مشكوره اختي
المنصور اذا انت محمد انا هند عيل
ههههههههههههههههههههههه

المشاركة الأصلية كتبت بواسطة المنصور تسلمين ع السينايرو الجميل والقصه المتميزه الله يسلمــــــــك خيــــــــــــــــوووووو اتمنى ان امثل ف هذا المسلسل افــــــــاا عليك اتخيل عمـــــــررك انك تمثل فهالقصه ههههههههههههه وومشي حـــــــآآلك واكون محمد هههههههههه ههههه مب جنه احسنلك سهيــــــــــل تسلمين اختي

الله يسلمــــــــــــــــك

يثلمـــــــــــــــــــووووو
ع الطله الحـــــــلووووه

المشاركة الأصلية كتبت بواسطة روح مسقط مشكوره اختي العفـــــــــــــووو غناتيـــــــــــه المنصور اذا انت محمد انا هند عيل ههههههههههههههههههههههه

ههههههه حلـ،ــوووووووووو

مشكـــــــووورره
فديتــــــــــــــج
ولعيــوونج ولعيون
المنصوور بكمل القصــــه

البارت"5 "
عقب غنت
" جالس بحالي ولحالي هزني الشوق و ذكرتك.. يعني معقوله ياغالي كل هاذا وما وحشتك "
وتذكرت آخر موقف صار وياها مع سهيل..
كانو كلهم متيمعين ف بيت ابو سهيل..
وكانو الشباب والبنات ويا بعض..
مرام: عن اذنكم انا وشهد سايرين المطبخ..نساعدهم
الحسن: هييه الحين نزل عليكم الوحي عسب تساعدون الحريم
سهيل: هيه والله .. بعد ما قلنا بنلعب جرأة وحقيقة..
محمد: لالا ما يصير يلسو
مرام: افففف { وتيلس } ها يلسنا.. يعني لازم نعلب وتفشلونا؟؟..
شهد: افففف
هند{ تحاول تتهرب }: اممم انا بسير الحمام
ريم{ لانها بنت خالتها ف يت معاها }: انا بعد
سهيل { ويأشر على هند }:لالا حبيبتي يلسي يلسي.. { هو كان متعمد يقول هالجمله بس كان يبي يشوف ردة فعل هند }..<< بس هو بين للكل انها كلمة ظهرت من لسانه غلط..
هند{ ويهها احترق من المستحى }: هاه؟.. لالا انا بروح وبرد { وزخت يد ريم وشردة للحمام}
عقب الشباب يابو مثل العصايا لكن من طرفها { جهه وحدة } مكسور عسب يميزون بين السائل و المسؤول
محمد { و يزاعج }: هــند هــند يلا بدينا اللعب
عقب دخلت ريم ووراها هند.. { وكانت موطية راسها }..
الحسن: شوو عرووس الاخت ؟؟ خخخ
سهيل: اييه انته شو يخصك فيها ؟؟
الحسن: اووهوو يا مالها المحامي
محمد: بس خلاص شباب.. يلا بدينا
اول مرة يا على محمد وغادة..
محمد: جرأة ولا حقيقة..؟
غادة: حقيقه
محمد {وهو يطالع سهيل }: انزين .. انتي تحبين منو..
غادة { وتطالع هند }: هههه شو هالسؤال المحرج...؟
محمد: عااادي هو بيكون سر بينا كلنا
غادة { وكل شوي تطالع هند }: امممم امممم امممم... بصراحة انا احب .. سهيل ..
هند { بدون ما تستحمل ( لا شعوريا ) }: لا والله..؟
غادة: هيه والله ... انتي شو الي حارنج..
هند: يعني بالغصب تبين الريال يحبج؟؟
سهيل: بس خلاص بنات..
غادة: سهيل.. اعترف .. انته تحب منو..؟
سهيل { والدمعه ف عينه }: انـ..ــا احبج يا غــ...ـــادة
هند { وعيونها ممترزة دموع }: شووو؟؟
غادة { والابتسامة الشريرة ف ويهها }: شوو.. ما عندج اذون عسب تسمعين؟؟ قال يحبني انا سمعتي انااا.. واقولها مرة ثانية انــ....{ وقبل لا تكمل الرمسه جان تحصل لها طراق من هند }
هند { وتطالع ف الارض والدمعات ما توقف .. وبكل هدوء } قالت:
خلاص سمعت ..
سهيل ماقدر يستحمل الموقف وطلع برع ..{ لانه عيونه كانت ملياانه دمووع }
ريم: ايييه انتي غادووه.. احترمي عمرج انزين..
ظهرت غادة من الحجرة والابتسامه الشريرة فويهها
مرام وشهد { تمو ساكتين لانهم ما يعرفون شو يسوون ماشي بايدهم }
مرام: بس خلاص هند انسي الماضي الي كان بينكم { لانهم كلهم كانو يعوفون انه يحبون بعضض من زمان }
شهد: هيه انسي.. لانه مثل ما سمعتي انه سهيل يحب غـ...{ وقبل لا تكمل قاطعتها هند }
هند: بس خلاص شهد .. لا تكملين الله يخليج
مرام: انسي الماضي
هند { وكانت تصارخ بكل قهر }: انسى الماضي؟؟... كيف تبيني انسى الماضي وانا عشت احلى ايامي كيف تبيني انسى كييف..؟؟ وتمت تصيح { هذا اليوم الوحيد الي كانت فيه هند ضعيفة و مكسورة }..
وعطول هزت راسها تبعد انحس يوم فحياتها..وقالت ف خاطرها:
" مهما سويت .. ومهما عملت .. بتم احبك "
وابتسمت ابتسامه تقطع القلب.. عقب تنهدت
هند:آآآآآآآآآآآه انا ليش اذكر عمري بهاليوم؟؟..احسن لي اكتب واجباتي..
وبدت تكتب واجباتها..
اما عند مرام.. يت عندها عواش ربيعتها.. وشهد..
كانو يسولفون عن الشغل
عواش: اقول شهد..
شهد: قولي
عواش: انا اليوم ما شفتج ف الدوام..وين كنتي
مرام: وانا بعد ما شفتج
شهد: هههههه اكيد افتكيتو مني
مرام: افاا عليج
شهد:لا ترى يوم الجمعه كنت مسخنه واليوم راحت مني
عواش: سلاااامات..
مرام: الحمد لله ع السلامه
شهد: الله يسلمكم من كل شر

