السلام عليكم جميعا

انا بحاول اقص عليكم هذه القصه باختصار.
من فتره غير بعيدة كان واحد شاب طول الوقت يتلفلف في الشوارع يعني تقريبا يوميا يلف بسيارته
في يوم من الايام قرر يغير حياته وراح ودور على عمل تعب كم سنه يدور على عمل مثل باقي الناس لاكن اخر شي تعب واشتغل براتب ضعيف جدا يا دوب يكفي لمصروفه ودائما يحلم انه يعمل في وزارة لاكن الحض ما وقف معاه وفي يوم من الايام كان يلف طبعا مو مثل زمان يعني كان يتجول مثل باقي الخلق وكان في سيارته بروحه وفجأة شاف امراة حامله كيس في ديها وداخل الكيس كان فيه بست وفول سوداني كانت تبيع وهي تتجول اقترب منها الشاب وسالها بكم هذا بقالة له السعر فاخذ واحده ودفع لها 10 اضعاف القيمه. ورحل طبعا الشاب ما كان نفسه في اللى اشتراه كان نفسه في شي ثاني غير عن اللى كانت تبيعه.
المهم ضل الشاب يتعمد يروح نفس الموقع وساعات يلقاها وسااعات ينتضرها في نفس المكان لاكن بدون فايده وكان لما يلقاها يعمل نفس الحركه وساعات يعطيها 20 ضعف القيمه هو صحيح حالة مو لذاك الحال لاكن كان المبلغ ما يسوي شي امام اللى هوه يفكر فيه.
وبعد كذا جائت فتره لم يرا هذه الامرأة ابدا ودور ودور لاكن بدون فايده ففكر الشاب انه صار لها شي. المهم الشاب ياس وما صار يروح متعمد لها وبعد كذا ارتفع شوي راتبه يعني صار احسن عن قبل ونفس الشي صار عنده حماس يدور عليها لاكن نفس الشي بدون فايده ما حصلها وتعب . وفي يوم من الايام شافها لاكن بدون ما تحمل شي في يدها يعني شافها خلاص ما تبيع شي كان الشاب يمشي وشفاها فجأة ووقف وسالها ما تبيعي شي لاكن هي كانت ساكته وتشوف عليه وبسرعه البرق دخل يده في جيبه واعطاها اللى جا في يده ومشى عنها وكانت هي واقفه تناضره هي تتذكره زين زين تتذكر حتى سيارته لاكن ما تعرف من هذا ولا تحاول تكلمه الا السلام عليكم وبس . المهم في هذيك الفتره حاول الشاب يفعل شي حلو حاول يتزوج والله كيف عمل علشان يتزوج ما فيه احد مصدق كيف عمل تدبر اموره ونحلة مشاكله وكان طول الوقت يفكر فيها وفي يوم من الايام كان مع زوجته وشاف الامرأة اللى زمان ونفس الوقت عطاها في يدها وسالته زوجته من هذه ليش عملت كذا فخبرها ليش هوه عمل كذا
وبعد فتره مو بعيده بشي ما يدخل العقل وبقدرة الله عز وجل خلال سبوع حصل على عمل في احدى الشركات وبراتب ما كان يحلم بيه في وزارة والحين الحمدلله عايش بسلام وبراحة البال. وحتى المرأة ما نساها ابدا

تدرو ليش كان هذا الشاب يفعل كذا
كان يعيطها لانه حاولت تعمل باي طريقه مشان تكسب رزقها وما مدة يدها لاحد
وثاني شي كان يتمنى انه تدعيله بالتوفيق دائما
والحمدلله هذا الشاب الله وفقه في العمل وفي الزوجه الصالحه

وهذه القصه سردتها لكم لاذكر نفسي واذكر اخواني بان رحمة الله واسعه وان الله يرزقكم من حيث لا تعلمون


واتمنى اني قدرة اعبر واصل لكم الفكره على احسن وجه وارجو المعذره منكم اذا قصرت في شي من التعبير او شي غير عن هذا


تحياتي لكم
راعي الكروزر