[poem font="Simplified Arabic,6,white,bold,italic" bkcolor="black" bkimage="" border="double,6,black" type=0 line=0 align=center use=ex num="0,black"]
لا ردج الله لا ولا أطلب تردين=ادعي عليج بعثرةٍ في صلاتي
عثرة تشلج ما بعدها تقومين=يا للي نقضتي عهودنا الماضياتِي
كانت تروح الروح ساعة تروحين=وتعاف نفسي شربها والمقاتي
كنتي مناة القلب والروح والعين=واليوم عينج يعلها ماتباتي
كنت أحسبج للعهد و الحب توفين=قلتي الغدر بالحب ما هو سواتي
و بان الغدر سمٍ جرى بالشرايين=الله عسى يسقيج سم الفعاتي
كلي سقيتج حب و اليوم تنسين=تقولين حلم أيام و اليوم فاتي
و خذتي الهوا لعبه على ما تحبين=إلين عصفت بالهوا عاصفاتي
و صرتي بشعري فالعذارى تباهين=تقولين أنا شمس العصر في حلاتي
وبالشعر صورتج خزام ورياحين=واثرج هضاب وشوك مابه هداتي
و بالشعر غليتج على كل غالين=و أثرج دنيَّه تتبعين الدناتي
رسمتج سحابة خير قطر تلفين=فزت لج الصحرا زهور ونباتي
رسمتج مهاتٍ للجميلة تقودين=و أثرج خروفٍ ضيعتها الرعاتي
توسلت لج على حب عامين=عامين لكن في حسابي مئاتي
ناديت لكن لي أبد ما تسمعين=عمري و روحي و الفكر في شتاتي
خنتي و بعتي كل عهد وأيامين=ما عاد يفرق بين ماضي و آتي
و صرتي مثل غيرج برخصٍ تبيعين=يا مرخصتنني مابقى لج غلاتي
تحسبين انج بالمهافات ترقين=كيف الصعود يكون للهاوياتي
والنوق من تخرس فلا يفيد تمرين=مايفيدها قلص وضرب العصاتي
ومع ناقة خرسا تكلفت سنتين=فلا لانت بشده ولا بالهداتي
اسبوع فدوامِي و لا ايي غير يومين=و يوم أوصل الدار أتصل و أحاتي
صبري نفذ و اليوم ثارت براكين=مظلوم أنا و باجر تحل دعواتي
سمعي عسى من بعدها ما تسمعين=سمعي دعاء من صار قلبه حصاتي
عساج عوقٍ منه ما عاد تبرين=عوقٍ تشافق له قلوب العداتي
أدعي عسى من ناظرج ما تشوفين=و تطحن بج الأيام طحن الرحاتي
يالله عسى يحتار فيج المداوين=تبين الممات و لا يجيج المماتي
يالله عسى كف الندامة تعضين=تندمين يوم انه يفوت الفواتي
وتبكين دم يسيل من مقلة العين=ويحتار قلبج من عناج وتعاتي
و عسى ما تلاقين منه القلب تهدين=و إن هو حصل أدعي عساج الشتاتي
يا بلوة اللي وسط بيته تعيشين=غافي و حوله شب جمر الغضاتي
عسى بعمرج ساعة ما تهنين=و تمضي حياتج بين هم و شقاتي
يا بنت قلبي وين مثله تلاقين=قلبٍ عطاج الحب ما قال هاتي
ييتج وروحي شلتها لج بكفين=وفي التاليه رمح الخيانه جزاتي
يالله عساج النار يا أم ويهين=كلنا انكشفنا ما تفيد العباتي
يالله عسى تلبسج جن و شياطين=و تكونين مدعاة الحكي و الشماتي
والله ماني منتظر قلبج يلين=و المجبلات أكثر من الفايتاتي
وماعادتي اتبع طعون المقفين=ريحٍ تشل طعونج المقفياتي
يا ليلةٍ ظلمة على الله تزولين=و تأتى ليالي سعدنا مشرقاتي
ياحيةٍ رقطه تقود الثعابين=باجر تحل ايامج المعتماتي
يا ظالمة نفسج ترا الدهر يومين=يوم النجاة و يوم ما به نجاتي
بيني و بينج تحكم أيام و سنين=و انا شاهدي قلبٍ من الغدر ماتي
لو كان عذرج في كفوف الموازين=لكان رِبَح كل غدر البناتي
يا دمعة التمساح لالا تذرفين=العيون رغم دموعها كاذباتي
لا ما عرفتي الحب لا ما تحسين=وغدرج تعدى غدرذيب الفلاتي
الذيب يعوي قبل يغدر بمسكين=و انتي غدرتي خافقي في سباتي
وانتِ السبب سقتِ على القلب جرحين=غدر الغرام و وجع الذكرياتي
وانتي السبب واليوم لا لا تلومين=و ان ياج باجر شوفي شلون ياتي
والله لكتب و أفضحج في دواوين=و أرزف وأغني يوم خبر الوفاتي
و أرسم لأهل العشق قلب و سهمين=و قصة خيانة ما روتها الرواتي
و يمين لنشر فوق إسمج عناوين=و أشهرج من قاصي اليمن للفراتي
و من غرب هالدنيا إلى قاصي الصين=ديوان غدر فيه كل اللغاتي
و البادي أظلم سنة العين بالعين=و لاَّ فهذي لا عادتي ولا صفاتي
و يا شبه انسانه براسِ و رجلين=أعوذ بالرحمن منج في صلاتي[/poem]

