بسم الله الرحمن الرحيم










السلام عليكم ورحمة الله وبركاته








كيف حالكم ياجماعه الخير










موضوعي اليوم مثل ماشفتوا فرصة العمر نعم هي ياتك كذا مرة لكن ربما كثير منكم وانا منكم ما استغلوا الفرصة عدل وهي والله لو استغليناها لو تعدل حالنا في كل شي الدنيا والاخرة يمكن بعضكم الان من يعرف شنو الموضوع بالظبط راح يطلع بس اتمنى انك تكون جريئ وتكمل الموضوع زين خلونا ندش في الموضوع يا اخوان الان احنا داشين على رمضان وهذي والله فرصة العمر لا احد يقول مايبيها الكل محتاجها الزين والشين المطوع والخراب الكبير والصغير من فينا ما عنده ذنوب من ما عنده جبال من الغيبه والنميمه من فينا مرتاح في الدنيا الكل يشتكي يا من مرض او هموم او ضيق في المعيشة محد مرتاح لكن وين المشتكين الي مولاهم يا جماعه هل اللي تشوفونه اليوم في العالم ما قنعكم ان الدنيا ما تسوه وهل ما اقتنعتوا ان القيامه قربت والله واقسم بالله ان يوم الحساب قد اقترب مو كلامي كلام العلماء شوفوا حواليكم راح تشوفون ان علامات الساعه الصغرى ربما كلها قد خرجت واليوم نحن ننتظر علامات الساعه الكبرى ونحن ما تبنا زين متى بتوب اذا مرض قال يارب اشفيني وانا اسلك طريقك واذا شافاه رد الي ماهو عليه في كل مصيبه يعرف ربه واذا خرج منها كأنه لا رب له يا جماعه الي متى ماراح نتوب جربنا كل شي الغناء ما حصلنا سعادتنا فيه جربنا الخمور ماحصلناها جربنا المغازل ما حصلناها جربنا الزنا ضاق صدرنا جربنا الفجور ماحصلناها والله مهما تفعل فلن تحصل على السعادة الا في طاعه الله يأخي جرب الطاعه هذا رمضان الشياطين تمسك وابواب النار تغلق اذا ما بديت في رمضان متى راح تبتدي الشيطان يجيك ويقول خله رمضان اللي بعده واللي بعده يجيك ويقولك نفس الكلام والعمر يطول وان ماتتوب يا أختي العزيزة والله لج الفخر انج مسلمة متى راح تهدين الغيبة متى راح تتركين التبرج متى راح تعتبرين في اللي حوليج متى راح ترجعين الي ربج متى ومتى وانت ياخوي الي متى راح تكلمها وانت عارف انك ماراح تأخذها زين ماعندك خوات ترا والله كما تدين تدان الي متى تسمع الغناء الي متى تسهر مع القنوات الخليعه وبعدين تجون وتشتكون من الهم والضيق خلونا نجرب بس شهر وهو رمضان ان نسير في طريق الطاعه ربما والله العالم يكون وفاتنا في رمضان فنفوز بالجنة والرضوان ففي رمضان تزداد الحسنات و اوله رحمة واوسطه مغفرة واخره عتق من النيران وفيه ليله خير من الف شهر من قامها مسحت خطاياه وبدلت حسنات لا وبعد كأنك تعبد الله 84 سنه متواصله وتعتق من النار يعني ما تدش جهنم ولا تشم ريحها وفي هذي الليله تكتب الارزاق وفيها ينزل الرب وفيها يكون اكثر ايام رمضان من العتق من النار كل هذا وما تبون تستغلون الفرصة انا الان اعلم ان الكل انشاء الله راح يستغلها لكن في شي مهم خله في بالك ان ابليس يعرف انه راح يمسك في رمضان مع اعوانه فراح يجيك قبل رمضان يعني هذي الايام وراح يدخلك في معصية تستمر معاك طول رمضان علشان يبعد عن الطاعه في هذا الشهر فرجاء كل الرجاء انك تقفل كل الابواب حتى لا يتمكن من ضياع هذي الفرصة المهم ادري اني طولت عليكم ولكن الموضوع يستاهل وانا متعمد اني أأخر الموضوع الي هذا اليوم علشان تبتدي تعدل اوراقك واحذر من ابليس واحذر من ابليس واحذر من ابليس ان يضيع عليك الفرصة وفي النهاية اسأل الله العظيم ان يعتقنا جميعا من النار ووالدينا وامهاتنا وجميع اهلنا والمسلمين ومع السلامة .


تحياتي اختكم سمو.....36_1_22[1].

عين الصواب ومن خلال تجربتي اقدر اقول اني ماشعرت بلذة رمضان الا العام الماضي كان طول الشهر في بالي التالي
* قال رسول الله صلى الله عليه وسلم: ثلاثة لا ترد دعوتهم : الصائم حين يفطر.............
* قال النبي صلى الله عليه وسلم : من قام ليلة القدر إيمانا ً و إحتساباً غفر له ما تقدم من ذنبه، و من صام رمضان إيماناُ و احتسابا غفر له ما تقدم من ذنبه. رواه البخاري ومسلم.
* قال صلى الله عليه وسلم: أتاني جبريل عليه السلام فقال : يا محمد من أدرك رمضان فلم يغفر له فأبعده الله ، فقلت : آمين ، فقال: من أدرك والديه أو أحدهما فدخل النار فأبعده الله فقلت آمين،
الصراحة ماكنت حافظ الاحاديث لكن كنت اتذكر معانيهن
اللهم بلغنا رمضان

تسلمي وموضوع في محله
الى اين الواحد منا ان ينتظر راح ينتظر فوات الاواان
شهر رمضان في المغفره والرحمه فاكثروا من عبادة الله والتوبه اليه

ماس وجعلاني....


يعطيكم العافية...

سمو
في ميزان حسناتك يالغلا





وبنحاول قدر الامكان نستغل وقتنا بشي المفيد

في ميزان حسناتك اختي

شكرا لك وان شاء الله الكل مستغلنها

ريماني الصقر يعطيكم العافية

جزاك الله خير...

حياك الله.....

جزاك الله خير ... مع العلم الكل عارف ان هذا الشهر شهر الخير ولكن لا حياة لمن تنادي ... على العموم كله خير ... وعسى ربج ينير قلوبهم وقلوبنا .. ومشكورة على الموضوع الطيب