البارت " 6 "
عواش: اقول مرام..
مرام: هلا
عواش: ما اسمع حس لهند.. وينها؟؟
مرام: اكيد ف حجرتها..
عواش: اهااا
عقب سارت شهد بسيارة عواش عسب توصلها..
اما عند مرام سارت صوب هند ولقتها تكتب واجباتها
مرام: خلصتي؟؟
هند: تقريبا هيه .. بس برتب مالي الجدول واخلص.. ليش..؟؟
مرام: لا .. مجرد سؤال خخخ
هند: اوكي انا الحين بيي حجرتج..
مرام: اوكي..
واول ما ظهرت مرام.. دق موبايل هند.. وكان رقم غريب.. عقب ردت
هند: السلام عليكم
.....: وعليكم السلام
هند { وهي شاكه ف هالصوت لانه هب غريب عليها }: منو ويايه..؟؟
......: اممم هذا مب موبايل محمد؟؟
هند: لا اخويه انت غلطان ف الرقم..
{ ترى هو غلط لانه ( مرام , محمد , هند ) نفس ارقام الموبايلات بس أخر رقم يختلف }
وقبل لا تسكر..
.....: هند
هند { منصدمه لانه اسمها ما يظهر حلو الا من صوت.... سهيل }:.........
......: هند انا سهيل بس انا غيرت رقمي من زماان..
هند: اهلا بولد العم { بس كانت زمان غير ولد العم كانت حبيبي }
سهيل: هلا ببنت العم { كـــان زمان ((( غزااالي ))) }
هند { لا شعوريا }: انته ليش سويت جذي..؟؟
وسكرت ف ويهه عطول { لانه ما تباه يسمعها تصيح }
سهيل: الو الو الو وقال ف خاطره:
" آآآآآآآه ودي اقولج شو الي صار "
اما عند هند .. سارت تغسل ويهها عدل لانها بتسير عند اختها..
هند: افففففف خشمي احمر يارب مرام ما تلاحظ
وسارت صوب حجرة مرام.. ودقت الباب..
هند: السلام عليكم
مرام: وعليكم السلام والرحمه
وسارت يلست ع الكرسي..
مرام لاحظت انه خشم هند محمر..
مرام: هند شفيج..؟
هند: لالا ماشي.. ليش؟؟.. انا فيني شي لالا ماشي
مرام { بنظرات شك }: متأكده؟؟..
هند { ما رامت تستحمل اكثر }: هاه؟؟ هيه ما فيني شي .. عقب عيونها بدت تدمع..
مرام : هند شفييج؟؟
هند: ........ عقب طاحت ف حضن اختها الدافي..
مرام { مصدوومه }: هند حبيبتي شفيج...؟
هند { وبصوت يقطع القلب }: مرااام.. انا مارووم اتحمل .. حرااام الي قاعد يصير..والله حراااام..{ وصوتها بدأ يعلى ف الصياح }..
مرام { حبت اول شي تهديها عقب تستفسر عن الموضوع}..
عقب ما حست انه هند بدت تهدا..
مرام: يلا..سيري غسلي ويهج..عقب ردي..
هند { هزت راسها بمعنى ( هيه) }..
عقب سارت الحمام وغسلت ويهها .. وقبل لا تظهر..جان تطالع عمرها..
وتقول فخاطرها :" يالله لهالدرجة كنت اصيح..؟؟.. عيوني مثل قطعه لحم .. وخشمي احمر.. وويهي حااار..احسه بينفجر عقب شوي.." وردت حق اختها..
مرام { تأشر مجابلها }: تعالي تعالي.. يلسي هني..
وسارت هند ويلست مجابلتنها..
مرام: انتي الحين هديتي صح..؟
هند { تتنهد }: انشاالله..
مرام: انزين.. انتي ليش صحتي فجأة؟؟
هند { مترددة }: انا اذا قلت لج السبب بتقولين عني سخيفه..
مرام{ شكت }: سهيل.. صح..؟؟
هند { بصدمه }: كيف عرفتي..؟
مرام { بابتسامه }: اختي واعرفج
هند: اهاا
مرام: بعدين تعالي..
هند: هلا
مرام: انتي بعدج تحبينه؟
هند: بصراحه.. هيه
مرام: تصدقين.. انتي سخيفه وما عندج سالفه..
هند: قلت لج انج بتقولين عني جي..
مرام: ههههه والله سووري.. بس هاي الصراحه..
هند { بغباء}: ليش؟؟
مرام: الريال اهان كرامتج جدامنا كلنا.. وتقولين بعدج تحبينه؟؟
