طعن السهام
لا تروغ الجار لو طبعه حلوم
ولا تشب النار فثياب الكرام
ولا تسل السيف في غير اللزوم
ولا تشد السرج مع فك اللجام
ابعد الكلمات لو كانت سموم
عن كرام الناس لو كانوا حشام
صاحبي الروح ما عادت تروم
تسمع الكلمة مثل طعن السهام
كاتمة للجرح في صمتن يدوم
لين ما تبريه من طيب الغرام
بعدها اتعود في خدشن جسوم
يستبيح القلب من دوني حرام
ما دريت القول ما كله يعوم
في محاني الروح لو زاد الملام
صاحبي لو كان غيرك لي يلوم
مالقى مني سوى ضرب الحسام
لكني والله ارخيت العزوم
من أجل قلبك وحبي للسلام
صاحبي لومك مثل طعم الزقوم
كيف تأخذ من زقومن لي طعام
لا يغرك فالشعر اني كتوم
ولا يفتنك فالشعر حسن النظام
واوزن الكلمات من قبل الجزوم
وجعل الحكمة على صدرك وسام
ما كتبت البيت من أجل العلوم
لكن الإنصات مع سمع الكلام
اكتب الأبيات من قطر الغيوم
من همال الروح وفكار الهيام
وانثر الأفكار يا ليتك تقوم
قومة القاصد بلوغ اسمى مرام


كلمات : سويلم سعيد سويلم العلوي