تنويهات للمطورين !
قوانين الإستخدام / Terms Of Use نظام الترقية / System Upgrade نظام الأشراف / System Supervisor
قوانين الإستخدام / Terms Of Use نظام الترقية / System Upgrade نظام الأشراف / System Supervisor
أهلا وسهلا بك إلى منتديات جعلان.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
| الملاحظات |
|
|
أدوات الموضوع | انواع عرض الموضوع |
|
شاعر
غير متواجد
|
مخطوبه و أنا الكافر وصدمات الغلا
بسم الله الرحمن الرحيم السلام عليكم ورحمة الله وبركاته. أعود إليكم بأبيات جديده رغم قدمها في دفتر أشعاري ، هي عبارة عن حوار شعري جمعني بالصديق الشاعر ماجد الحتروشي ، بدأت أنا الحوار بقصيدة "مخطوبه" وجاء رد ماجد علي بأبيات قصديته "أنا الكافر" وكان ردي عليه بأبيات "صدمات الغلا" أترككم مع هذا الحوار الشعري البسيط ، متمنيا ً أن ينال على إعجابكم. ((مخطـــــــــــــــوبه)) تقول إنساني يا أحمد ، وليت الحــــل فـ النسيان خلاص أرجوك تنساني ، أنــــــــــا لفلان مخطوبه أنا أرجوك ياعمري ، أبــــــــــي نبقى مثل إخوان وطاري الحب وحياتك ، أبــــــــــد لاتجيبني صوبه أحبك موت صدّقني ، ويشهد ربـــــــــي الرحمن ولكن للأسف نفسي ، علــى هـ الحال مغصوبه تصدق عاد يــــــــــا ماجد ، حكيها فجّر الأشجان وكل حرف(ن) توشحني ، أحسه نـــــار مشبوبه كلام(ن) يجرح الخافق وصدمه تدمــــي الوجدان وحب(ن) صار في لحظه ، بقايـا إحساس إكذوبه محبه إنتهت فجأه ، وعمر(ن) ضـــــاع فـ الأحزان وذكرى ماتجيني غير ، مـــــــع الأهات مصحوبه تقول إنسى عسى تلقــى بديلي والمفارق حان وحق اللي جمعني بك ، تناسى إنـــــي محبوبه تبي أنسى وأنا مانــــــــــي قليل الأصل أو خوّان وقلب(ن) ينخلق وافـــــــي ، محال يبدّل إسلوبه تبي أنسى وأرد القلب مــــــن بير الهوى ضميان بعد مـــــــــــاكانت إحساسه وأنفاسه ومشروبه تبي أنسى محبتنا وماضينا وكــــــــــــــل ماكان تبيني أرضى بالواقع ، مدام الفرقـــــــى مكتوبه ألم يستوطن أعماقي ، وقلب(ن) ضــايق وتعبان وكن الروح يـــــــا ماجد ، مع الإحساس مسلوبه دخيل الله يــــــــــــــا ماجد ، أبيك تزهب الأكفان أحس الموت قرّبني ، وهـ الساعـــــات محسوبه ولو حانت نهاياتــــــــــــــي ، ودارت دورة الأزمان أبي تذكر صداقتنــــــــــا ، وشعر(ن) نفترش ثوبه ومادام الزمن يمضي ، أكيـــــــد الحل فـ النسيان ((خلاص إنساها يا أحمد ، تراها اليوم مخطوبه)) أحمد العلوي ******************** ((أنا الكافر)) صديقي هدي اعصابك دخيلك واخزي الشيطان ولاتحزن لجل بنت(ن) من الاحساس مسلـوبه فلا خير(ن) فــ من لايجزي الاحسان بالاحسان ولاهو عيب اذا الواحد يحاول يستر عيـــــوبه نعم أنسى مدام فلانه أهدت نفسها لــــــــفلان ولا ترفع قدرها لو بدمعة عين مسكـــــــــوبه أنا مابيك في ذل النسا تلبس لي التيجـــــــــان ترى الرجال ماينذل من انثى لو هي مرغوبه ترجـّـل عن حصان الحب والاخلاص والعرفان وعيش الدنيا مقلوبه مدام الدنيا مقلــــــــــوبه صحيح ان القلوب اوطان ولكن لعنبو أوطان تيسر عسرة المنفى وتحببنا الى دروبـــــــــه يــ أحمد والله في هذا الزمن صعبه تلاقي انسان يضحي لجل من حبه واذا حصلت بــ اعجوبـــــه أنا مثلك عشقت انسانه عشق(ن) يشبه الادمان حسبت ان