هند { وخانقتها العبرة }: بس انتي ما لاحظتي انه يوم قال..{ سكتت...عقب تشجعت } هذاك الكلام كان متردد وعيونه تدمع..؟
مرام { تتذكر }: هيه والله..صح... بس اكيد فيه سبب..
هند فخاطرها :" اخيرا في احد فهمني ؟"..
هند: وانا خاطري اعرف شو هالسبب..
مرام: بس على فكرة..
هند: شوو..؟
مرام: اذا هو كان صدق يحبج.. جان ايي عندج و يقول الي ف خاطره..
هند { وهي تتذكر انه اليوم اتصل فيها بس هي الي بندت ف ويهه و تحس بتأنيب الضمير ع الي سوته }: هيه والله..
مرام: بس انا بقولج شو تسوين..
هند: شوو..؟
مرام: سمعيني عدل اوكي..
هند: اوكي
اما عند قوم سهيل.. اول ما بندت هند ف ويهه..انقهر وقال فخاطره:
" وراج وراج ياهند..لين ما تعرفين السالفه ونرد حق بعض مثل قبل "
عقب تذكر موقف من ايام زمان.. كان يرمسها ف التلفون..
هند: خلاص عيل استأذن.. بسير انام.. { كانت الساعه 4 الفجر }..
سهيل: ليييش..؟ عقب شوي بيأذن..
هند { مبتسمه }: خلاص.. بس عشان خاطرك بتم لين ما يأذن..
سهيل: فديتج..
هند: بس انا اليوم ناويه اقعد من وقت..
سهيل: ليش؟؟
هند { مستحيه }: عسب ارمسك..
سهيل: ما بتقدرين..
هند: لييش؟؟
سهيل: لانه انا بكون يالس ارمسج..
هند: بس عااد.. انا جم مرة اقولك ماحب جي..
سهيل: فديت الي يستحوون..
هند { جان تغير الموضوع}..خخخ
فجأة دق باب حجرته.. خلته يرد لارض الواقع..
سهيل: منوو..؟
محمد + الحسن { يستهبلون }: نحن نحن نحن
سهيل عطول عرفهم.. جان يقول:
سهيل: من انتم يا صغاري..؟
محمد: انا الحرامي
الحسن: وانا ولد عمه
سهيل: ههههههههه { جان يفتح لهم الباب }..
سهيل: نعم شو تبوون..؟؟
محمد: مالت عليك ..
الحسن: خلاص سهيل.. احنا ما نحبك
محمد: خلاص ما بنعطيك بوسه..
سهيل:ههههههه انتو واشكالكم.. يلا ادخلو
محمد: مابي .. اول شي راضيني..
الحسن: وانا بعد.. يلا سير حب ريولي..
سهيل: تخسي الا انتو احب ريولكم..
محمد: هههههههههه انته وهند نفس الجمله.." تخسي الا انتو ".. شو متفقين؟؟
سهيل { واونه كان ما يهمه }: ههههه { ويحاول يغير الموضوع }: يلا دشوو..
ودخلو الحجره..
محمد: وشحالك بعد..؟
سهيل: يسرك حالي.. وانتو اخباركم
الحسن: تمام.. ماشي الحال..
محمد: شوزهبتو حق يلسه يوم الخميس ف بيتكم...؟
محمد: انا ما عندي شي ..
سهيل { وهو يفكر }: اما انا اقول احسن شي نلعب مالت الاغاني
الحسن: هيه والله ويا البنات عسب نفشلهم..
سهيل فخاطره :" يبتها يا الحسن.. ويا البنات"..
اما صوب مرام وهند..
مرام: اوكي..؟
هند { مستانسه }: اوكي..
مرام { تتذكر }: هييييه انتي شو بتلبسين يوم الخميس..؟؟
هند: ليش .؟؟ بنسير مكان؟؟
مرام: انتي ما تعرفين..؟؟
هند: شوو؟؟
مرام: عمي فهد عازمنا كلنا ع بيتهم يوم الخميس..
هند { مصدوومه }: جذااابه..
مرام: والله ما استهبل..
هند: ليكون الي قلتي لي اياه تبيني اسويه يوم الخميس...؟
مرام { هزت راسها بمعنى هيه }..
هند: لا شوو.. استحي جي اسوي.. جدامه
مرام: انتي ما بتسوين شي غلط..
هند: بس..
قاطعتها مرام: لا بس ولا شياته.. باجر عقب الدوام بنسير نتشرى حق يوم الخميس
هند { مترددة} : اوكي..
عقب اذن المغرب وسارو { مرام , هند } يصلون جماعه..
اما قوم سهيل سارو المسيد..
ويا اليوم الثاني.. وسارو مرام و هند يتشرون حق يوم الخميس..
وسارو.. المول.. عسب يتشرون ليوم الخمييس..

