بنات الشات



اتمنى ان تعجبكم القصيدة
يا بنت ارجوك أنا مقدر كفاني ماضي الغلطات
أخاف الله يعذبني وانا خواف يا بنيه
اخاف بساعة اللذة يجينا هادم اللذات وياخذ
من حشى روحي بقايا روحي الحيه
أنا لي ثمان سنين وانا مدمن على الشهوات
ديار الفسق حاستها مواطي تحت رجليه
عيوني من كبر همي تخلط الدم والعبرات
مسيل الدمع من عيني حفر بالخد ماريه
صحيح إنج جميله بس تبنى من هوى الزينات
تركنا الحب غصب وطوع العين الشقاويه
يا بنت انتي على بالج أباخذ من بنات الشات
أجل مجنون انا يا بنت اشيل العقل بيديه
ترى اكبر شي يربطني معج جوال ابو شاشات
وهاتف ينقل اشواقي على نبرات سلكيه
وترى كل العلوم اللي عطيتج بالهوى كذبات
وحتى دمعتي يوم الفراق الصعب كذبيه
هذاك اليوم ما هلت عيوني لأجلك الدمعات
لأن الدمع ما ينثر بقصة حب وهميه
انا اضحك معك واضحك منك واضحك عليك اكثر الضحكات
كاني بالهوى جني يعبي راس جنيه
وانا ماني بخكري البس القمصان والشورتات
ويفرح قلبه المسكين اذا حب الدوينيه
أنا من لابة أروة ظمايا حروفها الغزوات
خلايا جسمنا عاشت على دم القبيليه
ودهنتي شعرج الاسود بالوان من الصبغات
وعيت تقبل الصبغه ملامحج الخليجيه
وحشرتي ردفج المسكين بالبنطال والجنزات
خلاقين تصنعها مزاجات اليهوديه
عشاني ميت فثغرج الاحمر ابو لمعات
تحسبيني ابرخص لك لأن شفاج ورديه
يا بنت الناس عزج في سواد(ن) يستر العورات
وعزي في شماغ ابيض وطاقيه
خليجيين نفخر في عبايات الخليجيات
نغض الطرف اجلالا اذا شفنا الخليجيه



ثانكسسسسسس بنت السويح علا القصيد
وكلماتها في قمه الروعه تسلمي
يعطيك العافيه



كلمات رائعه اختي تسلمين



الله عليه الشاعرر .. ابدع في القصيده ..

صح لسانه وربي لاهنه ع المنطوق الغاوي والمعنى الي فيه ..
تسلمين الغلا ع الذوق في الاختياري ولا تحرمينا من يديدج ^^