بسم الله الرحمن الرحيم

السلام عليكم ورحمة الله وبركاته


*مساء الشوق*

إستفاق الشوق مـــــــــــع نار الشجون
وإستباح الهم دمعي فـــــــــــــي جفاك

ذكّرتني بــــــــــــــك حبيبي هــ الطعون
حتى جرحي فـــــــــــي غيابك مانساك

في مساء الشـــــــــــــوق زارتني ظنون
قمت أهوجس بك ويطري لــــــــي هواك

ما أصدّق قلبي الوافـــــــــــــــــي يخون
كم يخونك مــــــــــــــع طيوفك لاطراك!!

طيفك اللــــــــــــــي زارني وقت السكون
ماحكى لك عن عذابي وعــــــــن غلاك؟!

ماحكى لك كيف ياغالـــــــــــــــــي أكون
لا طرالــــــــــــــــــــــي زولك الزاير هناك

ماني عـــــــــــــــارف ذي محبه أو جنون!!
في غيابك مـــــــــــــاخذ(ن) عقلي معاك

ياحبيبي خابرك دايـــــــــــــــــــــــم حنون
من يداوي جرحـــــــــــــي النازف سواك؟!

شاعرك تعبان مـــــــــــــــــــن نوح العيون
مابقى به شـــــــــــــــــــي ماصاح وبكاك

دمعه اللي مــــــــــــــــــــايهون ولك يهون
إنحنى مجروح يتوسّل وفـــــــــــــــــــــاك

من غلاتك لـــــــــــــــــــــوتخونه لك يصون
ولو تصونه عمــــــــــــــــــــره الباقي فداك

محتونّك بالوفـــــــــــــــــــــــــا بين الجفون
مايبي مــــــــــــــــــــــــن دنيته إلا ّ رضاك

صار لك مثل السحــــــــــــــــــايب والمزون
يمطر إحساسه محبه فــــــــــــــي سماك

إنته فـــــــــــــــــــــــي دنياه أزهار وغصون
وصار فــــــــــــــــــــــي دنياك شريانك وماك

لو جرحته قــــــــــــــــــــال: "ينعاني" يمون
"حبّتي" هــالعين..يــــــــــــامحسن خطاك!!

ياوليفي مهمـــــــــــــــــــا دارت هــ السنون
يبقى قلبي دايمـــــــــــــــــــــا ً يحفظ هواك

ولو نسيتك بـــــــــــــــــــــك تذكّرني الطعون
كيف أبنسى دام جرحـــــــــــــــــي مانساك

تدري صــــــــــــــــدّك يشعل الخافق شجون
ويستبيح الشوق دمعي فـــــــــــــــي جفاك


أحمد العلوي

للإستماع للقصيده
إضغط هنا

تسلم اخوي ع الجصيدة الحلوه
الله يوفقك

المشاركة الأصلية كتبت بواسطة أميـــ الشرقية ـــرة تسلم اخوي ع الجصيدة الحلوه الله يوفقك

الله يسلمك أختي أميرة الشرقيه
والله يوفق الجميع إن شاء الله
تسلمين

ما شاء الله قصيدة جميلة جدا

تسلم أخوي والله يعطيك العافية