البارت " 7 "
واول ما خلصو ثياب..
هند { بتعب }: الحمدلله خلصنا..
مرام:ههههه لاحبيبة قلبي.. بنسير محل الاكسسوارات و المكياج..
هند { مصدوومه}: شووو.. انا سايرة عرس؟؟
مرام: لا ياحبيبتي..انا بس بسويلج ميكب خفيييف..
هند { تتنهد}: انتي اللي يمشي وراج بيروح ف ستين داهية..
مرام: اقول طوفي طوفي ولي يرحم والديج
عقب سارو محل الاكسسوارات.. وهند عيبها اكسسوار يناسب ثوبها..
هند: اقول مرام..
مرام: هلا
هند: شرايج فهالاكسسوار..؟
مرام { تتطالع الاكسسوار }: حلوو..والله وطلعتي ذوييقه..
هند { جملتها المعتادة }: جفتي عااد..
مرام: يلا عاد مشكلة الخقه..
هند: هههههه
عقب خلصو .. واتصلو ف امهم على انهم يتغدون ف الموول..
مرام { هي الي اتصلت بحكم انها الاكبر }: السلام عليكم
ام محمد: وعليكم السلام..
مرام: اقول امييه
ام محمد: هلا حبيبتي
مرام { مترددة }: انا وهند بنتغدى برا..
ام محمد { بعصبيه }: شوو.. انتو بعدكم ما تغديتو.. تعرفين الساعه كم الحين ..؟
مرام { وهي تبعد السماعه من اذنها }: كم..؟
ام محمد: الساعه خمس ونص.. وانتو من اول ما رديتو من الدوام عطول ع النول مدري شسمه..
مرام: هههههههه اميه اسمه المول
ام محمد { تتنهد }: سوو الي تبونه المهم انكم تنبسطون.. { وتبتسم }..
مرام { بفرحه }: مشكوورة امييه
ام محمد: العفو اميه..
مرام: خلاص عيل اترخص..
ام محمد: فمان الله..
مرام: مع السلامه..
واول ما بندت ام محمد.. دخل عليها ابو محمد..
ابو محمد: منو كان ع التلفوون..؟
ام محمد: هاي مرام..
ابو محمد: شو كانت تبي..؟
ام محمد: ماشي..بس كانت تستأذن مني عسب تتغدى برا هي وهند
ابو محمد: لالالا شو يتغدون برا { ومسك التلفون ع اساس انه يرمس مرام }..
ام محمد: لا فديتك.. خلهم يفرحون ع الاقل..
ابو محمد: والله بس عشان خاطرج ما بتصل { و رد التلفون مكانه }
ام محمد : الله يخليك لنا..
ابو محمد: ويخليج لنا..
اما صوب مرام و هند..
هند: ها بشري..؟؟ شو قالت ..؟
مرام { حبت تلعوزها شوي }: جفتي القهر قالت يلا ردوالبيت..
هند: جذاابه... لا حراام..من زمان ما تغديت برا..
مرام: هههههههه لا اقص عليج ترى امي وافقت..
هند: كنت حاسه اصلا امي مافي اطيب منها بالدنيا..
مرام: يلا طوفي ..
هند: هههههههه حاظر سيدي..
وطلعو فوق جدى المطاعم.. واكييد هند تحب " ماكدونالدز { M } " اما مرام تحب " كنتاكي" { KFC }..
مرام { تمد ايدها لهند }: ها.. يودي الفلوس..
هند: اوكي
واتفقو ع الطاولة الي بييلسون فيها..
عند مرام ما كان فيه زحمه بس شوي..
اما عند هند ف كان زحمه..
خلونا نسير عند قوم سهيل.. كانو سايريين مشوار.. { محمد , الحسن , مرام } كانو متفقين ع شي.. اما سهيل ما يعرف ..
سهيل: اقول شباب
محمد + الحسن : قووول
سهيل: احنا وين سايريين؟؟
محمد: مكان انته تحبه..
الحسن: مكان فيه الي تحبه..
سهيل { معقد حياته }: هااا؟؟
ووصلو المكان المطلوب..
محمد: انته انزل وشووف
سهيل: انزين..
ونزلو المكان..
سهيل: اقوول..انا يوعاان
الحسن { بابتسامة مكر }: حاظريين
سهيل { بااستغراب }: اول مرة ما تذلني
الحسن و محمد ماسكينه من جتفه وقالو مرة واحده : افا علييك..
سهيل: انا خايف منكم ودوني بيت هلي احسن..
كلهم: هههههههه
ووصلو جدى المطاعم..
اما صوب هند يلا يلا قدرت تطلب الي تبيه..
وقبل لا يخلصون مالها الطلب..
يا واحد ريال يرقمها..وهي مطنشه..
اما عند قوم سهيل..
الحسن: اقوول سهيل..
سهيل: هلا..
الحسن: انته تحب ماكدونالدز..صح..؟
سهيل: اكييد
وكان محمد يرمس تلفون..عقب بند..
محمد: خلاص عيل.. احنا بنسير كنتاكي وانته سير ماكدونالدز
سهيل: اووكي..بس أي طاوله بنيلس فيها؟؟
الحسن: بعدين بعدين..
عقب سار سهيل المطعم.. عقب طلب واول ما لف لقى واحد يتحرش فوحده شكلها مسكينة..
اول ما طالع البنت انصــــــــــــــــــــــــــــــــــدم..
سهيل: هنـــد
هند { لفت ع الصوت اللي يناديها } وانصدمت : سهيــل
عقب يا عندها وقال حق الولد..
سهيل: أي خدمه..
الريال: هيه.. اجلب ويهك..
سهيل { مسك اعصابه }: هه اقول ..رووح.. الله يهديك..
الريال: انته شو يخصك..
سهيل: لا والله.. تتحرش ف بنت عمي وتقول شو يخصك...؟
الريال { قفط وساار }..
هند { مستحية }: السموحه ولد العم.. { على فكرة هم اول ما انفصلو .. صارت تناديه بولد العم }..
سهيل { متغصص }: مسموحه الغالية.. واعتقد انه انا عندي اسم ولا ..؟
هند { ما حبت تطول وياه لانها ماتبي تتذكر الذكريات الحلوة والمرة }: عن اذنك ولد العم..
وصدت وبدت تمشي..ووياها مالها الاكل والدمعه ف عينها..
سهيل { ماقدر يستحمل ومسكها من ايدها ولفها صوبه }: هند
