ونيت ونه واحدن لاسعه ناب .. لو تسمع الونات يا شوق ونيت

جروح قلبي مالها طب واطباب .. متغزراتن وفي حشايه مثابيت
بعيان دعجن لحظهن ظرب نشاب .. صاب الفواد وما خطى بالثبيت
ومن ونتي يا شوق حتى الصخر ذاب .. ما فادني كثر الحسف و التنهيت
اخفي دموعي عن يحسون لقراب .. ولا حسودن ياخذ الخبر و الصيت
البدر عن عيني تذرا بسحاب .. والكون في مجرات سيره تعاييت
نار الغضا ويهبها يول هباب .. هل كيف فيها وانته عنها تذريت
ما ينفع المفيوع كثر التطلاب .. ولا تنفع الحسرات ياليت ياليت
صلاه ربي عد ما خب خباب .. واعداد ما يسعى وماطاف فالبيت