بسم الله الرحمن الرحيم

اتمنى تقروا الموضوع

ذهلتني كثير مكالمة ياتني من أم توقعوا شو تبا

تبا اجابات امتحان الفيزياء عشان تغشش بنتها الاختبار

سألتها بنت نظامي ولا تعليم حر

جالت نظامي واني عاطتنها جوالي عشان اطرشلها اجابات

انصدمت وجلتلها كيف جدرتي تربي بنتج ع هذا الأسلوب فالدراسه وانتي أم

كيف بتصيري قدوة لها وانتي جالسه تشجعيها ع النجاح بطرق ملتويه

اش ضمن لج انها تعيش ع الطرق الملتويه


واعتذرت منها وسكرت جوالي

وبسرعه خبرت رئيسه المركز وطلعنا فوق والله 50 جوال اشكال وانواع

سوينا سوق

واليوم الثاني جوا الأهالي يشتكوا ليش شليتن الجوالات من بناتنا


بذمتكم اذا الأهل كذا

كيف نلوم الأبناء

الله بسلامه العقل والدين

وااااااايد يصير مثل هذه المواقف وخصوصا عند الشباب
بس هذه القصة بصراحه قوية ....

الله يستر من الي جاي...................

صراحة اذيه حركات الشباب في كل مدرسة بس عند البنات الله يستر

اصلا العيال يدرسوا اشيا مايستفيدوا منها موول!!
ومناهج غبيه!! وطرق تدريس اغبى!!

وانتوا تظنوا ان الي يجيب نسب مرتفعه انه ذكي!!
لااا لا ذكي ولا شي!! بس يحفظ الكتاب!!

يعني مناهجنا تعتمد ع الحفظ والتلقين!!
والاختبارات ماتقيس غير الحفظ!! وقدره الطالب ع اختزان المعلومه!!

والله الطفل قبل لايدش المدرسه يكون ذكي ويفهم
ومن يدش المدرسه يستوي غبي!!

لان كله يترسوا مخه ب معلومات مامنها فايده!!
والدليل ان الطالب بمجرد خروجه من اللجنه مايذكر شي!!

الله المستعان,, واتمنى ان النظام التعليمي يتغير,,
ونعتمد ع التفكير الابداعي,, ونهتم اكثر ب اتجاهات وميول الطالب

لكن الطالب مسيكين,, يدرس اشياء هو مايباها.!! ويكرها!!

الله المستعان,,


وانا عن نفسي قبل راقبت ع امتحان ففتره التدريب ف مدرسه
وجاوبت الامتحان للطالبات,, لان الطلبه مساكين!!
والطالب يوم يرسب مب بس هو الي يزعل!! آهله يزعلوا اكثر عنه!!

وانا ان شااءالله لمن اتخرج... واراقب ع امتحانات,,
رح امسك ورقه الامتحان وآقرأ للعيال السوال ب الاجابه!!

المشاركة الأصلية كتبت بواسطة التفاحة اصلا العيال يدرسوا اشيا مايستفيدوا منها موول!! ومناهج غبيه!! وطرق تدريس اغبى!! وانتوا تظنوا ان الي يجيب نسب مرتفعه انه ذكي!! لااا لا ذكي ولا شي!! بس يحفظ الكتاب!! يعني مناهجنا تعتمد ع الحفظ والتلقين!! والاختبارات ماتقيس غير الحفظ!! وقدره الطالب ع اختزان المعلومه!! والله الطفل قبل لايدش المدرسه يكون ذكي ويفهم ومن يدش المدرسه يستوي غبي!! لان كله يترسوا مخه ب معلومات مامنها فايده!! والدليل ان الطالب بمجرد خروجه من اللجنه مايذكر شي!! الله المستعان,, واتمنى ان النظام التعليمي يتغير,, ونعتمد ع التفكير الابداعي,, ونهتم اكثر ب اتجاهات وميول الطالب لكن الطالب مسيكين,, يدرس اشياء هو مايباها.!! ويكرها!! الله المستعان,, وانا عن نفسي قبل راقبت ع امتحان ففتره التدريب ف مدرسه وجاوبت الامتحان للطالبات,, لان الطلبه مساكين!! والطالب يوم يرسب مب بس هو الي يزعل!! آهله يزعلوا اكثر عنه!! وانا ان شااءالله لمن اتخرج... واراقب ع امتحانات,, رح امسك ورقه الامتحان وآقرأ للعيال السوال ب الاجابه!!