هند { والدمعه طاحت من عيونها وتمت تطالعه بحنــان لذكرياتها الحلوه وياه وقالت لا شعوريا }: لبيـه..
سهيل: هند ارجوجـ...{ وقبل لا يكمل رمسته قاطعته هند }..
هند: انته الي ارجوك يا ولد العم..الي سمعتهـــ..{ وقاطعها سهيل}
سهيل: هند ارجوج لا تقولين " ولد العم " والله ترى اسمي حلو يوم يطلع منج..
هند: ارجوك.. الي سمعته منك هذاك اليوم كفـــــايه..
وهدت ايدها منه.. وسارت الطاوله مالتهم.. وسهيل بعده منصدم ويقول ف خاطره:
" انتي بعدج متأثرة من هذاك اليوم.. والله لو تعرفين السبب جان عذرتيني .. الله ياخذج ياغادة .. وتنهد " عقب ناداه الريال عسب يشيل ماله الاكل..
وشاله ولقاهم متيمعين { مرام , محمد , الحسن , هند }.. هو خذا الفرصه لانهم كلهم كانو يتكلمون ماعدا هند.. وسار يلس مجابلها..
سهيل: السلام عليكم
الكل ما عدا هند : وعليكم السلام..
هند رفعت راسها ولقته مجابلها وللاسف انه لاحظ دموعها اللي تسيل.. وهي عطول نزلت راسها..
مرام { بغباء }: ها سهيل.. انتو شو الي يابكم الموول؟؟
سهيل { وهو يطالع الحسن ومحمد وهم كانو يضحكون }: والله مادري هم اللي اقترحو هالشي..
محمد { يبي يغير السالفه }: اقول مرام..
مرام: هلا..
محمد: انتي ليش ماعزمتي شهد وياج..؟
الحسن : لييييش..تسأل ؟؟
مرام: هيه والله
وتمو يسولفون بروحهم { متعمدين }<< لووول
سهيل { اخذ الفرصه }: اقول هند..
هند { طـــاف }.. مسكينه ما سمعته..
سهيل ف خاطره " عندي فكرة "..
و عطول دق تلفون هند { رنه مسج }..بس طنشته..
سهيل ف خاطره:" اففففف برسل لها مسج ثاني " وارسل لها مسج..
عقـــب قرت المسج وانصدمت { هي عارفه انه هذا رقمه لانه آخر مره اتصل.. خزنته عندها باسم (( الحبيب الغامض )) }
المسج الاول : " هند "
المسج الثاني: " اقول حبيبتي.. سيري الحمام الحين ابي ارمسج عسب ناخذ راحتنا"
هند كانت تكتب " اوكي " بس ترددت .. وقبل لا ترسل جان يوصل لها مسج منه
المسج" يلا عشاااني ".. عقب قامت هند بدون ما ترسل..
مرام: وين سايرة..؟
هند { مرتبكة }: هاه؟ سايرة الحمام وبرد..
مرام: اوكي ..لاتطولين..
هند: ههههه إن شاء الله ختيوو..
وسارت جدى الحمامات بس مادشت .. وتريت سهيل بس تأخر عليها.. عقب قالت ف خاطرها:
" اففف ..انزين ليش قال لي اسير الحمام؟.. اصلا انا ماكنت بسير لو ماقال لي عشان خاطري..حرام قلبي ما يطاوعني اوده.." عقب سارت وهي تتحرطم وكانت موطية راسها..
وفجأة.. اصطدمت ف حد..
هند { لا شعوريا }: ايييه انت ما تشــ... { وقبل لا تكمل الرمسه استوعبت انه سهيل }
هند { مستحيه }: السموحـ..
قاطعها سهيل: يا سهيـــــل..
هند { تغير الموضوع }: خير.. في شي ؟؟
سهيل: انتي ليش جذي؟؟
هند: اعتقد اني ما سويت شي غلط..
سهيل: انزين امشي نيلس هناك لانه شكلنا غلط جييه.. تعالي انا رمست مرام وقلت لها اني برمسج..
هند { مترددة }: اوكي
سهيل: يلا.. ومد ايده..
هند: ليش مديت ايدك ؟؟
سهيل: برايج.. وسار جدامها .. وهند لحقته..
هند: انته وين ناوي تسير..؟
سهيل: ستار بوكس..
هند { بالغلط }: واااااو
سهيل { باستغراب }: ليش انتي تحبينه؟؟
هند { مستحيه ومتلخبطه }: هاه..؟ لالا.. اففففف.. السموحه..
سهيل { ابتسم على خبالتها عقب رد بملل }: مسموحه..
عقب وصلو .. ويلسو مجابلين بعض وهند كانت مستحيه
{ على فكرة.. ستار بوكس كان فاضي لانه كانت ايام مدارس..}
عقب يا الموظف..
الموظف { يرمس سهيل }: يا اهلا وسهلا..
سهيل: اهلين
الموظف: شو بتحبو اجيبلكم..؟
سهيل: انا ابي كابتشينو..
الموظف: وزوجتك؟؟
هند انصدمت..
سهيل { مستــــانس }: شراتي..
الموظف: عفوا استاز ؟؟
هند { بسرعه }: كابتشينو..
عقب سار الموظف..
سهيل: شفيج.. مظايقة؟
هند: لالا ولاشي..
سهيل: انزيين
هند: بسرعه لو سمحت..
سهيل { يغايظها }: اممممم امممم امممم نسيت { ويطلع ظروسه }
هند: خلاص عيل استأذن..
سهيل: شوو.. يلا عاد.. انزين بقولج..
هند: قول
سهيل { يتنهد }: انا كنت ابي ارمسج عن هاك اليوم
هند { بغباء }: أي يوم ؟؟
سهيل: انا مابي اقول..
هند { بقهر }: عيل كيف تبيني اعرف..؟؟
سهيل: انحس يوم بحياتي..
هند { بقهر }: يوم قلت لي " احبج "؟؟
سهيل { منصدم }: انتي شو قاعده تخرفين..؟
هند: اسمح لي سهيل.. انا مــ...
قاطعها سهيل: هند ارجوج افهميني..
هند { بقهر وعيونها ممترزه دموع }: انت الي افهمني..
سهيل منصدم من الدموع : هند ليش تصيحين؟
هند { بقهر وغيظ }: انته شو تبيني اسوي اذا انا ما احبك؟؟
سهيل { منصــــــــــدم }: هند بس انا احبج..
هند { ماقدرت تكمل زياده }: انزين وانا امووت فيك..
سهيل: هند حبيبتي اهدي الله يخليج وسيري غسلي ويهج
هند: اوكي..

