ابتعد فيصل عن اخووه وعيونه تدمع : انته جذاب تعرف شو يعنى جذاب
سالم: هذا الصدق
فيصل: لا تتبلى على عمرك للى فيه الايدز يظهر فى ويهه اثاره و انته لين الحين ماظهر عليك شى
سالم(مستغرب): كيف يعنى
فيصل: يعنى نحن وايد مسكنا ناس فيهم الايدز وحطيناهم فى الحجر الصحى و تصدق شو اعراضه
سالم: شوووه
فيصل: اول شى ترتفع حراره جسمك و تنتفض وكل جسمك يبقع احمر عن الخبال سالم
سالم: وكيف عرفت
فيصل: يابووويه انا كل شى يوصلنى و تبا تتاكد تعال بوديك وياى المستشفى
سالم: انزين و صلاه العشا
فيصل: لله يهديك ياخويه صلاه المغرب توها مخلصه بنرجع قبل صلاه العشا
سالم: يالله انزين

طلع سالم مع اخوووه صوب المستشفى مع احمد و كشفوا عن الدم بالكمبيوتر و كان سالم ينتظر النتيجه على احر من الجمر
الدكتور: السلام عليكم
الكل: و عليكم السلام
فيصل: ها يادكتور بشر
الدكتور: لا ماشاء لله اخوك خالى من كل الامراض وصحته عال العال
سالم: يعنى انا هب مريض
الدكتور: لا يابنى مب مريض و لا شى
سالم: الحمدلله يارب (يرفع ايده للسما)
فيصل: انسير البيت
سالم: بنسير بس بعد صلاه العشا بتسيرون معاى
فيصل: هيه انا بسير (يطالع احمد) ها احمد
احمد: طبعا بخاويكم
سالم: انسير يالله


طلعوا الشباب صوب المسيد و اذن سالم بالناس صلاه العشا .....اما فى بيت بوصالح الكل كان حزين على صالح للى فى السجن وماطاع بوصالح يطلعه رغم كل محاولات فيصل انه يطلع

بوصالح: ها يامريم لازم تجهزين
مريم: ان شاء لله بووويه
بوصالح: وين اختج
مريم: فى المطبخ

::++تدخل خلود::++

خلود: فديت للى يسال عنى
بوصالح: تعالى يابنتى
خلود: هايابووويه
بوصالح: شو دراستج
خلود: و لله تمام
بوصالح: يالله اشوفج عروس ان شاء لله
خلود(اطالع مريم): فى ناس قبلنا
مريم: بس انزين ههههههههه
بوصالح: يالله بسرح صوب العزبه الحين
خلود: انزين

::++يدخل سعيد::++

سعيد: السلام عليكم
الكل: و عليكم السلام
سعيد: اريدك فى موضوع مهم
خلود: قول اهنيه ماشى امبينا
سعيد: شو تبين انتى
بوصالح: يالله ياولدى خلنا انسير نعرف شو تبا
سعيد: يالله (يساعد ابووه علشان يوقف)

طلع سعيد وابوه من الصاله صوب السيارات لان بوصالح بيسير العزبه

بوصالح: هايولدى شى امرت
سعيد: هيه نعم يابووويه
بوصالح: شو ياولدى
سعيد: ابوويه شو رايك فى شيخه بنت عمى
بوصالح: اشهد انها حرمه
سعيد: خلاص عيل سير اخطبها لى
بوصالح: ان شاء لله ياولدى بس لين الحين سالم مب امبين كيف اخطبها
سعيد: ابوويه انا اريد البنيه وشارنها
بوصالح: ماقلت انا غير
سعيد: عيل خلاص انا اريدها
بوصالح: ياولدى العرس مب خذوه فغلوووه
سعيد: ابووويه لا تصعب على انا اريدها
بوصالح: ان شاء لله برمس بوسالم بس الحين بتكون ملجه اختك
سعيد: انزين بس خلوها محيره لى
بوصالح: هذا عين الصواب ياولدى
سعيد: انزين انته موافق
بوصالح: هيه نعم موافق ياولدى
سعيد: عيل خلاص عنى بيوافق بعد
بوصالح: ادرى بس لازم نصبر لين ملجه اختك
سعيد: انزين ابوويه قتلك حيرها لى
بوصالح: خلاص بحيرها لك
سعيد: لله لا يحرمنا منك ان شاء لله (يحب راس ابوه)