أرجوا المشاركة بالردود الطيبه على متوى السؤال

ماهي ردة فعلك لما تتصل في خطيبتك او خطيبك وتحصل عندة أنتظار طويل ؟


وهل برايكم أنه كل ولد أو بنت اللي تحصل عنده أنتظار طويل (( جالس يكلم حبيبتة او حبيبها ))؟



ياليت تكون الردود صريحة لانه بردودكم توصلوا افاده لبعض الناس اللي متورطين في هاي الشغلات

اول شي هلاا بك وليف الروح بما انك عضو يديد ارحبك لو أنه متأخر
ابصراحه انا موقفي اني بعصب وااايد بس مابزعل ومابتصرف بتهور بشوف اهو شو بيبرر موفقه وع اسااسه بحكم وطبعا ماظن ظن السووووء لأنه بعض الظن أثم
وتقبل مروووري

اممممممممممممممم ماعندي شي اقوله

السموحه منك

بس موضوع حلووو يعطيك العافيه

وليف الروح بنسبه لي الانتظار اكره شي عندي فما بالك
اذا كنت مثل اتصل بخطيبي وحصل عنده انتظار
لا وبعد انتظار طويل بتضايج اذيك ساعه
لين محصل رد منه واعرف شو بيجولي
اذا شفت في كلامه شي مقنع طبعا بعديها


ام عن الانتظار طويل مب شرط انه البنت تكلم حبيبها
او العكس صحيح ربما فيه شي حاصل خل الاتصال
يطول والله واعلم اهم شي منتسرع في اخذ القرار

مشكور أخوي ع الموضوع الطيب.......

أما عن مسأله الإنتظار........هو مراح أعصب أعصب بس بشك وبخليه ألين يخلص مكالمته وأكيد بيرد عليه وإذا كان صريح معي صدج بيقول كان معي فلان مثلا من دون ما أسأل..وإذا مقالي ساعتها لكل حادث حديث.....

شكرا على الطرح
عن نفسي ببند وبتصل بعدين وبفتح سجل التحقيق

ردود أفعال متباينه ولكنها تتفق على(التحقيق)بكل صراحه يجب أني عندي فكره عن الشخص وأساليبه والأكيد أني أعرفه من أي نوع هو وبالتالي انظر للأمور من عدة زوايا ومن ثم أبحث له عن أعذار ولا أتعجل الحكم

الله يحيك اختي بنت الباطنة ........ومشكورين ع الردود اتلطيبة والحلوه منكم



بس حصل لاأحد الاخوان انه انفصل عن خطيبته والسبب ه الشي والله واني ادري انه ما كان يكلم غيرها بس هاذي الغيره وما اي غيرة طبعا اللي يحب لازم يغار على اللي يحبه حتى من حبه لاهلة ..... واشكر الجميع مرة 2.


(j.b.b)

موضوع حلو حماااااس
اول شي نحن عندنا ممنوع تكلمي خطيبك الا بعد الزواج
وثاني شي اذا اتصل ريال بخطيبته وطولت ف مكالمة لا يشك ولا شي لان الحريم يحبن السوالف واكيد كانت تكلم صديقتها ولا اختها ومندمجات ف المواضيع ومشي يسكتهن غير لما يقفل الخط ويخلص الرصيد
اما اذا وحدة اتصلت بخطيبها وطول ف مكالمته لازم تشك لان الريايل ما يحبوا يطولوا ف سوالف مثلنا هههه الا اذا كان يكلم وحدة
هههههههه هذيه وجهة نظري
تقبلوا مروري

المشاركة الأصلية كتبت بواسطة الثلجة الحارة موضوع حلو حماااااس اول شي نحن عندنا ممنوع تكلمي خطيبك الا بعد الزواج وثاني شي اذا اتصل ريال بخطيبته وطولت ف مكالمة لا يشك ولا شي لان الحريم يحبن السوالف واكيد كانت تكلم صديقتها ولا اختها ومندمجات ف المواضيع ومشي يسكتهن غير لما يقفل الخط ويخلص الرصيد اما اذا وحدة اتصلت بخطيبها وطول ف مكالمته لازم تشك لان الريايل ما يحبوا يطولوا ف سوالف مثلنا هههه الا اذا كان يكلم وحدة هههههههه هذيه وجهة نظري تقبلوا مروري

حكم في غير محله وتحليل غير منطقي , حتى الرياييل ساعات(يهذرون)تلقين الواحد يرمس (ربيعه)أكثر من ساعه ومافي سوالف غيرالنادي- المنتخب - السيارات - البر - السفر يعني ممكن يركب الموتر ويقطع حوالي 120 - إلى 150 كم وهم يسولفون وتعالي عاااد لواالرمسه عن مباراه بين فريقين كفرق دبي تنافس في الملعب وتنافس في الميالس بين الشباب , والمستفيد الأكبر مؤسسة إتصالات أكيد , مو بالضروره أتصل على خطيبتي والقى تلفونها مشغووول وعلى طووول أسيء الظن فيها ترى البنت عندها أهل وعندها صديقات لهم حق عليها يتواصلون وإتواصل معاهم !!