السلامـ... عليكمـ...

اشح ـالكم اربكم بصحه وعافيه ....؟؟

فـ خاطري موضوع ولازم اقوله لكم ... اشوف رأيكم وتعليقكم عليه ..

المهم ...

كنت اتكلم ويا رفيجتي الروح بالروح فرقتنا الظروف وصارت هي فـ ديرة وانا فـ ديرة ومالنا حيله الا النت وهالجوال <<< شكت حالهاااا =(
المهم تقولي زميلتي فـ الجامعه كانت حليوووه وتقعد ويانا مره وحده قلبت وماادري شصار فيها يعني اذا شفناها دقيقه وراحت مستعيله صارت ماتطلع ويانا ماندري شسالفتها .. وانا جالسه واسولف ويا امي الا اقولها عن البنت بشوف رايها فـ الموضوع الا تقول تحب << طبعا" ماهي اول وحده لان نتيجة تحليل باقي الربع بعد انها تحب او في احد ناقلها كلام
الحين ابي اعرف شسالفه يعني ....
كل ما وحده تغيرت تصرفاتها قالواا هذي اكيد تحب ؟؟
واذا طاحت فـ المستشفى ومايندرى سبب هالطيحه قالواا لا هذي تحب وحبيبها جرحهااا ؟؟
واللي تفكر ........ ؟؟ واللي نفسيتهااا تعبانه ...؟؟؟ على طول وبدون تردد اكيد هذي تحب
واللي تكتب شعر وخواطر هم بعد قالوا تحب ... ؟؟
يعني احنا شنسوي بـ حالنا لازم ينحكم علينااا ان نكون طبيعيااا 24 ساعه لا نفكر .... ولا نكتب اشعار ... ؟؟ محاسبين على كل كلمه و همسه
ونخاف انهم يفسرون هالشيء ضدنااا وتصير وااايد

ومن ضمن هالكلام بقولكم سالفتي ايام الدراسه ليحين مااسويهااا" فسروهاا غلط " .... طبعا انا << واعوذ بالله من كلمة انا .... المهم دايم الدوووم امسك القلم واشخبط استرحم حال الكتاب اللي بإيدي .. واشعار وسوالف ورسمات وكلنا نسويها .. وفي يوم من الايام امي شافت كتابي ومسكته الا تقرأ خرابيط اشعار سوتلي سالفه ... من ... وليش ... وشلون وتحقيق لها اول ومالها تالي << عاد انا سكت وعلمت ابوووي واحمد الله انا ابوي يتفهم شوي وقلت له انها مجرد شخابيط لا اكثر ومااقصد احد معين فيهاااا ... عطاني نصيحه لابغيتي تكتبين اكتبي فـ دفتر ثاني عشان محد يظن فيج ظن السوء ويتكلم عنج من وراج <<< هذا وانا مااقصد شي جيه سالفتي شلون لو اقصد <<<<<<<< اسولف وااايد ادري =)

ليش صار الحكم على البنات انها تحب ؟؟ ليش يظنون فيهااا هالظن ؟؟

ترى حتى الشباب يفسرون حركاتهم وكشختهم غلط بس هم شباب وما ينعابون ... بس البنات اللي ينظلمون في هالسوالف ؟؟؟

طولت عليكم ... بس اتمنى اشوف تعليقاتكم ...؟؟
ولكم مني ارق واحلى واعذب تحيه

------{ فـــي أمااان الله ....

وعليك السلام ورحمة الله وبركاته ....

رديت بالسلام كامل يعني خذيت اجر اكثر منك ههههههه

بصراحه اختي مهاااوي

اهنيج على الموضوع بصراحه

بس تعرفين ما تقدرين تغيرين نظرة الاخرين بسرعه اذا صار اي شي من هالتصرفات

ويمكن تكون نتيجة ضغوطات نفسيه ومشاكل او ظروف ليست في اطار الحب ...

وقد تكون عائليه او اي شي البنت ما تبا تبوح بيه ..

بس لما احد يكون حاط في باله هالظن وهو يسأل خلاص مقتنع بيه ومجرد يبا التأكيد

او ردات فعل تبين انه ظنه في محله ...فالاحسن انه الانسان يحسن الظن بالاخرين

ولا يضع تخمينات جزافا ...

واذا كانت ربيعتك وقريبه منك حاولي تتقربين منها اكثر تشيلين كل الحواجز تحببيها فنفسك تذكريها بصداقتكم وكيف كانت .....

لين تفتح لك قلبهااا ... وتساعدينهااا وتكونين يمها وترشيدينهااا ...

اشكرك اختي ع طرحك للموضوع وكل كلمه قلتيها في محلها
وانا ارى هذه النظره من ضعاف النفوس بس
كل شخص وله مشاعر مهما كان
واكيد الشخص راح يعبر ما يدور بداخله ويهمس بها ويطلع مكنون قلبه
فانا اتفق معاك اختي
ومثل ما قلت هذه نظره من البعض وانا الصراحه احترك كل بنت تكتب ما يدور في خلجاتها من اهاات ومشاعر

صدجتي والله مهااااااوي
بيس سبب حكم النااس ع الشخص لو صدر منه اي تصرف
ان يحب!!