الوفا يزهو بها والصدق تزهو بـــه جميله ما تدوّر عن جمال(ن) يكمل النقصــــان خجوله كنّــها بين الورود البيض أرنـــــــــوبه قضيت العمر في تبجيلهــــا من دون استئذان وهي من دون استئذان راحت عني مخطوبه ضحكت من الغضب لحظه ورحلت اجمع من النسيان مايكفي لكي أنسى وجع تاريــــــــــــخ محبوبه قطعت انفاس سيرتها وصلبت الصوره عالجدران ولين اليوم وصورتها على الجدران مصلوبه أنا الكافر بـــ حب من ماملك في حبي الايمـــان وانا اللي أجعل الكلمات مرفـــــوعه ومنصوبه صديقي لاتكون انسان إلا في عيون انســــان ولا تغفر لمن عذره يكون اقبح من ذنوبـــــــه ماجد الحتروشي ******************** ((صدمات الغلا)) تعدّاك الخطا واللي تقوله مــــــــــــــــــاعليه غبار وصدمات الغلا لا جات ، تراهـــــــــــا ماتجي سهله أنا ياخوي صدقني ترانــــــــــــــــــي منهك ومنهار وكل جرح(ن) تلبسني ، زرع فـــــــي خافقي عله رفيقك للهوى أهـــــــــــــــدى سنينه والألم تذكار وفا للغاده اللي مـــــــــــا وفت فـ إحساسها مثله عصف بي هـ الأسى وإجتاح مابين الضلوع إعصار وأنا واقف أطالعهـــــــــــــــا وشفت فـ إيدها الدبله جنون إبتزني فجأه وطــــــــــــــوّق جملة الأفكار وقلت بطيش مــــــن قهري "ذبحتي الروح يانذله" غصب أخطيت يا ماجد ، وأنــــــــا ماني ترى غدّار أنا من قسوة الموقـــــف ، بكيت وقلت هـ الجمله محال الساقي يتجنّى ويجــــــــــــــرح رقة الأزهار وأنا ساقيها من حبي شراب الـــــــــــــود في دله حشى مو قادر أتصوّر ولا أستوعب اللــــــــي صار دخيلك قول يــــــــا ماجد ، عذاب الحب وش حلّه؟؟ تبيني أرضى بالواقع وأســـــــــــــــاير رغبة الأقدار متى يستأذن القاتل مــــــــــن المقتول في قتله!!! أشوف الموت أحسن لي مـــــــــن التفكير والتكرار ومنهو عانده حظه ، أكيـــــــــــــد الموت أحسن له يردك للوجع شوق(ن) ، توشّــــــــح أسخف الأعذار ويخضع للألم قلب(ن) يهـــــــــــــــاب الطيش والزله تراه الحب يا ماجد ، لعب بــــــــــــــــي لعبة المكّار يعيّشني على وهمي ، ويذبحني علـــــــــى مهله تبعته والألم يرســــــــــــــــم ، ملامح آخر المشوار نسيت إن الهـــــــــــــــوى كذبه ، بدوها عنتر وعبله تخلّت عني وإختارت ، هذاك اللـــــــــــــي هله تجّار غني وفلوسه مـــــــــــاتحصى وعنده لكزس وفله وأنا واحد فقير(ن) ماملك مـــــــــــــــــن دنيته دينار رصيده إحترام الناس ، وكنـــــــــــــــزه خلقه وفعله أنــــا بحـــــــار بن بحـــــــار بن بحــــــار بن بحـــــار وأنا أملاكي فـ الدنيــــــــــــــا ، عفاف وطيبه وسبله أنا بنساها يــــــــــــــــــا ماجد ، وأساير رغبة الأقدار وصدمات الغلا لا جات ، أساسا ً مــــــــــاتجي سهله أحمد العلوي في أمان الله
|
|
جعلاني برونزي
غير متواجد
|
أح ــمد العلوي،،
بين تلك الكلمــات أجد نفسي حــائرة،، حروفٌ لا يتقنهــا إلا ذوي خبرة فيسعدني أن ابسط قبعتي إحتراماً لك ولصديقك ماجد تحيـاتي
|
|
شاعر
غير متواجد
|
دائما ً لمرورك لذه جميله ومتعه لا توصف.
أشكرك على هذه التعابير التي تثلج الصدر وشكرا ً لك على تواصلك الدائم. فـ لله درك يا ملاك جعلان
|
«
الموضوع السابق
|
الموضوع التالي
»
العرض العادي
|
|
الساعة الآن 01:29 AM