السلااام علييكم


ترى بعض المصطلحات قديمه كانو يستخدمونها عجايزنا بالأول
وبعضها للحين موجوده





قاموس أهل البحرين

عرنجوش = هي من الكلمة الانجليزية orange juice
وصارت كلمة تنقال لكل انواع العصير هههههه ماعندهم وقت
زنجفره = فنيلة
سريده = بروده
لبلب = يقولون حق الشخص اللي يتكلم بطلاقة
تمبه = كرة
دون = قريب
قميظة = حسافة
مملوح = وسيم
أدناة الدون = اقل شي
ورا = ليش
قطه = أرميـه
سبيتار = المستشفى و اعتقد انها جايه من hospital
الدختر يعني الدكتور .. أكيد تعرفون
عمبلوص = سيارة الاسعاف و جايه من ambulance LoL
محيوب = ممنوع من شيء
ميهود = مريض
سقطه = حر
سهده = هدوء
ميوه = خضرة و فاكهه على ما أظن
قلج = صعب
غلّق الوقت = تأخر الوقت
عكس = صوره .... مثلاً خذلي عكس يعني صورني
الجابله = بكره
بست = باص
قيلمه = سلحفاة
قريظة = لها معنيين ( قليل ) و ( بعد شوي )
دويحه = دائرة
(مع خدودك الدويحات هههه)..<< والله فله
تميل عليك = طاح حظك
ربل = بلاستك أو مطاط
مأخوذة من كلمة Rubber
دندره = ازعاج
سحة = تمر
نيشان = علامة أو إشارة
قراده = حظ سيء
نوبة الثانية = مرة ثانية
الللابله = عقب باجر
قطيع = حمام الله إيعزكم
دجه = عتبه
أمسيان = المغرب
دهريز = مدخل البيت
كرفايه = سرير
دزدان = شنطه
قبقاب = إنعال الله إيعزكم
روشنه = حفره في الطوفه في غرفة النوم لوضع الأغراض
خرمس = ظلام
حزاه = قصة
إحبيبة = قليل
يزط = يبلع بدون مضغ
هبيط = منخفض
نمونه = أخلاق او عادات الشخص (نمونته طيبة) يعني طيب الاخلاق

بارظ = مزاج
قصله = قصير
بيديو = فيديو <<< شدخل من عندي ترى



تــحـيــا تــي (aboood-qatar 2008)..... **
*************

انت متأكد ان هاذي الكلمااااات بحرينيه ؟؟؟؟؟؟؟؟

نحن واهل الاماراااااااااات نستخدم هالكلماااااااات بعد .......

بس ما متأكده من دول الخليج الثانيه...

ع العموووووووم يسلموووووووو خيووووووووو ...

بيض الله وجهك

الله يسلمج ..

وويهج ابيض ويعطيج العافيه ع المرور....

تسلم اخوي ع موضوعك وبعض الكلمات نستخدمها

الصراحه احب اللهجه البحرينيه وخااصه حرف الواو فيها

مشكور عبووووود ع الموضوووع

عفووووآ صقوووورررر.....

بعضها معروف ومستخدم.. وبعضها غريب ^^

يسلموووو عبود ع الموضوع الحلووووووو