الصورة:

نشدتيني عن الصوره وحسْب ابتنشدي عنــــــّي


فرحت وقلت تذكرني واثاري تطري الصـــوره

طلع بس هذا كلّ اللي تبينه يالغلا منّــــــــــــــي

ولا من ذكرياتٍ لو بسيطه حتى مذكـــــــــــوره

تحلْفيني إذا حد شافها او خذها حدّ عنّـــــــــــــي

ومن يقدر..وهي فالقلب مخفيّه ومستــــــــــوره

حسافه احْسب ذكرتيني..حسافه خاب بج ظنـــي

عقب هذي السنين اليوم جيتي اليوم مجبــــــوره

جبرج الظرف تأتيني وقلبج جاني متعنّــــــــــي

عشان الصوره جيتيني..فيج الخير مشكـــــوره

وانا المسكين قلت البنت مشتاقه ولي اتحِنـــــــّي

يا بنت الناس فكيّنا..تراها ضاعت الصـــــــوره

أشكرك أخي الوضيحي على الكلمات الجميله وأتمنى لك التوفيق

يعطيك الف عافيه أخوي على هالكلمات الرائعه

يعطيك العافيه الوضيحي
سلاااااااااااااااااااام ياصااااااااااااااااااااحبي

يعطيك العافيه على هالكلمات الجميله
يا بنت الناس فكيّنا..تراها ضاعت الصـــــــوره ( يالوضيحي حرام عطها صـــــــورتها )