حبيبتي لا من غديتي سراج أتبعه
كني غديتمن الظما أركض ويطردني السراب
لاتبخلين اذا شربتك ماشربتك من سعه
دامي من جروح الهموم الموجعه كلي صواب
اليوم مريتني المواني والفصول الأربعه
اليوم مرتني المواني والمباني والسحاب
يابنت في خدك وهج سيل الشموس الساطعه
أحرق بداخل داخلي انسان ماهو للتراب
اليوم ماكني لقيتك مر صوتك ماسمعه
واليوم ماكني فقدتك في سؤالين وجــواب
واللي خلق ظلم الليالي في العيون الهاجعه
اني من الحرمان أتسائل ورماني جواب
يوم الوداع تخيلي مالي حبيب اوادعه
محروم انا وتخيلي محروم حتى من العذاب
يابنت لي قصه تطول بكلمتين موجعه
هي باختصار اني انا اركض ويطردني السراب