بسم الله الرحمن الرحيم

السلام عليكم ورحمة الله وبركاته

((دلالك))

بختصار القول إنك..ياحبيبي متعبني

وبصراحه حار فكري في تغليك ودلالك

لك طبايع..إيه أحبها بس والله عذبني

مره تجرح..مره تقسى..ومره تحرمني وصالك

المصيبه ودي أزعل..لكن أرضى غصب عني

يوم أشوفك تبتسم لي وتحتضن عيني جمالك

ويش أسوي يومك إنته ياغرامي مجنني

ماخذني من حياتي..مالكني بس لحالك

لاعدمتك ياعذابي وياجنوني اللي سكني

ولاخلت هالعين منك ولايفارقها خيالك

لك عيون ٍ أتعبني..وعذبني..وذوبني

عكرن صفو الليالي..لين تفكيري صفالك

في عيونك مثل طبعك..الدلع فيها فتني

والتدلل ياحياتي بان فعله في فعالك

من دلالك ياحبيبي لو تقول البحر "بني"

قلت إيه بني حبيبي "بس لجل أرضي دلالك"

تدري إنك في غرامي مهما تتدلل بأني

مستحيل أزعل لأني..الدلع أدري مجالك

كلما لاموا جماله..قال شوفوا صغر سني

ويوم لاموني لصبري..قلت دونه القلب هالك

لو يفارقني دلاله..وش بقى ياناس مني

ياحبيبي لايهمك..للدلع كلي حلالك

أستلذ الجرح منك والتجافي التجني

طالما أدري بأني ساكن لوحدي فبالك

كلما زادت طعوني..إمسح جروحي وغني

صوتك الهادي يداوي ..جرح ليته مايطالك

الحزن شوفه بعينك يتعب القلب ويعني

والألم يطوي المشاعر لو يفارقها هلالك

لو دلالك صار جمره.. إعتبرني فيه كني

عود أخضر يحترق به بالمحبه والوفالك

إيه تتدلل..إيه تدلع مايهمك دام إني

لك حبيب ٍ طول عمره مايبدل حد بدالك

هو صحيح إنه دلالك ياحبيبي متعبني

وإن قلبي حار أمره في تغليك ودلالك

بس أنا يابعد كلي ما أغير فيك ظني

لو بتجرح..أو بتقسى..أو بتحرمني وصالك

أحمد العلوي

للإستماع للقصيدة
إضغط هنا

سلمت اناملك اخوي احمد ع ابداعك وصياغتك الاكثر من رائعه
واقف عند سطورك الجميله
تقبل مروري

المشاركة الأصلية كتبت بواسطة جعلاني للابد سلمت اناملك اخوي احمد ع ابداعك وصياغتك الاكثر من رائعه واقف عند سطورك الجميله تقبل مروري

شكرا ً لك أخوي جعلاني على مرورك المميز
وتواجدك العطر ، الله يعطيك الصحه والعافيه

احمد العلوي

قصيدة رائــ ع ــه كـ روعه وجودك بيننا

لا حرمنا الله كلماتك التي ترسم بالقلب الإبتسامه

المشاركة الأصلية كتبت بواسطة ملاك جعلان احمد العلوي قصيدة رائــ ع ــه كـ روعه وجودك بيننا لا حرمنا الله كلماتك التي ترسم بالقلب الإبتسامه

مرورك الأروع يا ملاك جعلاني
وتواجدي بينكم شرف لي طال عمرك.
أشكرك على هذا الإطراء وبارك الله فيك

صـــــــح لســـــــــأإنك يا شــــــــــأإعر ـــــــــــ لا هنت ع القصيـــــــدة ....

كلمـــــــــات مرهفـــــــة الإحساس من شخص مرهف الإحساس ودامنا مبدع بما يخطه قلمــــه الفياض ....

وبإنتظـــــــار جديدك ـــــــــــ فلا تبخــــــــل علينـــــــــأإ

دمت بـــــــــــــوـود

المشاركة الأصلية كتبت بواسطة بنت البدر صـــــــح لســـــــــأإنك يا شــــــــــأإعر ـــــــــــ لا هنت ع القصيـــــــدة .... كلمـــــــــات مرهفـــــــة الإحساس من شخص مرهف الإحساس ودامنا مبدع بما يخطه قلمــــه الفياض .... وبإنتظـــــــار جديدك ـــــــــــ فلا تبخــــــــل علينـــــــــأإ دمت بـــــــــــــوـود

صح بدنك أختي بنت البدر ومرورك جميل وناعم وإطراءك عالعين والراس
أشكرك على هذا التواجد اللي أعطى للأبيات رونق وجاذبيه.
تسلمين والله يعطيك العافيه