السعادة غادرتني والمسرة أو حالتي صارت من الفرقى عسيره
من هواجيس لها في اليوف حره ارثت في القلب اعواق خطيرة
احبس الآهات حراقه او مره لين صارت أيامي مريره
المشاعر كبتها ايسبب مضره والحياه اتصير مخطوره او قصيره
آتردد مرة من بعد مره أن أبيح ابما خفيته في السريره
لين قلبي حار في كره وفره منسلب ماخوذ من ضبي الجزيره
نور عيني في الحشا شيد مقره واستبد او ما ترك فرصه لغيره
لو خفيته انكشف سري وسره يوم بايعته على قلبي أميره
العشيري تاج حبي او فيه دره ينتعش لفواد من لافح عبيره
المسيره في غرامه مستمره بارك الله في غرامه والمسيره

د . مانع سعيد العتيبة