اشتاق للصبح يجمعنا بلا موعد
والحب تصحى لك بقلبي عصـافيره
طفل ٍ وطفله .. بياض ارواحهم يصعد
حد السمـا .. لين ماتمطر من الغيره !

عمْر هالليله عُمْر .. ماهو شويّه
عمرها اطول من عمر باقي سنيني
ذي يديني .. واذبْـلت .. قلنا هديّـه
للحبيب اللي شرب لهفة يديني
ذا زماني .. واندثر .. قلنا عطيـّـه
للمكان اللي كرهني من حنيني
وش بقى يابو دموع ٍ سرمديه
والمناديل اكتفت من دمعتيني
أغترب وجه الصباحات النديّـه
وابتسمت اكذب على نفسي وعيني
صرت من نفسي اضيق .. وهيّ هيّـه
لانجيت .. ولاقدرت اضيع فيني

آآآآه يـ انتي
ليه احبك بعد ماخنتي .. كثيييير
ليه مـ اقسى ؟!

ماعلى الباقي سلام .. الا عليك
وماعلى قلبي ملام .. ولا عليك
عادتك تقسين ..
وعادتي .... أنسى

ما طاحت / دموعنا يوم الحزن .. غنا
طاح ( الغلا ) والوفا من عينك وعيني
لو يبتسم للفجـر حلمٍ بكـى .. منـا
ما يبتسم للزمن ( حزنٍ ) ربى فيني

في عيوني لك سؤال... وفي يديني عبرتين
ليه أرضي بي تطيح و وليه شمسي ذايبة !
يا غريبٍ : بلل شفاه الدهر .. دمع وحنين
الوجيه الي لقتني .. مشرقة أو غاربة !
وش يكون الصوت من دون الألم دون الأنين
وش يكون الموت في صدرٍ ملته الأجوبة ؟؟

وجهك الليله يقربني من الانسـان اكثر
حزنك الليله يحدثني عن الدمع وفصوله !
لو سكتّ ومارضيت تبوح عن مابك وتجهر
ريحة الذكرى تفوووح بكل ماودي تقوله

لو سكتّ ومارضيت تبوح عن مابك وتجهر
ريحة الذكرى تفوووح بكل ماودي تقوله
اذكرك والوقت مثل الحلم واجمل منْه وابهر
تركض بعمرك هنا وهناك ماتخشى ذبوله ..،،

تعبت اطرد ربيعي , وآتشرّب من خُطاي اتعاب
تعبت امشي على سكة خطاوي سابقه وآطيح
تعبت اخفي عن عيوني حقيقة ماورا الابواب
تعبت اتعب , وتهديني حدودي زيفها وآسيح
على لوحه بلا لون وملامح من حزن تنساب
تسولفني على بعضي ش ظ ا ي ا في مهب الريح
صديقي ماورى ضيقة قصيدي غير افك الباب
وألـوّح للعصافير الحزينه , وابتسم , واطيح !!

.ليه احس اني معاك
انسان ثاني واني اسعد
شخص في هذا الوجود
وان بيديني مفاتيح
الاماني كل درب امشيه
مفروش بورود بكل
ماشفتك تسمرت بمكاني
كن في عيونك
لخطواتي قيود كلمتين
وكني مضيع لساني
نظرتين وكل مافيني يجود

مرحوم يا حب مضى بين قلبين
عايش على ذكرى باقي حياتي
حب فقدته والعزى دمعة العين
راحت معاه ايام عمري فواتي
احلام عمري وين راحت وانا وين
ذيك السعاده كيف ترجع وتاتي

طرح رآئع
يعطيك الف عآ‘فيةة ع الطرح
لآ هنت

ماشاءالله
روعه
ننتظر المزيد من ابداعك

شرفني تواجدكم العطر الذي زاد الطرح نورآ