبي ضاعت علـوم التخـاوي
ناسٍ غريبـة همهـا بـس طيـرة

والكـل منـى لـو لجـاره يـداوي
ماصـار فينـا بهالزمـان الفقيـرة

يمناك بليا يسـرى ماهـي هقـاوي
وعينٍ وحيـدة ماهـي والله نظيـرة

وترى التكاتف يشعل النور ضـاوي
وحتى الحيـاة تصيـر دومٍ منيـرة

وعندي نهاية لكل قـول وحكـاوي
ترى الزمـان يـدور ويالله خيـرة