مــــــــــــــــــــــــــــــــــــــراحب
اخباركم؟
اشتقت سوالفكم الحلوة في المنتدى وااااايد
ماراح اطول عليكم
الفكرة ان توصف يومك كيف كان
شو صار عندك ؟اي مواقف محرجة صارت لك؟
انشالله تكون الفكرة عجبتكم وليست مكررة

مرة طلعنا رحلة مع مجموعة شباب وكنا جالسين في مكان بعيد يعني معدوم من الخدمات
وصلنا المغرب ذبحنا التيس وجهزنا صفريت العرسية وخلوني اني المسؤل عن العرسية
سخنت الماء وغسلت اللحم ومن حر الماء خليت اللحم في الصفرية وغطيت علية رحت ادور الملح ما حصلت شي شكل الشباب نسو الملح شو الحل ما خبرت حد حطيت بدالة سكر لانة مكان بعيد جدا عن المحلات ولليل ما يسوء علينا المهم حطيت الرز وتركتة حوالي نصف رحت اسولف مع الشباب ومن جهز عشاء زجرت الشباب (للعكس) بكون مفهومة الكلمة عكسو الشباب من الخاطر وما جصرو فيها ... وبعد ما انتهو غرفنا العشاء ... شي من الشباب عصب وشي منهم جلس يضحك ... الينا اليوم يذكروني هالموقف ....

ههههااااي عاد تحط سكر في العرسي شكلها طبخة جديدة من تأليف الاسيف هههههههااا
تسلم على مرورك الطيب اخوي

فيه مره كنت ف مصيرة عند شباب وكنا ناكل صيدأو(سمك)مشوي

وبعد الأكل قام واحد منا وغسل يديه وجاب لنا غسال وغسلنا منه

وشل غسال وحطه عند النار وجاب بريج وحط فيه غسال وسوي

منه شاي وجابه لنا بس أني أول ماشفته شكيت فيه وحطه جدام الشباب

وشربوا منه وكلهم جالوا طعمه وايد حلو إلا أني ما شربت منه بعد ما شربو

الشاي خبرهم بمكونات الشاي حد عصب وحد ضحك وأطلقوا عليه راعي غسال

هههه حلوة الشهم بس اخر مره يسويها فيكم لو كنت امكفخنه
المهم عندنا معلمة رسم فالمدرسة الذوق والشياكة فصوب وهيه فصوب مستغربه من معلمات الرسم كلهن كشره وشيفه مافيهن ويه جبل واونه دراسات فنون يعني اذوق فالالوان لازم يكون عندهن
هاذيلا البنات امسميات المعلمه الي عندنا ناريله وكل ماتجي جات ناريله ونموت من الضحك قصدهن تشبه أمينه عبدالرسول

أسومة/هلا
المرة الجاية إذا عملها بنكفخه
أنتي عليك ترسليلنا بواكير عبر بلوتوث
ههههههههههههههه

هههههه لا افا عليك روح المزرعه ودورلك انخلة وقص خيزرانه واسحله بها

فكرة والله,,,

ع العموم بغيت أسألك عن أشياء بخصوص المنتدى

تراه أني عضوي جديد ومعندي خلفية عنه وغير المسموح

لي أرسل رسايل خاصة ولا أقرئها.........والخ

عندك حل؟؟؟

اقتباس المشاركة الأصلية كتبت بواسطة @الشــــهـــم@فيه مره كنت ف مصيرة عند شباب وكنا ناكل صيدأو(سمك)مشوي

وبعد الأكل قام واحد منا وغسل يديه وجاب لنا غسال وغسلنا منه

وشل غسال وحطه عند النار وجاب بريج وحط فيه غسال وسوي

منه شاي وجابه لنا بس أني أول ماشفته شكيت فيه وحطه جدام الشباب

وشربوا منه وكلهم جالوا طعمه وايد حلو إلا أني ما شربت منه بعد ما شربو

الشاي خبرهم بمكونات الشاي حد عصب وحد ضحك وأطلقوا عليه راعي غسال

والله انكم انتوا الشباب عليكم حراكات عاد اغسال
بس أكيد تكون عندكم أحلى الذكريات
تسلم على مرورك أخوي

اقتباس المشاركة الأصلية كتبت بواسطة أسومة 16هههه حلوة الشهم بس اخر مره يسويها فيكم لو كنت امكفخنه
المهم عندنا معلمة رسم فالمدرسة الذوق والشياكة فصوب وهيه فصوب مستغربه من معلمات الرسم كلهن كشره وشيفه مافيهن ويه جبل واونه دراسات فنون يعني اذوق فالالوان لازم يكون عندهن
هاذيلا البنات امسميات المعلمه الي عندنا ناريله وكل ماتجي جات ناريله ونموت من الضحك قصدهن تشبه أمينه عبدالرسول

هههااي عاد ما اسم عليكن ياويلكن اذا عرفت بتروحن فيها ههههاااي
تسلمي اختي ع مرورك