[poem font="Tahoma,5,orangered,normal,normal" bkcolor="transparent" bkimage="http://www.jalaan.com/forum/images/toolbox/backgrounds/7.gif" border="double,4,blue" type=2 line=0 align=center use=ex num="0,black"]
بديــــة


أكـتـب أنــا في شـفَّـــــها دارْ النـشـــــامى والصـقــور=دارٍ أبد ما جــــابها في الوصـف كــل اللـي يـقـــال
سقت المثــايـل مثـل ما سوق المجدّي في القفــور= مـا ردتــه رمضــــاْ ولا عــــرقٍ ولا رمــــلٍ هيــــال
روّضت أنا شعري لها من قلبْ واحساسْ وشعور= والشوق زلزل خافقي..ما جا على هون وعدال
ما قلت انـا زيف وخطا لا قلت هي بدر البدور=هي من عجايب هالزمن والحــق حـق بلا جــدال
يا بـديـة يا حبٍ سكن وسط الحنايا والصدور=حــبٍ تمـلك خـــاطـري فوق التصـــور والخـيـــال
يا دانةٍ ما تنشرى .. من قـــاعْ غزراتْ البحــــور= أغلى من الغالي نعم ما صــــاغها راعي الدلال
فيها الحسن ما له وبي واللي انجبر فيـها امعــذور=ما دام ربي زانـــــها ولبَّسها من ثــوب الجمــــــال
لا جيت أبوصف حسنها هي سيد ربّات الخدور=مزيــونــةٍ هذي اللتي لا قالوا السحـر الحــــلال
وان جيت أبيَّن لهفتي والشوق خانني السطور= وأنا الذي عـــاشق نعم والعشق ما عنه مجـــال
حتى ولو عيني غفـتْ كـل الجــوارح والشـعــور= ترحل وتاخذني غصب وتجدد عهودْ الوصال
حــافظ على نــاسٍ لهم في خاطري أكبر حضور= تعرف مواجيب العرب ما تشتكي عسر وعلال
ناسٍ بشاشتهم عجب ترحيب واكرام وحبور=تلقى معـــانيهم فخـر وتـزيَّـن أفعــــال الرجـــــال
يتناقلوا طيب الفعل ما يشتكوا ضيم وقصور=وان جيتـــهم هم لابتك ولزوم في حالٍ ومـال
جيتك وانا كلــي ولـه يا بديـة يا ضيٍ ونور= تستاهلي كل الغلا يا شمس ما تعرف زوال [/poem]