بسم الله الرحمن الرحيم


السلام عليكم ورحمة الله وبركاته


-ملاحظه: لا تقرأ الأبيات إذا كنت من أصحاب القلوب المرهفه والحساسه :-)
-في وقت متأخر من الليل ، أخذ زوجته إلى المستشفى بعد أن أحسّت بآلآم المخاض ، وهو يمنّي نفسه بمولده البكر الذي أنتظراه طويلا ً بعد 9 شهور من الحمل المتعب وهناك...



كآبه والأسى سكّين ، تذبح قلبي المقهور
سحابه من بخار الهم تمطر في سما فكري



عقيمه دمعة(ن) سالت ولا طالت شموخ النور
خجوله بالعجل تهرب إذا يشرق علي فجري


غرقت فـ عتمة أوجاعي ، صحى جرحي، عجزت آثور
أجاهد أكسر أحزاني وقبلي تظفر بكسري


أحاول أركب شموخي ، وكلي للأسف مكسور
ولو أزحف على بطني ، ولا أستسلم لـ قهري


أمانه سامع أبياتي وقاريها أريد الشور
وحق اللي خلق همي ، أنا محتار في أمري


كذا حالي مع الأحزان منهك من ثمان شهور
أشيخ من الوجع والهم يتربّى وسط صدري


ثمان شهور ما أحكي ، ولو بحكي ، كذا بالزور
غصب أتصنّع الضحكه وأداري حالي المزري


نعم من ماتت الجادل ، تغرّقني الهموم بحور
وكل هموم هـ الدنيا ، مراكب تبحر فـ بحري


تذكّرت المسا المؤلم ، وعبره تخنق الدكتور
وأنا واقف على ناري وخوفي يلتهم صبري


قبل لا ينطق بكلمه ، بكيت وقلت له مشكور
قريت بعينه أن الموت ، بعثر حلمي العذري


صرخ من أقصى أعماقي ، خفوق(ن) بالألم مذعور
أردد في خيالي كيف ، أعيش بدونها عمري!!


رجع لي مشهد الجثمان والتكفين والكافور
والتشييع والتوديع واللي شدّوا من أزري


هنا كل شي يذكّرني من الأبواب لين السور
وهـ الشبّاك والصاله ولون الغرفه الزهري


مرايتها وكرسيها وهـ المكياج والديكور
هنا في هـ الزوايا روح من أسلوبها العصري


تداعى فـ موتها عمري وشابه بيتي المهجور
وش اللي بعد ماراحت يهيّج فـ الهوى شعري


وش اللي فيك يا عشّي ، بعد ما هاجر العصفور
يصبّرني على همي ، وش اللي فيك بس يغري!!


أمانه يا هلي تكفون لو أقبل علي الدور
ومت أرجوكم بقرب العزيزه أدفنوا قبري



أحمد العلوي

صح اللة لسانك أخوي
مشاللة كلمات ف غاية الروعة
نتريا يديدك

المشاركة الأصلية كتبت بواسطة جنة الوادي صح اللة لسانك أخوي مشاللة كلمات ف غاية الروعة نتريا يديدك

شكرا ً لك يا جنة الوادي والله يعطيك العافيه

تسلم العلوي............

المشاركة الأصلية كتبت بواسطة $$الملكة قندهااار$$ تسلم العلوي............

الله يسلمك يـ الملكه
وشكرا ً عالمرور والتواجد

كلماتها مؤثرة

مشكووور اخوي

تسلم اخي ع الكلمات الروعه

ونتظر جديدك

صح السانك العلوي

ونتريا المزيد

تسلم العلوي
تداعى فـ موتها عمري وشابه بيتي المهجور
وش اللي بعد ماراحت يهيّج فـ الهوى شعري

اللـــــــــــــــــــــــــــــــه ....لا تعليق صرااااااااااااحه