لان 99% من الي يسووون هالاشيا يحبوون!!
مثلا وحده اتشوفينها يالسه تشخبط ع الاوراق وتكتب اشعار
او شي .. لمن تسألينها شو فيج؟ اتقولج احب واحد!!
ووحده مثلا طاحت ب المستشفي او صادتها صدمه عصبيه!!
تسألين شو السر 99% او 95% من الحالات اتكون بسبب
الحب!!
والناس طبعا تعمم.. ومن يشوفون وحده اتسوي اي شي
ايقولون اتحب!!

تسلميين مهاااوي ع الطرح الحلووو

المشاركة الأصلية كتبت بواسطة حروف ممزقه وعليك السلام ورحمة الله وبركاته .... رديت بالسلام كامل يعني خذيت اجر اكثر منك ههههههه بصراحه اختي مهاااوي اهنيج على الموضوع بصراحه بس تعرفين ما تقدرين تغيرين نظرة الاخرين بسرعه اذا صار اي شي من هالتصرفات ويمكن تكون نتيجة ضغوطات نفسيه ومشاكل او ظروف ليست في اطار الحب ... وقد تكون عائليه او اي شي البنت ما تبا تبوح بيه .. بس لما احد يكون حاط في باله هالظن وهو يسأل خلاص مقتنع بيه ومجرد يبا التأكيد او ردات فعل تبين انه ظنه في محله ...فالاحسن انه الانسان يحسن الظن بالاخرين ولا يضع تخمينات جزافا ... واذا كانت ربيعتك وقريبه منك حاولي تتقربين منها اكثر تشيلين كل الحواجز تحببيها فنفسك تذكريها بصداقتكم وكيف كانت ..... لين تفتح لك قلبهااا ... وتساعدينهااا وتكونين يمها وترشيدينهااا ...

هلا بج حروووف ... وياحيج ... كلامج عين العقل لان هم بس يعتبرون كلامهم وظنهم هو الصحيح مع البنت وحليلهااا مب هذااا تفكيرها ولا حاطته بالاساس ...
واذا على رفيجتنا ابشرج ارجعت احسن من اول بس ع قولتها ماتبي تشغلنا وياهااا

شاكره مرورج وتعليقج
ولاهنتي

المشاركة الأصلية كتبت بواسطة جعلاني للابد اشكرك اختي ع طرحك للموضوع وكل كلمه قلتيها في محلها وانا ارى هذه النظره من ضعاف النفوس بس كل شخص وله مشاعر مهما كان واكيد الشخص راح يعبر ما يدور بداخله ويهمس بها ويطلع مكنون قلبه فانا اتفق معاك اختي ومثل ما قلت هذه نظره من البعض وانا الصراحه احترك كل بنت تكتب ما يدور في خلجاتها من اهاات ومشاعر

هلابك اخوي جعلاني ... العفووو ...
صدقت ان كل وحده ومشاعرهاا بس مب حلوه انهم يفسرون كل شي بانها تحب بيعقدون البنت بتفكيرهم ...
ومبادره حلوه منك انك تشجعهم وتوقف وياهم

الله يوفقك .. وشاكره مرورك وطلتك ...

المشاركة الأصلية كتبت بواسطة التفاحة صدجتي والله مهااااااوي بيس سبب حكم النااس ع الشخص لو صدر منه اي تصرف ان يحب!! لان 99% من الي يسووون هالاشيا يحبوون!! مثلا وحده اتشوفينها يالسه تشخبط ع الاوراق وتكتب اشعار او شي .. لمن تسألينها شو فيج؟ اتقولج احب واحد!! ووحده مثلا طاحت ب المستشفي او صادتها صدمه عصبيه!! تسألين شو السر 99% او 95% من الحالات اتكون بسبب الحب!! والناس طبعا تعمم.. ومن يشوفون وحده اتسوي اي شي ايقولون اتحب!! تسلميين مهاااوي ع الطرح الحلووو

احم احم يعني انتي وياهم بحكمهم وظنهم
وترى مب كل من كتبت شعر ولا شخبطت فـ كتاب وقلنا لها اشفيج قالت تحب يمكن بس جيه سوالف عبط وحكي ع الفاضي ...
وكلام الناس مايخلص لو سمعناهم بس يخفووو علينا شوي

شاكره مرورج غناتي ...

العفو اختي مهااااوي بس ارد واقول ع حسب ثقافة وفهم الشخص والى اي حد يكون تفكيره وعقليته
ومب كل الناس تفكيرهم كذيه

لاا مهاااااوي مب معااهم.. لاكن افسر الحكم..
هم يقولون جي لان الغالبيه يسوون هالاشيا
والسبب الحب!!

والناس ربطت بين الشخبطه وشرود الزهن ب الحب!!
يوم ايشوفون واحد ايشخبط_______ انتا اتحب
يوم ايشوفون واحد ايفكر_________ انتا اتحب
ويوم ايشوفون واحد مضاايق _______ انتاا اتحب
يوم ايشوفون واحد خربط ف شي_________ انتا اتحب

الناس ربطت كل شي ب الحب!

جعلاني ... مثل ماترد وتقول وكلنا نقووول بس احس اللي متعلمين تلقاهم تفسيرهم غير منطقي البته وشوف اللي مب لين هناك بس يحلل ويستنتج بالمنطق ....


التفاحه اشووه ريحتني علبالي وياهم بهالكلام والخرابيط .... تعطينااا كلام النااس وتوقعاتهم احسهم خايبين ...

شاكره طلتكم الحلوووه ..^_^