كـــــــــــــــــــــــــــــــــــــــــــــــــ ـــــــــــــــــــــــــــــــــــــــت

شرايكم ف هالبارت..؟
ان شاالله يعيبكم.. ولا تنســـــــــــــــــون { توقعاتكم }

و السـ م ــوح ـــه..~

ll. جعـــــــــــــــلانيه طـــــــــرر .ll

اتـــــــــــــــــــــرريـــــــــــــــــــأاا
ردوووووودكـــــــــــــــــــــــم

اووووووووووووب شكل هالقصصصصصصصصه خطيرررره

فددد اناا الحيييييين اقرا قصصصه غيرر وما اقدر اقراهن فالنفس الوقت
بس هااي شكلهاا حلووووه عيبني العنووان خخخخ اكيدد المضموون حلووو


انتيييييي نزلي واناا بنزلهاا عنديه وبعديين من اخلص هاذيك بقرا مالتج

اوووووووووووووكيكك

نزلي البارات البااااااااااجيييييييه عشانيييي أأنززززززززززززين


يلله اتــــــــرياج

تـــــــــــــأمررين آآآآآمـــــــــــــرر
ريمــــــــــــــآآآآآآني ع هالخشـــــــــــم
فديتـــــــــــــــــــــــج

البارت " 8 "
وسارت هند جدى الحمامات..دخلت .. عقب غسلت ويهها
وقبل لا تظهر من الحمام.. سمعت صوت وحدة تزقرها..
......: هنــد
هند{ صدت صوب الصوت اللي يزقرها لكنها انصدمت }
......: عرفتيني؟؟
هند ف خاطرها:" كيف تبيني انساج ؟"
هند { بابتسامه }: امبلا عرفتج..
..... { تسلم عليها }: شحالج؟
هند: تمام الحمدلله .. وانتي اخبارج غـــادة؟؟
غادة: ماشي حالي..
هند: عن اذنج.. انا الحين بسير..
غادة: اوكي..بس تعالي.. انتي ليش خشمج احمر؟؟
هند: لاني مزجمه..{ وتخلي عمرها تكح } كح كح
غادة { بشك }: اهاا.. سلامات..إلا ما قلتي لي..
هند { متوترة لانه سهيل يترياها }: هلا
غادة: انتي شو اللي يايبنج الموول..؟
هند: لا بس كانت عندي كمن شغله..وانتي..؟
غادة: لا..بس سارة اختي كانت تبي اغراض لانه عيدميلادها قرب..
هند: اها { تبي تتهرب } عن اذنج..
غادة:اذنج وياج..
عقب ردت هند " ستار بوكس "..لكن غادة لحقتها تبي تعرف وين سايرة..و انصدمت يوم جافت سهيل..وقالت ف خاطرها:
" كيــــــف؟؟ انا يلا يلا قبل سنتين حاولت اني افرق بينهم ونجحت..والحين هم كيــف ويا بعض؟؟ ليكون بيتصالحون؟؟ لالا انا لازم اخرب من بينهم"
اما عند هند..
سهيل: ليش تأخرتي ..؟
هند: لا بس جفت ربيعتي ف الحمام { ما تبي تقول اسمها }..
سهيل: اهاا..على فكرة.. توهم يابو الكابتشينو..
هند: ماشاالله..يعرفون متى برد..
سهيل: هههههههههه
هند ف خاطرها:" وااي فديت ضحكته "
هند{ خلت عمرها جديه }: خلنا نرد لموضوعنا..
سهيل: انزين..
هند: وتقول لي الصج..
سهيل: اكيـــد..
هند: انزين قوول
سهيل { يتنهد }: انتي تدرين شو الي صار قبل سنتين .. صح؟؟
هند { تتنهد }: وبعدين..
سهيل: احنا قبل مانبدأ اللعبة كانــ...{ قاطعته غــادة }..
غادة: السلام عليكم..
سهيل + هند { بدون مايعرفون منو }: وعليكم..
عقب صد سهيل عسب يجوف منو.. انصدم
سهيل { منصدم }: غــادة..
غادة: هيه نعم.. { وهي تطالع هند } اقول سهيل..
سهيل { بملل}: هلا..
غادة: عادي ايلس وياكم ولا فيه اسرار من بينكم ..؟
سهيل { يطالع هند }: لالا عادي..
عقب يلست وبدت تسولف ويا سهيل..
اما هند ف خاطرها :" طنش تعش تنتعش "..
لكن سهيل لاحظ سكوت هند وتم يرفسها ف ريولها..
هند: آآآآآآآي
غادة: شفيج؟
هند { تطالع سهيل اللي يضحك }: لالا ولاشي..
عقب رن موبايل هند.. وكانت مرام..
هند: السلام عليكم..
مرام: وعليكم السلام.. اقوولج يلا بسرعه تعالي بنصلي المغرب ف المسيد مال الموول.. عقب بنرد البيت..
هند: اوكي.. انتي تريني ف المسيد..
مرام: اوكي..
عقب سكرت من عند مرام..
هند: عن اذنكم..
سهيل: خير هند.. وين سايرة..؟
هند: بسير اصلي المغرب..
سهيل: اوووه صح انا ما صليت..
غادة { اونه عااد }: وانا بعد..
سهيل: خلاص عيل يلا بنسير كلنا مرة وحدة..
غادة: اوكي..
و عقب سارو من عند " ستار بوكس" .. وكانو يمشون { كان سهيل ف النص من بينهم }..
وغادة كل شوي تدز ف سهيل.. اما هند كانت عاطيتهم طـــااف وتطالع الناس الرايحين والرادين.. وسهيل لاحظ هالشي.. عقب .. سهيل زخ ايد هند ويبتسم..والحبيبة هند ما قالت شي.. بالعكس ابتسمت شراته..
ووصلو جدى المسايد.. عقب سهيل هد ايد هند بالغصب..ودخل مسيد الرياييل و جاف الحسن و محمد.. وراح عندهم وصلى وياهم..