أشكرك أختي الغالية ألماسة على الموضوع الثري ...
وهذا واقع نلمسه ويحز في أنفسنا
والعتب في ذلك أولا وأخيرا
على الأسرة على أنها لم تزرع واع الانضباط لدى أبنائها
وهذا غش ومن يبني مستقبله على أساس ركيك وضعيف كهذا
يعيش واقعا لاتحمد عقباه ...
والعتب الثاني على التربية عليها أن تتحذ إجراءات صارمة ضد كل من تسول له نفسه
الإقبال على هكذا تصرف
فلا نريد أن نبي تغش وتغشش
وكفى الأمة ومابها ....
ونظل نؤكد أن الواقع هذا ليس معمما ولكن به ما به ..
ونتوق إلى أن تتخذ الاجراءات اللازمة لتتلاشى هذه الظاهرة ..
أختي التفاااااااااااااحة ..
أراك تشجعين الظااااااااااااهرة حسب ما فهمت ؟؟؟
هل تربن أن تشجيع التفكير الإبدااااااااااااااعي يكون بالتشجيع على الاتكااااااااااااالية ...

وإذا ما توفر التفكير الإبدااااااااااااااااااعي
هل نسعى أن نسد فراااااااااااغه بانسلااااااااااااخ قيمي مبدأي ؟؟
ونعود الطاااااااااالب أن يأخذ ماليس له بطريقة غير حضاااااااااارية يدفع ثمنهاااااااا هو والمجتمع الذي سيوكل إليه مهااااااااامه في المستقبل ؟؟؟؟؟؟؟

لي وقفاااااااااااات هنا

شكرا ع مروركم

وفالنهاية لكل مجتهد نصيب

والنجاح بالطرق الملتوية مراح يضر غير صاحبه

واكثر شي يرفع ضغطي يوم المراقبه مثلا
تمسك طالبه تغش!! وتسوي لها سالفه وتمنعها من الامتحان!!

يعني شو الفايده؟؟
وش رح تستفيد لمن تضيع مستقبل طالبه؟؟

نحن اصلا نظامنا التعليمي خربااااان!! يعتمد ع الحفظ!!

يعني يباله كمبيوتر مب آنسان!!

انا الحين لو سألتج شو كليتي قبل آمس ماظن تذكري!!
عيل كيف نبي اطفال يذكروا معلومات اصلا ماتناسب قدرتهم العقليه!!
وماتتناسب مع ميولهم واتجاهاتهم!!

احترم وجهه نظرج اختي التفاحة

بس اختبارات الثانوية العامة لابد من وجود أسئله ذكاء
ولابد للطالب ان يسوي خطوة العصف الذهني
والمناهج ال معنا مش سلبيه لهذي الدرجة بالعكس تعتمد ع التعلم الذاتي

ونسيتي حاجة مهمه ان لكل مجتهد نصيب

والطالب الشاطر غير عن الطالب ال تعود طول عمره يلعب وفالنهايه يغش

شو ذنب الطالب
ولو سمحنا بالغش محد بيذاكر ومحد بيحس بنشوه النجاح عن جدارة وبتصير الدنيا خبط عشواء

المعلمات والمعلمين ما مقصرين بس هذا الجيل جيل مريد اجول فاشل بس يشيب الراس أفكار وسلوك وال يزيد الطين بله ان الأهل يشجعوهم ع كذا كيف بنصلح الفرد اذا كان الأهل كذا والمجتمع تملؤه نسبه من النفوس الضعيفة

