قصيدة السلسال..إحدى قصائد الشاعره فاطمه



مساء جميل أيها الرائــعون..إليكم هذه القصيده للشاعره الانيقه في شِـعرها و حضورها فاطمه المشيقح من المملكه العربيه السعوديه

أنا ما كنت أنا احبك .. أنا كنت أعشقك و اختال
انا كنت اشربك و اضماك و ارجع اشرب ادلالك

أنا كنت بزوايا الكون اشوفك عالم الآمال
و اشوفك كل ه الدنيا بعيني أنت بالحالك

تذكر يوم نتخيل كبرنا و صار عندي عيال
و قلت آسمِّي ابإسمك إذا ماكانوا عيالك

تذكر يوم كان العمر يغنينا فرح موال
وادوزن خطوتي ابسكَّه توصّلني على جالك

هناك المدرسه و السور و بيت محمد الرحال
جدار و بيدك الفحمه تِكتِّبْ بَه و يحلالك

بأخر هذي اللفه بقالة مطلق البتال
الو دايم مِنّها ناخذ حلاوة تشبة هبالك

تجنن وانت تاكلها وتعطي مِنّها الجهال
وتحكي هذي من "فطوم" جابتها وانا قبالك

كبرنا وصارت وعودك مابين العم و الاخوال
ودايم حجتي حصه لانها بس مَرَة خالك

تهندم لي على كيفي .. و تلبس لي شُمغ و عقال
و اموووت ان شفت من زولك طرف ه الثوب و عقالك

ويوم اللي خطبني زيد ... غرت وصار حالك حال
و قلت الليله الليله انا مهلوك او هالك

لعينك اركب امواج الخطر مااسأل عن الاهوال
بعد قلبي صبر ع الشوق و زود العشق و اهوالك

بعد هذا تقابلنا وْ جيت ابْيدّك السلسال
تلفه فوق عنقي لف كأنك توثق حبالك

تقولي لا حضر موتي امانه اقطعي بالحال
شهقت وقلت من قلبي فال الله و لا فالك

سألتك ليه يا روحي بوجهك باين الغربال
ترى الاحزان ياعمري ماخِلْقت لكّ و امثالك

و جاوب ه الدمع عنك بعد شفته بخدك سال
عرفت انك نويت البعد عازم فيه ترحالك

صبرت و قلت ابي اصبر و لو هذا البعد قتال
سنين ارتب آمالي .. و ازينها بآمالك

بعد خمسه سنين ترد .. و المح في يديك اطفال
و أسأل .. منهم اطفاله ..؟ يقولوا لي هم اطفالك

كأنه شئ يكسرني , يحطمني , كذا و لازال
كأنه شئ ينحرني و يرميني على رمالك

تبسم و انت تسألني : كيفك ؟ هاه ؟ عال العال ؟
الين اليوم مهبوله ؟ و لسه عايشه اخبالك ؟

و جاوبتك و انا همي على كتفي يهد جبال
انا ما كنت اظن بيوم تركن فوقي اجبالك

إذا كان الوفي مهبول ..! ألا يا لعنة العقال
امااانه لا تكثرها .. و بيدك شد سلسالك

لشاعره فاطمه

حسابٌ واحد لجميع خدماتنا !