اما جدى البنات.. مرام اول ما جافت غادة..انصدمت
مرام : غــادة!!!
غادة: هلا والله ببنت العم..
مرام: اهلين.. { تسلم عليها }اخبارج..؟
غادة: الحمدلله.. بخير.. { حبت تغايظ هند }.. اكييد بشوفتكم { وتطالع هند } وسهيلي طبعا..
هند { بغيظ }: يلا مرام خلنا نصلي احسن..
مرام { حست بغيظ اختها }: يلا..
وسارو يصلون جماعه .. عقب مرام اتصلت ف محمد عسب يوديهم البيت..
وظهرو كلهم من المسيد..
وهند ما عطت سالفه لاخوانها وغادة وسارت صوب سهيل..
هند: اقول سهيل..
سهيل { مستغرب من جرأتها }: هلا..
هند { شافتهم كلهم يطالعونها }: بنكمل الرمسه يوم الخميس { وتطالع غادة }.. اوكي؟؟
سهيل { شاق الحلج }: اكييد
هند: عن اذنك..
سهيل: فمان الله..
وقبل لا يركبون السيارة .. { غادة انقهرت من حركه هند وقالت بترد لها }.. وقالت جدامهم..
غادة: اقول سهيل..
سهيل: هلا..
غادة: امممم انا بسير وياك اوكيك..؟
هند ف خاطرها :" سهيل بلييز اذا كنت تحبني لا تشلها وياك "..
وسهيل لاحظ نظرات هند الي ما فهم معانيها.. لكنه قال..
سهيل: آسف.. انا وراي شغل.. ردي ويا اختج سارة..
غادة { مقهـــــورة }: ان شالله..
اما هند بادلت الابتسامه حق سهيل وهو بعد.. واشر لهم سهيل..
سهيل: يلا فمان الله..
كلهم { ماعدا هند }: فمان الكريم..
اما هند قالت ف خاطرها:" الــــلــه ويـــاك "..
وكل واحد رد بيته مرتاح الا غادة الي ردت البيت مقهورة من حركة سهيل..وهند..
وهند اول ما ردت البيت.. سارت حجرتها .. سارت تتسبح.. وارتاحت نص ساعه.. و قبل ما تبدأ الدراسه اذن العشاء..
هند: الحمد لله.. وسارت تصلي عقب بدت ف مالها التقارير..
اما ف اليوم الثاني.. ف المدرسة..
كان الكل يالس ف الصف بهدووء و منتبهين للدرس..وفجـــأة .. هند صرخت..
هند: يـــمـــا..
المس: بلاج هندوو تصارخين..؟
هند: مس والله اني زايغه..
المس: من شو زايغة..؟
هند: مس فيه (( نمله )) تحت مالي الكرسي..
وكــل البنات نقعو ضحك عليها..
المس { بجدية }: بس هند.... النمله ما بتسوي لج شي..
هند: مس امبلا يوم كنت نايمه جان تقرصني..
البنات بس كله يضحكون على خفه دم هندوو..
اما ف الفسحه..
هند: عاد اليوم دوري ف العزومه..
ريم: اوكي.. انا مثل كل يوم..
نوف : مثل ريم..لكن هالمرة زودي بــس 2 شبس و 1 عصير جوافه بـــارد..
شما: اما انا اي شي..
هند: وانتي يا مها..؟
مها: انـ.. { قاطعتها نوف }..
نوف: ادري ادري .. 1 عصير صح..؟
مها { بابتسامه }: صح..
ريم: انزين انتي خليها براحتها.. يمكن تبي شي ثاني..
مها : لالا عادي..
وسارت هند تتشرى حق ربيعاتها..
واول ما سارت المقصف.. شافت غادة..
هند ف خاطرها:" انتي وراي وراي ؟؟.."
غادة { تقرب صوبها }: هلا..
هند { بملل }: اهلين..
هند { تتهرب }: يلا انا بسير اتشرى حق ربيعاتي..
غادة: اوكيك..
وسارت هند تتشرى حق ربيعاتها..وردت لهم..
ومرت ايام الاسبوع بسرعه..لين يا يوم الاربعاء..
وكانت خايفه من باجر.. لكنها قالت ف خاطرها:" لا انشاالله تنحل مشاكلي وياه " وابتسمت..
وسارت صوب حجرة اختها.. ودقت الباب..
هند: السلام عليكم..
مرام: وعليكم السلام والرحمه..
هند {وهي تيلس فوق الشبريه }: واخبارج بعد؟
مرام: الحمدلله.. شو اشوفج اليوم هب ع الاب.. شوو ما عندكم تقارير..؟
هند: الحمد لله.. انه المسات اليوم كانو طيباات..
مرام: اهاا
وتمو يسولفون لين اذن المغرب عليهن..
وسارو يصلون.. وكل وحدة سارت حجرتها..
عند هند..
هند ف خاطرها:" افففف ملل.. شسوي..؟ امممم احسن اني ادخل المسن واقرأ مالتي القصه .."
وفتحت اللاب مالها.. لكن اول شي فتحت المسن.. وكان في ايميل ضايفنها..وحطت (( قبول )).. وعلى حظها.. كان داش..ورمست الايميل..