اني ضد الغش

وشعاري دايما لكل مجتهد نصيب
وقل اعملوا فسيرى الله عملكم ورسوله والمؤمنون

والأمانه أهم شي

اني شررررررررررررررررررررررررريرة مخلي حد يغش ابدا
خليهن يذاكرن مثل ما ذاكرنا

وع فكرة مناهجنا كانت أضعاف مناهج الحين الحين المناهج مقلله ومبسطه وبعدهم ميذاكروا

والله يوفق الجميع

اسئله ذكاء؟!!

لا اسئله الذكاء الي يقولون عنها هذي مب اسئله ذكاء الا اسئله تعجيز!!
وواضعي المناهج مايراعوا النمو العقلي للتلاميذ !! كل واحد يحط المنهج
كن الي رح يدرسونه عباقره!! وشدعوه اخوانا وعيالنا"اينشتين"

ودليل فشل النظام التعليمي,,, مخرجاته"الحريجين...

يكون واحد متخرج من كليه الطب ومايدري عن شي!! ومايسوون شي
غير انهم يذبحوا الاوادم!! وخاصه ف المستشفيات الحكوميه!! يعطوا للمرضى ادويه
خطأ ولو سووا عمليه يسوها خطأ !!

طبعا مب كل الخريجين جذي.. بس النسبه الاكبر !!


في اوروبا عندهم النظام... ان الي حاب يدرس اي تخصص عادي يدرسه
لكن لازم يكون لديه الميول والاتجااهات الي تؤهله بانه يتفوق ف المجال


مثال: دكاتره اوروبا وامريكا؟؟
ممكن يكون هالطبيب يوم كان صغير كان اييب نسب لاتتعدي الـ 60%
لكن عنده ميول علميه,, وطبيه,,

لكن نحن نظامنا التعليمي يعتمد ع النسبه,, والنسبه ماتجي الا بالحفظ!!
انتا انسان تحفظ كل شي... اذن انتا شاطر ومبدع وذكي!!
هذي فكره النظام التعليمي,,,

لكن ف اوروبا,,, ماشي اسمه حفظ!!

حتى ف الامتحانات عادي التلميذ ياحذ كتابه ويكتب منه ف الامتحان
لكن لكل ورقه ف الامتحان وقت محدد مثلا الورقه الاولى
10 دقايق... بعد 10 دقايق الكل يترك هالورقه ويمسك الورقه الثاتيه,,,الخ


هل معنى ان الطالب يكتب او ينقل من كتاب انه غبي ومايفهم شي؟
لا.. ليش لانه اصلا يذاكر ويكون يعرف اماكن الاجابات,,

لكن لو طالب مافتح الماده اصلا مستحييل يجاوب حتى لو عطيته كتاب!!

نفس الشي انا لو قلت للعيال كل واحد يطلع كتابه وينقل الي يباه!!
الطالب الي ابد مافتح الكتاب ومايعرف كيف شكله!! مستحييل ايعرف يجاوب!!

لانه بكل بساطه مايدري عن شي!!

لكن لو طالب مذاكر.. رح يزيد ع اجاباته ورح ينظمها,,
يعني بس يتأكد وينظم

ومستحيل لاثنينين واحد... انا ماقول للطلبه لاتذاكروا !! لكن اقول
المساعدات,, الواحد دام انه قادر ع المساعده.. ليش مايساعدهم ؟


والسبب ف تمرد الجيل هو الاعلام الفاسد بس يشوفوا التيلفزيون ويقلدوا

وانا مع المساعدات,,, وان نساعد التلاميذ,,
مب عشانه عشان اهله المساكين!!

الاهل ينقهروا يوم ولدهم ماييب نسبه!!

وكل التوووفيج لـ احباءنا الطلبه والطالبات

وان شااءالله من اتخرج رح آقرأ السوال+ الاجابه