شحااااااااااااااااااالكم ...

موضوع طرى فبالي قلت أطرحه أشوف رايكم فيه ...ونستفيد جميع من الردود ...

وهو يخص البنات أكثر من الشباب والكل يهمه هالموضوع ...

الذهاب للجامعات أو الكليات أو المعاهد فالباص كيف يكون ؟؟؟

يعني البنت لاراحت الجامعه اذا كانت طالبه فالجامعه تسافر فالباص من البيت لحد الجامعه أو العكس الرجوع من الجامعه للبيت أحيانا تستغرق هذي الرحله أكثر من 6 ساعات ...

وأحيانا دريول الباص يكون مخروش وعيونه زايغه ربنا يستر ...


كيف تكون هذي الرحله متعبه أو ممله أو ممتعه ؟؟ وشو سلبياتها ؟؟ مثلا التأخير التعب الزحمه الوصول في وقت متأخر حدوث عطل فالباص ...؟

وشو السبب اللي يخلي البنت تاخذ الباص بدل انه يوصلها أحد أقربائها ؟؟؟؟

وشو المشاكل اللي ممكن تواجه هذي الرحله ؟؟؟

مشكور أخوي دردميس ع الموضوع
الصراحه متعبه الرحله ومثل ما قلتعن السايق مخروش وعيونه زايغه وكثير نصادف هذا الاشكال
بس وش نسوى وأنت قلت الرحله تستفرق 6 ساعات هل الأهل رأح يتحملوا هذا المسافه مشيه ورجعه
ما اتوقع ..
أنت شِوف نفسك تقدر ما رأح أقول يوميا لان مستحيل بل أسبوعيا تروح وترجع؟؟؟
ونحنا نروح مجموعه من البنات وننشغل وفي السوالف ما نعطي السايق أهتمام...
والصراحه عن نفسي أذا شفت السايق عليه حركات ما أطول عنده في أقرب وقت اغيره

صباح الورد
موضوعك شيق وايد
البنت تاخذ الباص لانها مضطره
او انها تريد تكون ويا رفيجاتها
دائما تكون مملة وكل اللي ف الباص سكوت ونياما من التعب

والقهر ان راعي الباص مبطل كشافات عيونه ـ مو شايف خير ـ
والله لا يراويكم كيف شكل الباص ـ الباب مكسر والمكيف عطلان و.....

شكرا على هذا الطرح الجميل

انا ارى بأن الباص ربما يكون ضروري خصوصا للبنات ممن لا يجدن احد للتوصيل من الاقارب
طبعا ركوب الباص له ايجابيات وسلبيات
سلبياته : سائق الباص احيانا ربما يحصل على ارقام بعض البنات وتكون لديه علاقة مؤقته خصوصا اذا البنت اعطته فرصة .
وايضا ركوب الباص متعب احيانا بالنسبة للبنات
الخلاصة ان الباصات لها سلبيات وايجابيات

كان الانسب للعنوان ان يكون .... سائق الباص والبنات ..

ممكن نستنتج من الموضوع انه في فئات مختلفه يعني في بنات محترمات نفسهن وما يتحرشن في السائق وتكون تكون أرقامهن معه بحكم معرفه وقت الوصول والعوده ولكن حتى لو كان السائق من اصحاب السوالف اعتقد انه ما راح يحصل وجه منها ...
ولكن في حاجات قد سمعناها من بعض سائقين الباصات انه في بنات هن يتحرشن في السائق وقد يكون كأعجاب منها لشخصيته ...

وقد يكون العكس في بنات يأثرن عن فتيات ما لهن في هذه السوالف ....

في ايجابيه في هذه الباصات وهى وجود وسيله للبنات التن ليس لديهن احد يوصلهن من والى الجامعه وايضا كفرصه للتعرف على بنات محترمات من ولايات اخرى او حتى من ولاية التي بها ..


والمفروض على البنت اذا ما حصلت مضايقات من السائق تغير خروجها مع باص اخر وترتاح ..
وايضا المشاكل التي قد تواجها هذه البنت قد تكون هناك مضايقات حتى من البنت التي جنبها وقد تكون بنت مب على اخلاق طيبه وقد تؤثر فيها وتجعل من ركوبها هذا الباص غير ممتع ..

