تـوّك تحـس بضيقتـك وتملـمـل !
ألحين توّك تشتكي من عنـا الحـال !
ألحيـن تـوّك تفتقـدنـي وتـسـأل !
توّك تحـس وتفتقـد راحـة البـال !
وين أنت يوم إني بغيتـك مـن أول ؟
ما قلت لي إبعد ولا ترجـي وصـال !
وما قلت لك وإن رحت ناوي بترحل !
إنك بترجع لي ولـو الزمـن طـال !
سبحان مـن يمهـل ولاهـو بيهمـل
هذا أنت يا طاغي الهوى مهمل إهمال
وهذا أنت من عقـب التباهـي تذلـل
تبيني أغفر ما مضى منك فـي الحـال
تذكر زمان فـات وش كنـت تفعـل !
يوم إني أعطيك الغلا وأنت تحتـال !
وآقـول لـك آمـر علـي وتـدلـل
أبيك بيـن النـاس تمشـي وتختـال !
وأبيك تفخـر بـي وتفـرح وتجعـل
باب الحسد مسدود في وجه الأنـذال !
ما طعتنـي وشمّـت بعـض المهبـل
نـاس ٍتـدوّر للسوالـيـف مـدخـال
وأعطيك رغم إنك علي كنت تبخـل !
وأقول فـي نفسـي يحبـك ولا زال ؟
الظلم مـن طبعـك ولا كنـت تعـدل
والشـك والغيـرة وهـم ٍوغـربـال
ياقـوّ قلبـك وإنـت ماكنـت تخجـل
حطمت في نفسي طموحـات وآمـال
ومانيب من هو فـي خفايـاك يجهـل
أنا أعرفك من يومنـا عادنـا أطفـال
يـوم إنـك الطفـل الجميـل المدلـل
ومنين ما هـب الهـوى جيـت ميـال
وآجيـك وآحبـك ولرضـاك أعمـل
وأحـاول ألقـا للمراسيـل مـرسـال
وأسمعك أحلـى الحكايـات وأسهـل
وأجمل معاني من الشعـر والتغـزال
أجيـب لـك ذرب المعانـي وأجـزل
جزل القصيـد يجيـك جـر ٍومـوال
وما همّني غيرك ولـو كـان أجمـل
كنت أزعل الغالين لجلـك ولا سـال
إلا أنـت مـا ودي ولا أبيـك تزعـل
وأغيـظ لجلـك حاسديـن وعــذال
وأحاول ألقا للوصـل عنـدك الحـل
وعلى وصل غيرك فلا كنـت حـلال
وهدّيـت كـل اللـي بنيتـه تخـيـل
ما عاد لك في القلـب قـدر ٍومنـزال
تبخـر الحـلـم الجمـيـل وتحـلـل
ماينفعـك دمـع ٍعلـى الخـد همـال
وألحيـن لا ترجـع ولا عـاد تسـأل
ومني وعد والله فلا أطريـك عالبـال
وإن كنـت تحسبنـي بجيـك آتوسـل
بتموت مـا شفـت الرجـا والتوسـال
والزين ما عمـره يجـي يـوم يكمـل
وهذا أنت يا طاغي الهوى مهمل إهمال


منقوووووول