القصيده منقوله وعسى أنه شاء الله متنهدى بس حبيت أنقلها
لكم وعلى فكره ترا انا مقريت القصيده كامله والله لايجيب اليوم اللي
أقرى مثل هذه القصايد

والسموحه منكم :فديتك ولدي

[poem font="Simplified Arabic,7,white,bold,italic" bkcolor="black" bkimage="" border="double,6,black" type=2 line=0 align=center use=ex num="0,black"]
لا ردك الله لا ولا اطلب تردين=ادعي عليك بعثرة فـي صلاتـي
عثره تشلك ما بعدها قوميـن=يا قاتلتني يوم صرتي حياتــي
خدان لك بالقلب كانت بساتين=وريضان وغصونا بها يانعاتـي
كنتي مناة القلب والروح والعين=واليوم عينك يعلها ما تباتـــي
كنت أحسبك للعهد والحب توفين=قلتي الغدر بالحب ماهي بسواتي
وحلفتي يمين الله ما منك iثنتين=وانك ملاك دون كل البناتـــي
وانك على عهد المودة تسيرين=ولا تسمعين أهل الحسد والوشاتي
وصار اليمين ستار خلفه توارين=ورماح غدرك بالخفا مشرعاتـي
وبان الغدر سم جرى بالشرايين=الله عسى يسقيك سم الفعاتـــي
كلي سقيتك حب واليوم تنسيـن=تقولين حلم ايام واليوم فاتـــي
خذتي الهوى لعبه على ما حبين=لين عصفت بالهوى عاصفاتـي
من زينك يا بنت بالشعر تزيين=من صورك بابياته iلطايلاتــي
انا من غرامي قلت كانك تذكرين=قلت الخجل صاب البدر من مناتي
وصرتي بشعري في العذاري تباهين=تقولين انا شمس العصر في حلاتي
زينتك بشعري ولا غربك الزين=ما زانتك صبغات حمر الشفاتــي
صورتك بالشعر حزام ورياحين=واثرك هضاب وشوك ما به هداتي
رسمتك سحابه خير قطر تنفين=فزت لك الصحراء زهور ونباتـي
رسمتك مهاه للجميله تقودين=واثرك قطيعه وضيعتها الرعاتي
واثرك غراب يوم سدل الجناحين=كنت احسب اني شايف لي قطاتي
بالشعر غليتك على كل غاليين=واثرك دنيه وتعشقين الدناتــي
وبالشعر عاتبتك عتاب المحبين=انا من يسوم الروح لك يا غناتي
توسلت لك خايف على حب عامين=عامين لكن في حسابي مئاتــي
ناديت لكن لي ابد ما تسمعين=عمري وروحي فكري في ثباتي
حذراك للشينات عمري تماشين=عديمات اصل اخلاقهن دانياتي
غاب الولي عنهن ولعبن بحبلين=يا خس واليهن وخس الولاتي
ما همهن في الناس زين ولا شين=وقلوبهن من حقدهن مظلماتي
وقلتي وربك لو يكونا ملايين=ما غيرن بالطباعهن من سماتي
تحسبين انك بالمهافه ترقين=كيف الصعود يكون للهاوياتي
وخنتي وبعتي كل عهد وايامين=ما عاد يفرق بين ماضي واتي
وصرتي مثل غيرك برخص تبيعين=يا مرخصتني ما بقى لك غلاتي
صبري نفذ واليوم ثارت براكين=مظلوم انا وباكر تحل دعواتي
سمعي عسى من بعدها ما تسمعين=سمعي دعا من صار قلبه حصاتي
ادعي عسى من ناضرك ما تشوفين=وتطحن بك الايام طحن الرحاتي
وعساك عوق منه ما عاد تبرين=عوق تشافق له قلوب العداتي