بنهايه نقدر نقول ان السائق على يقين بأنه هالعمل هى لقمه عيشه وما اعتقد انه راح يفكر انه يتعرف على بنت ... فقد اذا ما كانت البنت على استعداد على تكوين علاقة معه وعلى رغبه شديدة منها !!!!!

وعلى البنت حتى لو كان السائق غير محترم .. تحاول وتحاول ان تغير الباص وان لم تجد غيره .. المفروض منها انها تكون قوية الشخصية وما تعطيه وجه .. وتهتم في نفسها ...


ولنا عوده .................... معارض

السلااام عليكم,,,

الباص وسيله اكثر من انها تكون متعه مثل ما يظن البعض.....
واللي يتعب اكثر كيف البنات يتاخر يوم يركبن ويجمعن اغراضهن,,,,

الله يستر علينا ويحفظنا

بسم الله الرحمن الرحيم
شكرا لكاتب الموضوع
(ما أعرف ولد ولا بنت)
المهم السبب في أنة البنت تركب الباص لأنة المسافة طويلة وأهلها ما فاضيين يوصلوها ويمكن ما حد يكون موجود عشان يوصلوها
تعالوا شوفوا الحضر ما تهون عليهم بنتهم يروحوا بروحهم يوصلوها حتى لو المسافة مليون كيلو
النتائج:
1ـ الزحمة والتفاعيصة وكل وحدة فوق الثانية ...... تراهم يسووا تطبيق للحديث ( رفقا بالقوارير)؟؟؟؟!!!!!!
2ـ نوصل متأخرين وتسجيل التأخير كل مرة
3 ـ يبنكر التاير وعاد البنات يتصففن فالشارع لين يصلحوة
4ـ السايق وما أدراك ما السايق عينة زايغة وكل شي زايغ
5ـ مشي احترام يجبرونا نتسمع أغاني وإذاعة هلا ومالت على برامجها بالغصب مشي أحترام أنة في ناس ما تحب تسمع أغاني




مما سبق نطالب بباص جديد كبير ووسيع ومكيف يوصلنا ويردنا ويكون السايق محترم ومنضبط في مواعيدة
ــــــــــــــــــــــــــــــــــــــــــــ وهذا إعلان جدي ـــــــــــــــــــــــــــــــــــ
سارعوا بالحصول على الركاب قبل فوات الأوان

تسلم اخوي ع موضوعك
من وجهة نظري البنت مظطره انه تركب الباص لبعدها عن المنطقه ومن ثم يكونن في سكن مع بعض
انا متاكد لو ان البنت ذات خلق عالي ومؤدبه مستحيل صاجل الباص يجدر ينظر اليها او يكلمها لغرض التعارف ولكن بعض البنات وهن فئه قلياه يمكن يكون لهن اعجاب في السائق وطبعا الشاب يدور سبب

وهنا ركوب الباص له سلياته وايجابياته وانا ارى الايجابيات اكثر عن السلبيات لكون الباص اكثره بنات

تسلم ع الموضوع
للاظروف احكام الاهل بعض المرات ما قادرين يروحو ويرجعوا لنه بعد المسافات
ويضطرن البنات يركبن باص
بس تحدث مثل هذه الاشكاليات عند راعي الباص لنه يكونو شباب
بس الواحد مايقدر يسوي شي لنه محتاج
بس الافضل تكون البنت حالها من حال الكرسي عشان تسلم من كل شي

المشاركة الأصلية كتبت بواسطة عذاري2005 مشكور أخوي دردميس ع الموضوع الصراحه متعبه الرحله ومثل ما قلتعن السايق مخروش وعيونه زايغه وكثير نصادف هذا الاشكال بس وش نسوى وأنت قلت الرحله تستفرق 6 ساعات هل الأهل رأح يتحملوا هذا المسافه مشيه ورجعه ما اتوقع .. أنت شِوف نفسك تقدر ما رأح أقول يوميا لان مستحيل بل أسبوعيا تروح وترجع؟؟؟ ونحنا نروح مجموعه من البنات وننشغل وفي السوالف ما نعطي السايق أهتمام... والصراحه عن نفسي أذا شفت السايق عليه حركات ما أطول عنده في أقرب وقت اغيره

عذاري يعطيك العافيه اختي عالمرور الجميل ...

استفدت من ردك ابصراحه ...

ويمكن لو انا بسير او مابسير الله اعلم ...