تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..

وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..

واملاك السما تحفك بنور الرازق المنان
عليك اسم الله يالغالي وعمت عين اللي يحسدونك ..

تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..

وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..


يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..

مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..

تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..

خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..

فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..

أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..
وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..

غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..

وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..

يقولون ادفني ذكراه وانسي اللي خان
قسم بالله ما انساك ولو هالكون ينسونك ..

تروف بحالتي سارة وتحلف والله هو خسران
يواسوني رفيقاتي يقولن كلنـــا عونــــك ..

كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..

أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..

أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..

غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..

وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..

(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..

أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..

ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..

يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..

أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك ..

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..

فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..

زماني مارحم ضعفي هزم حسي وتحداني
عهد في قبري ما نساك تعال وزورني عاني ..

تعال خلني بحس إنك علي ولهـــــــــــان
وبفــــــــــرح وانا في وســـــــط تربـانــــــي..

اتمنى أن تعجبكم ..
منقــــــــــــول

جداإأإأإإ رأإأإأئعه وكلماااات لها معنى لا يفهمه ولا يحس به الا عاشق الشعر ::::

تسلمي الغلا وسلمت اناملك صرإأإأإأإحه،،،،

بنت االبااااااااطنه


صح لانك وعلا شانك يا ذووووووق

الصرااااااااااااااااااااااحه مسكته ما شاء الله عليك

شعرك يهبل

يعطيج العافية على الكلامات الرائعة وابدعتي الاختيار

ولكن مراح اوصل اتمنى الموت لاجل شخص الي ميايبنا مانبيه

صح بنت الباطنة

صحيح الحب عالم من المشاعر ولكن لكل شي احدود

تقبلي مروري

أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..

سواااااااااالم بنت الباطنه وصح لسانك وسلمت ايدك ع النقل الرائع

المشاركة الأصلية كتبت بواسطة خواطر مبعثره جداإأإأإإ رأإأإأئعه وكلماااات لها معنى لا يفهمه ولا يحس به الا عاشق الشعر :::: تسلمي الغلا وسلمت اناملك صرإأإأإأإحه،،،،

تسلمين خطوووره حبيبتي ع مرووورج الطيب وأنا تراااني أعشق الشعر بس مب كل أنواعه

المشاركة الأصلية كتبت بواسطة @متميز@ بنت االبااااااااطنه صح لانك وعلا شانك يا ذووووووق

صح بدنك يامتيزنا وتسلم ع بصماتك ف مواضيعي ^_^

المشاركة الأصلية كتبت بواسطة اسيرة الامل يعطيج العافية على الكلامات الرائعة وابدعتي الاختيار ولكن مراح اوصل اتمنى الموت لاجل شخص الي ميايبنا مانبيه صح بنت الباطنة صحيح الحب عالم من المشاعر ولكن لكل شي احدود تقبلي مروري

أكيد فديتج اللي مايبينا مانبيه لكن تراااه تمني الموت تعبير مجااازي يعبر عن الحزن والتألم والحسرة

بعدين يعني صعبة تحبين انسااان وتتعلقين به ويكوون اهو حلم حيااتج وفالنهااايه مايكون نصيبج ....كني بدش ف سوااااف الحب عاد اذا رمست ع الحب مايسدني شووووي

تسلمين ع مروورج غناتي

لجعلان اشتاق ورووح ضميانه تسلمووون ع مروركم الطيب