المشاركة الأصلية كتبت بواسطة الجوكر* أنتي فهمتيني غلــــط .......... الصحابيات كان يروحن للمسجد ويضمدن جراااح المجااااهدين إذا كانت الحاااجة مللحه يجوز انه المرأة تخرج من بيتهاااا ...... تعااااااالي شووفي مستشفيااااتنااااا يوم جمعناااااااا بين الدكتور والدكتووورة والسستررر والممرض شووه صاااار ؟؟؟ انتي تعرفي واقع المستشفيااات ؟؟؟؟ تعرفي وااقع الأختلااااااط ؟؟؟ ليش ما يكون للحريم مستشفى خاااااااص وللرجال مستشفى خااااااااااص ؟؟ ليش الأختلااااااااااط ؟! هل انتي زرتي كلياااااتناااااااااااا ؟؟؟؟؟ جاامعااتنااا ؟؟؟؟ سمعتي باللي حصل فجامعة عجمااان ؟؟؟ وسكن الطالباات اللي فمسقط ؟؟ لكن الغلط وكل الغلط من الحكووووووووووومة تجمع بين الجنسين في مكان واحد .... وين أحسن ياااشواطى انه الحرمة تقرررر فبيتهاااا وترضي ربها ورسوولهااا ولا تدااوم في مكان مختلط ؟! ضعف الوازع الديني مشكلة مشتركة للأسف الشديد

الجوكر انا فهمتك زين بس الي ضايقني طريقه كلامك كاننا افه او شي اسفه على هالكلمه وانا قصدي انه المراه تشتغل بمكان خاص بالنساء مثل مدرسه بنات او بالمستشفيات بس يكون في قسم خاص بالنساء مثل قسم الحمل والمراه وهالشغلات واذا الحكومه ما سوت مستشفيات واقسام خاصه بالنساء هذا مب غلطنا انته تعرف اننا هني في الامارات صار في اقسام خاصه بالنساء في مستشفى خاص بالحوامل وحتى المراجعات ممنوع يدخلون ازواجهم لو مهما يصير وفي اقسام بالبنك خاصه بالنساء وفي اقسام حراسات خاصه بالنساء بالشرطه هذا كله شوي فـ بوظبي روح شوف السعوديه احس انهم مهتمين بهالامر اكثر
المشكله يا اخي الكريم انه هالزمن محتاج انه المراه تشتغل عشان تساعد زوجها وعيالها ولا تنكر هالشي غلاء الاسعار تراه ذابح الي هني في بوظبي وهني الزوج والزوجه يشتغلون وما شالله معاشاتهم زينه كيف عيل في اماكن ثانيه
تسلم الجوكر خليت موضوعي تحفه بالنقاش
واتمنى انه الكل يناقش ويسوي نفس الجوكر لانه هذا الهدف من المنتدى
وبالاخير الاختلاف بالراي لا يفسد للود قضيه

المشاركة الأصلية كتبت بواسطة راعي صوغان شكرا ع الطرح يا شواطيءالاشخرة والجوكر ما قصر والحرمه مالها غير بيها وعيالها اما اذا كانت تريد تشتغل بسبب ضروف ماديه فافضل وظيفه لها مدرسه او في روضه اطفال وغيرهذا ما يصلح لها وخاص العمل المختلط

تسلم عـ المرور راعي صوغان

ووينك من زمان ليش قطعت عنا

خالتي انا اتكلم عن عمااااااان مب الامارات ...عساه خير بس انا ما أعتقد اني بخللي حرمتي تشتغل مهما ضااقت علينااا الدنيااا

عملي (السعي فالارض وجلب الرزق)
عملهاا ( تربية الأبناء تربية صالحة)

وانا واثق انه كل واحد راح يتقن عمله بإذن الله

المشاركة الأصلية كتبت بواسطة الجوكر* خالتي انا اتكلم عن عمااااااان مب الامارات ...عساه خير بس انا ما أعتقد اني بخللي حرمتي تشتغل مهما ضااقت علينااا الدنيااا عملي (السعي فالارض وجلب الرزق) عملهاا ( تربية الأبناء تربية صالحة) وانا واثق انه كل واحد راح يتقن عمله بإذن الله

شو هاي خالتي خالتي

الجوكر شو تشوفني عيوووز

الله يعين حرمتك عيل

هلاااااااا اختي شواطئ ,,
اللي صاير انه فيه فرق بين الحياه ف عمان والاماراات,,
اللي صاير انه ف عمااااااااان الاختلاااط,,سواء كان ف الدراسه او الشغل,,
وفوق هذا ممنوع من البنت انها تتغشى او تتنقب,,عشاااان جي صعب عندهم دراسة البنت او شغلهاا,,واغلب البنات اللي يكملن دراستهن داخلات مجال التدريس>> لانه الاقل اختلاط
بس بعد هالمجال استوا فيه اكتفاء وصاروا يفتحون مجالات ثانيه كالأي تي والبزنس,,بس هالشيء صعب على مجتمع جعلان واايد,,>> لانه مكان العمل بيكون بنوك وشركات