ويالله عسى يحتار فيك iلمداوين=تبين الممات ولا يجيك المماتي
ويالله عسى كف الندامه تعضين=تندمين يوم انه يفوت الفواتي
وتبكين دم يسيل من مقلة العين=وتحتار امك عن عناك وتحاتي
عسى ما تلاقي من له القلب iiتهدين=وان هو حصل ادعي عساك الشتاتي
يا بلوة اللي وسط بيته تعيشين=ساهي وحوله شب جمر الغضاتي
عسى بعمرك ساعه ما تهنين=وتمضي حياتك بين هم وشقاتي
يا بنت قلبي وين مثله تلاقين=قلبا عطاك الحب ما قال هاتي
جيتك وروحي شلتها لك بكفين=وفي التاليه رمح الخيانه جزاتي
يالله عساك النار يا أم وجهين=كله انكشف لا ما تفيد العباتي
ويالله عسى تلبسك جن وشياطين=وتكونين مدعاة الحكي والشماتي
يا حية رقطا تقود الثعابين=باكر تحن ايامك المعتماتي
وباكر على فعلك بمثله تجازين=ظلم المشاعر ما تحكمه قضاتي
بيني وبينك تحكم ايام وسنين=وانا شاهدي قلبا من الغدر ماتي
ويا دمعة التمساح لالا تذرفين=العيون رغم ادموعها كاذباتي
لا ما عرفتي الحب لا ما تحسين=وغدرك تعدى غدر ذيب الفلاتي
الذيب يعوي قبل يغدر بمسكين=وانتي غدرتي خافقي في سباتي
لو كان غدرك في كفوف الموازين=لكان رجح كل غدر البناتي
انتي السبب سقتي على القلب جرحين=غدر الغرام وموجع الذكرياتي
وانتي السبب واليوم لالا تلومين=وان جاك باكر شوفي اشلون يأتي
والله لاكتب وافضحك في دواوين=وارقص واغني يوم خبر الوفاتي
وارسم لاهل العشق قلبا وسهمين=وقصة خيانه ما روتها الرواتي
ويمين لانشر فوق اسمك عناوين=واشهرك من قاصي اليمن للفراتي
ومن غرب هالدنيا الى قاصي الصين=ديوان غدر فيه كل اللغاتي
والبادي اظلم سنة العين بالعين=والا فذي لا عادتي ولا صفاتي
ويا شبه انسانه برأس ورجلين=اعوذ بالرحمن منك بصلاتي[/poem]

والي بيشوف القصيده أول مره بيقول متشابهات
لاأخواني وأخواتي هذه القصيده
لشاعر صغير من جامعة السلطان قابوس
أهداها وحده كانت تحبه

بس لانها غيرموثوقه من قبل وزارةالثقافه سرقت ونسبة
الى الشاعرالامارتي بن رحيمه

والقصيده الاصليه الاولى
هي الاصليه
واللي ممصدق كلامي يتذكر معي أمسيةالجامعه الشعريه
قبل 3أو4سنوات وكانت لواحد من عبري بالتحديد
وانا نقلتها لكم على شأن كل واحد شاعر يحرص أنه شعره
يوثقه أوبيروح منه

يعطيك العافيه اختي ع النقل الرائع والموفق
كلام معبر عن قسوة ما لاقى الشاعر في ايام حبه
والله يكون بعونه
تحياتي

قويييييييييييييييييييييييييييييييييييييييييييييييي يييييييييييييييييييييه

الله يعين اللي داعي عليه

مــــــــسموحة عزيزتي،،
وفقتي في الإختيــــــــــار،،
والله يكــــــــون في عون هذا الشاعر،،
تـــــــسلمي ،،
تحيــــــــاتي لج،،
ودمتـــــــي بخـــــــــير،،