هندسة الكون تدل على وجود الله(1)



السلام عليكم هذا الدرس عند واجد الوجود من تحضيري واتمنى انه يسهل الفهم والاستيعاب واعتذر لاستخدامي اللهجة العراقية بشكل بحت واتمنى لكم الافادة
وهذه حلقة من دروس عدة سوف نستمر باخذها ان شاء الله واذا تلقت استحسان القراء
اليوم نطرق الى موضوع هندسة الكونية وشلون وضعت هذه الهندسة بحكمة ودراية ولطف من الخالق والي تدل بقوة كبيرة على وجود واجد ومدبر
خلي شوية نباوع للشمس والنجوم ونشوف شلون مركبات وشلون محسوبات واذا ما محسوبات بهذا التقدير واللطف العميق ممكن شنو يصير بينه كبشر او كائنات على وجة الارض خلي شوي نجي يم الشمس هااي الي دفينا ونشوف شلونها صحيح احنة اخذنا معلومات عنها في الفيزياء والعلوم والكيمياء بس فد يوم فكرنا الواجد لهذه الشمس شلون حسبها بحيث ما تاذي الي تنطيهم اول خصلة عجيبة انها هاي الكرة الغازية الي تطينه ضوه وحرارة اكبر من الارض الي عايشين عليها بمليون وربع مليون مرة وهذا نعرفه من الكيمياء وحرارتها يا انسان هاي الي حسبوها المختصين بهذا المجال بعشرين مليون درجة مئوية بداخل اعماقها و ستة الاف درجة مئوية خارج اعماقها , خلي شوية نصفن نشوف الي يوصل النه صدق هذه الحرارة ونتخيل لو فد يوم شوية زادت الحرارة الفعليه شيصير بينا احنة بالصيف وهذا الحر ونقعد قداام المكيف و السبليت علمود والله حارة وجسمي جااي يحترق لعد بالله شلون اذا شوي زادة من ستة الاف الى سته وخمسمية شيصير ,وهذا ممكن يصير اذا ما كان اكو واجد هسة خلي اضرب الك مثل بسيط انته تشتغل كهربجي وشغلتك هاي وتعرف هذا الواط ينطي حلقد وينحط بهذا المفياس .شيصير شيء مرتب منضم ما ياثر بالشكل السلبي او الايجابي فشلون لو كان كون بحاله الي يجمع اكثر من ستة مليار من الانسان ما عدا الحيوان والنبات بالبليارات من الساكنين بمختلف اجناسهم واصنافهم ,فبهذا نشوف انه يوجد لطف الواجد علينا هواية هسة اني ما اريد ادخل واعمق بالنجوم والمجرات الموجود من فينوس ونبتون والخ اخر ما يتعدا المليون نجمة او مجره .
هسة عرفنه شوية عن الشمس خلي اروح الى مكان شوي اكثر حساس والي يخليك انته وغيرك عايشين على وجه الارض وهو الهواء اي نعم الهواء. اشو انته تسحب نفس وذب نفس ومن تركض تتعب ومن تقرا تتعب اذا بنفس واحد دون ما طلع شنوو هذا السر هسة يمكن مرة علينا بالعلوم بس فكرنا بيه ليش وشنو السبب وشنو الفائدة وسمعنا انه الورد ما يصير ينحط باليل وبالنهار عادي خووب هذا همين شنو سره

خلي نشوف شلون طبعا المكونات الحية تستهلك الاوكسجين بشكل جبير وتاخذه علمود ينظف الدم والرئتين يعني شنوو عملية تنقية وصفار واذب شنوو ثاني اوكسيد الكربون هسة من انته تذب ثاني اوكسيد الكربون بالزفير شكو بالجو اوكسجين فعلمود لا يصير غاز سام فيقل الاوكسجين في المكان ويصير بين الاوكسجين والنيتروجين شفت شكد حلوو حتى بهاي منظمة يعني لو شوية ماكو هذا الزفير وهو اليتروجين جان هسة اتسممنا بكل مشية لا مو بس هاية النيتروجين همين غاز سام فمنو ياخذه بالنهار النبات ياخذ ثاني اوكسيد الكربون وبهذا علمود لا يصير سموم بالجو وشنو يحوله الى اوكسجين نقي وباليل شيصير لا يذب الاوكسجين لان اغلب الناس نايمة فيقل الاوكسجين يكثر ثاني اوكسيد اوكسيد الكربون فبهذا يصير تعادل بالكفة في الصباح والمساء وعلى مدار اليوم وبهذا سبحانه وتعالى راف بحالنا
بعد هسة اوديك الى عالم شكد حلوو وهو عالم الحيوان وشلون يعيشن وشلون الواجد دبر الهن تنظيم خاص لكل وحدة منهن طبعا لضيف الوقت لا اخذ جميع الحيوانات بس اخذ جم نوع وهم النمل والنحل
حسب ما ذكرونه المختصين بالعلوم والحيوان انه اكو اكثر من مليوني صنف من الحيوان
واني مثل ما قلت راح اخذ النمل والنحل
خلي ابدا بالنمل ونشوف شلون هو قوي وذكي ومتعاون مع انه هو شكد دودته بس عنده روح اجتماعية يزوروه ناس ويضيفهم ولا حاتم الطائي
لا النمل شاطر بهندسة قراه وشلون يسوي بيتوه مخازن لاكله ومكان للضيوف الزائرين و للمهاجرين ولا عبالك بس هو يطلع وحده لا ما يصير عشيرته والمقربين والاصدقاء يطلعون يتنزهون يدورون على اكل فاذا واحد منهم لقة اكل يصيح للبقية مو مثلنه اذا لقة كنز هاا يضمه لا النمل احسن منه بروحه الاجتماعية وتعاطفه ولا مو بس هاي اذا لقة حبة قمح شسوي يقسمها علمود شنو لا تسوس لان راح يضمها بالمخزن مال اكل ولا ويمكن تنبت يعني شنوو يزيد يحصل فائدة عليها وهمين اكله ما يعفن ولا هو يعفن سبحانه
اكتفي بالنمل وعدنه النحل اذا هاي نحجي عنه بس كافي النمل يقنعنا واذا ماكو قولوا نحول للنحل

واني اكتفي بهذا المقدار لليوم واذا هاي علمود يرسخ وان شا الله نكمل بيوم اخر الجزء الاخير من هذا القسم وهو البراهين هية البراهين ما تخلص احنة ماخذي قطرة من بحر بس بشكل سريع

		منتديات جعلان > جعلان العامة > جعلان للمواضيع الاسلامية
هندسة الكون تدل على وجود الله(1)

حسابٌ واحد لجميع خدماتنا !