بس نحن هني ف بوظبي الحمدالله الموضوع اسهل,,لانه ما عنا اختلاط واذا ف الشركاات يكون في قسم للنساء,, وللبنت حرية التنقب او غيره,,

تقبلي مروري,,

كلامج صح من ناحيه وحده تعرفين شو هي ان شباب جعلان للاسف مب مقتنعين انه ممكن وحده رزينه عاقله ومحترمه تشتغل للاسف هذا الي اشوفه هذوله اذا شافوا وحده تسوق صارت سوالف بالشارع وما يخلوها فحالها وهذا مب كلامي هذا وقع ولاانا الصراحه شفت وحده تشتغل بالبنك وعادي حالها من حال اي شخص ثاني بالبنك انا اقول اذا تغيرت نظرة الناس والشباب بجعلان كل شي بيتغير وعشان جيه الشباب نفسهم يخافون على خواتهم لانه الي على راسه ريشه يتحسسها

بصراحة في اعمال مايصير الا الحرمة تشتغل فيها...
وبعدين اذا الحرمة تجدر توازي بين بيتها
وعملها وعيالها وريلها فليج ما تشتغل؟؟
وشكرا تقبلوا مروري

السلام عليكم

ممكن اشارككم .. اممم ,,

انا المراة العاملة ,, وياريت لو اشتغل اليوم قبل باجر ,, والحمدلله هب قاصرني شي
بس السبب اني حابه اعيش هالتجربة ,, واكتسب بعض الخبرة

ماشي فرق بين الاماراتيات ولا العمانيات ولا حتى غيرهن ,, بس دام البنت محترمة نفسها ومحترمة اهلها وعاداتها وتقاليدها ودينها بعد ,, محد يقدر يقول اي شي عنها

بما اني اماراتيه .. ..
ساعات ايلس اطالع التلفزيون ,, واحط قناة عمان واشوف شي بنات ماشالله عليهن ,, متحجبات .. ومحتشمات ,, ويعطون فكرة حلوة عن بنات عمان

المرأة الحينة غير عن اول ,, صار حالها حال الرجل ,, وصارت نصف المجتمع ,,
شي كثر حريم وصلوا لمراكز قيادية وماشالله عليهن ,,

ولكــن,, المرأة اللي ماتقدر توازن بين شغلها وبيتها .. افضل انها تقعد في البيت وتجابل اهلها او عيالها وتعطيهم اللي ناقصهم وماتقصر في اي شي..

وبعدين مستحيل تحس بالراحة النفسية طول ماهيه مقصره في حقهم
ــــــــــــــــــــــــــــــــ
ولكني في النهاية من المؤيدين لعمل المراة ..


تقبلوا مروري

التعليق عالموضوع:
سؤال: من فيه الخير وله الرغبة في خدمة المجتمع؟ بيشتغل لو ما في راتب؟؟
عن العيارة وايد والشعارات (اخدم وطني - خدمة المجتمع)
شغل المراه ضروري بكل المحافل وبالاخص فبعض المجالات اللي ما ممكن يشتغلها الريال والعكس طبعا، وحتى لو فيه اختلاط بس عقلية الناس واتجاهاته هيه اهم شي.
في شي اسمه كل محظور مرغوب. نحن فبلدانا تلاقي امور كثيرة تصير وللاسف بدون تعقل. لو ذكورنا واناثنا تمسكوا بعقيدتهم صح وطبقوها كانت الامور بالسليم بس للاسف ماشي وازع ديني وراح الكل يركض وراء التقليد الاعمى
ومسألة التوفيق عند المراه بين واجباتها البيتيه والعمليه تتوقف عليها اهي وعلى المجتمع والبيئة اللي اهي عايشتنها
اتمنى لو انه نظام الشغل عندنا يصير بالساعات عساس المراه تعطى ساعات عمل بحسب حاجتها حتى تقدر تكيف حياتها بالسليم لنه ما ننسى انه فيه حريم يشتغلن وماعندهن ارتباطات بعد.
باختصار هالموضوع يباله تكاتف من كل الجهات افراد ومؤسسات

ميغسي ل إلك شواطئ عالموضوع المهضوم

سوووووووري بس حبيت اضيف شكلي نسيت اوضحه لمن قلت محظور مرغوب.
القصد إن فبلدانا كشرقيين وبالاخص خليجيين محتاجين الى تشبع من الطرفين بحيث ان الاختلاط يكون مبكرا ومتواصل طوال المرحلة العمرية(عندنا البنت تلاقيها تلعب عند عيال الحاره واهي صغيره فتره اختفت بالبيت فجأة ظهرت من يديد بحكم انها كبرت)
يعني إن البنت لما تطلع يكون عندها ايمان بالله وثقه فروحها والولد لي شاف بنت ماره يمه ما يستغرب جنه اول مره يشوف بنت بحياته واكبر لوم اوجهه للاسرة اللي المفترض توجه التوجيه السليم وتوضح كل شي وبلا خجل ولا استحياء
اعذروني يمكن التعبير عندي خرطي ولني نص راقد والكنكشن زعيف عندي
وفقكم الله للخير والصلاح