غمض عيونك واحلم انك معايا: السلام عليكم..
على بالي كلام الحب: وعليكم السلام..
غمض عيونك واحلم انك معايا:منو ويايه؟؟..
على بالي كلام الحب: اممممم انتي هند..صح..؟
غمض عيونك واحلم انك معايا: هيه نعم.. وانتي؟؟
على بالي كلام الحب: ههههههه انا ريال يالشيخة..
هند ف خاطرها:" ليكوون؟؟...لالا ما اعتقد..لانه من زمان سويت له بلوك وديليت "..
غمض عيونك واحلم انك معايا: اهاا..سوري اخوي انا ما ارمس شباب..
على بالي كلام الحب: هههههههه والله انج تضحين هندوو
غمض عيونك واحلم انك معايا: ما اعتقد انه في شي يضحك..
على بالي كلام الحب: اقول هندوو..انتي اكثر من مرة كنـــتي ترمسيني ..اونه عاد ما عرفتي طريقتي ف الكلام..
غمض عيونك واحلم انك معايا: هه اصلا انا ما كنت ارمس شباب الا واحد.. وهو ولد عمي..
على بالي كلام الحب: والي هو سهيل صح ..؟
غمض عيونك واحلم انك معايا: سهيـــل..؟؟ { وحاطه فيس مصدووم }..
على بالي كلام الحب: هيه نعم.. وياج سهيل ال*****..
غمض عيونك واحلم انك معايا { ما تبي تعيد الذكريات }: اهاا خلاص عيل انا بظهر..
على بالي كلام الحب: اهاا اكييد وراج تقارير بالتوفيق ان شاالله..
غمض عيونك واحلم انك معايا: ههه بالعكس .. اليوم انا فااااضية..
على بالي كلام الحب: لا والله..وليش ان شاالله بتظهرين..؟ شو وراج يهال عسب تعشينهم..؟ الحمدلله ..اصلا انتي آخر العنقود..
غمض عيونك واحلم انك معايا: هههههه لا بس جي انا ابي اظهر..
على بالي كلام الحب: لالا حبيبتي انا ما عندي هالكلام.. الي يرمسني وابي ارمسه يتحملني ليين ما ابي اظهر انا ..
هند كانت مستحيه من كلمه (( حبيبتي )) مع انها كانت تدري انها من دون قصد..
غمض عيونك واحلم انك معايا: هاا..؟ اوكيك خلاص عيل ما بسير بيتكم باجر.. اختار يا انه ارمسك الحين ف المسن او انه ف بيتكم..{ هي كانت تقصد ف بيتكم انه ع اساس بس (( السلام عليكم )) هيهيهي }
على بالي كلام الحب: بصراحه انا ودي الاثنين .. بس ع سالفه بيتنا.. اسوي اي شي و انه تيين..
غمض عيونك واحلم انك معايا { تتهرب من هالكلام وعطول قالت }: يلا مع السلامه..
على بالي كلام الحب { بحزن }: اوكيك خلاص برايج..سلام
و عطول ظهرت من المسن.. وعسب تنسي عمرها (( سهيل )) قالت ف خاطرها:" اقرأ القصه ابرك لي "..
وبدت تقرأ القصه.. وخلصتها بسرعه.. لانها كانت ف نهايتها.. والنهاية كانت انه البطل والبطله يتزوجوون..
جان تقول ف خاطرها:" ياالله يــاليت اكون انا مكان البطله ويكون سهيل مكان البطل..بس ما اعتقد يصير هالشي.." وعقب اذن العشاء..
وصلت.. وبعدين دقت حق ربيعتها ريم..
هند: السلام عليكم..
ريم: هلا والله..وعليكم السلام..
هند: شحالج؟؟
ريم: تمام الحمدلله.. وانتي علومج؟
هند { تتنهد }: ماشي حالي..
ريم: ليش هالتنهيدة عسى فيني ولا فيج..
هند: لالاولاشي..بس باجر بنسير عند قوم عمي ابو سهيل..
ريم: اها انزين ليش تزعلين..بالعكس المفروض تفرحين..
هند: هه اي افرح الله يخليج ..
ريم: المهم.. غيري الموضوووع..ماباج تكونين مهمومه..
هند: اقوولج.. انا ابيج اتيين وياي عند قوم عمي..
ريم: لالا شو رزة الفيس من طباع التيس..
هند: اي رزة فيس اصلا بتيين غصب عنج بس انا من كثر طيبتي..قلت لج مقدمات..خخخ
ريم: ههههههههه
هند: وبعـــد..
ريم: قام وقعــد..هههههههه
هند: انتي شفيج اتخبلتي..
ريم: ههههههه لالا ولاشي..
هند: اقوولج..
ريم: هلا
هند: احنا عقب شوي بنتعشى..
ريم: ما شاالله.. تتعشون من وقت..
هند: اقولج اقولج.. سيري لاااا.. وبندت ف ويهها..
هند ف خاطرها:" عادي عادي باجر بشوفها ف المدرسة وبتأسف منها خخخ"..
وسارت تساعد امها ف المطبخ..

كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــت