صباحكم ومسائكم معطر بذكر الله

وش أخباركم شباب و صبايا ؟

يايبلكم موضوع مهم جدا اثر في قلوبنا

هو

↓

↓

← ((حــــــــــــــــوادث المرور)) →

*لما يصير أي حادث عدنا هيش نلاحظه من الناس أو بلاحرى بنسميهم الجماهير الي يصور..
والي يطالع ..والي يسوالف ..والي يتصل ينشر خبر الحادث..
والي خاطف ميوقف للحادث لحجت ان معندي وقت

لاحول ولاقوة الا بالله

*وين الايادي الي تنقذ ؟؟!! وين النخوه والمروووه؟؟وين القلوب الرحيمه؟؟؟

نشوف الشخص جدامنا يحترق...ينزف...يصيح...ينادي..والي والي والــــــــــــــــــــــــــي روحه تطلع ...

وش ذنب الريال \الحرمه\الطفل الي بسيارة من الي بينقذهم ؟؟؟؟؟؟من؟؟؟
تقولوا الاسعاف ...بس الاسعاف يبالها وقت الى متوصل ..
ولا بعد نازل قرار انه ما ننجد الي بسيارة لانها مسئولية الاسعاف ...؟؟؟هل نتركهم يموتوا ..؟؟او نكون سبب شللهم الابدي؟؟؟؟
وسؤال محيرني ليش بكل سنة تزداد نسبة الحوادث عندنا ؟؟
في مثل ينظرب علينا نحنا الاعمانين حــــــــــــربـــنا ..{حوادثنا}
من المسئوال عن هذي الحوادث يا ترى؟؟؟
كبار السن؟؟ام شبابنا المتهور؟؟ام سياقة المرأة؟؟؟
ام تهور الاطفال بعبور الشوارع بدون ان ينبهوا لوجود السيارات والمركبات الاخرى؟؟

ام حصول الشباب على الليسن بلواسطه؟؟
ام اعطاء الوافدين الشاحنات وسياقتها بدون ليسن لتحججهم لخبرتهم بسياقة؟؟
ام شوارع مكسره ؟؟

أي من هذوله المسئول الرئيسي ؟؟

قائد وقائدة المركبة : ـ

إن التزامك بقواعد وأنظمة المرور وإتباعك للإشارات واللوائح المروريـــــــة ســـلوك حضاري
يستوجب عليك تجسيده والتحلي به أثناء قيادتك للمركبة .

نصيحة مني عند رؤيتك لحادث قم باخراج السائق بطريقة سريعة وسليمه...
والاتصال بلاسعاف واذا عندك خلفيه عن الاسعافات الاوليه حاول مساعدة المصاب ..

كفانا الله شـــــر الحوادث...................

والله يبعد عن الجميع .. اي مكروه

واتمنا اوصلت لكم غايتي بوضوع

واتمنى يتم تثبيت الموضوع لما ارى له من فائده وضرورية لمجتمعنا ..

موضوع مهم اخوي ,, شكرآ لطرحك

بالفعل قضية كبيرة في عمان ,,مايمر شهر الا سمعنا بحادث !!

بنقول تهور الشاب , المرأة , او رداءة الشوارع ..!!

كلها اسباب وبالاخير ..~ تعددت الاسباب والموت واحد ..

البعض يخاف من المسؤؤلية في حالة انقاذه للشخص وبعدين موت الشخص او حصول مضاعفات له

يخاف من القانون !!

الحل تواجد المسعفين بشكل دائم على الطرق السريعه والي تكثر فيها الحوادث ..!

الله يحفظ الجميع يارب من شر الحوادث ..

اقتباس:
المشاركة الأصلية كتبت بواسطة فاصلة منقوطة
موضوع مهم اخوي ,, شكرآ لطرحك

بالفعل قضية كبيرة في عمان ,,مايمر شهر الا سمعنا بحادث !!

بنقول تهور الشاب , المرأة , او رداءة الشوارع ..!!

كلها اسباب وبالاخير ..~ تعددت الاسباب والموت واحد ..

البعض يخاف من المسؤؤلية في حالة انقاذه للشخص وبعدين موت الشخص او حصول مضاعفات له

يخاف من القانون !!

الحل تواجد المسعفين بشكل دائم على الطرق السريعه والي تكثر فيها الحوادث ..!

الله يحفظ الجميع يارب من شر الحوادث ..






انا اوافقج فاصله منقوته الراي بمسالة انه الناس تخاف من ان تكون اسبب بموت الشخص في حالة انقاذة لكني انا نوهت انه لازم الشخص يعرف الاسعافات الاولية او ينقذ الشخص بانه يطلع من السيارة ويتصل بلاسعاف هذا اقل شي يسوية ولانه بجي ينقذ نفس

واشكرج على تواجدك ومرورك

انا نوهت انه لازم الشخص يعرف الاسعافات الاولية او ينقذ الشخص بانه يطلع من السيارة ويتصل بلاسعاف هذا اقل شي يسوية ولانه بجي ينقذ نفس

كلامك صحيح ..! لكن وين الناس الي يعرفون الاسعافات الاولية ,, قلة قليلة !!

هنيه دور المستشفيات بعد في تعليم الناس ,, او المدارس في تعليم الطلاب الاسعافات الاوليه ..

شكرآآ جزيلآآ

اقتباس:
المشاركة الأصلية كتبت بواسطة فاصلة منقوطة
كلامك صحيح ..! لكن وين الناس الي يعرفون الاسعافات الاولية ,, قلة قليلة !!

هنيه دور المستشفيات بعد في تعليم الناس ,, او المدارس في تعليم الطلاب الاسعافات الاوليه ..

شكرآآ جزيلآآ



هذي المشكله ان الناس ما تعرف للاسعافات الاولية المدراس تبي اصراحة هب مقصرة
وحلو ان الانسان طوعا عن نفسه يتعلم

ويزااج الله خير اختي على الاراء الصريحة والنقاش الرائع

مساء الخير اخوي

الحوادث كثيره ف السلطنه
لكن لا تنسى القله من يعرف الاسعافات الاوليه

ما كل صار حادث تجي وتقول انا بنقذهم
ما تعرف شو اصاباتهم

اعرف واحد له الحين فوق 10 سنوات نايم ف فراشه مسوي حادث
وسبب اعاقته انه اللي سعفوه ما يعرفوا شفيه وسعفوه بدون ما يكون حد معهم يعرف للاسعافات الاوليه

الله يبعدنا شر هالحوادث
تسلم ع الموضوع

هذي المشكله ان الناس ما تعرف للاسعافات الاولية المدراس تبي اصراحة هب مقصرة وحلو ان الانسان طوعا عن نفسه يتعلم

اتمنى تتكلم عن تجربه او معرفه ..:)

وصح من الاساسيات فالحياة تتعلم ولو القليل من الاسعافات ..

اعرف واحد له الحين فوق 10 سنوات نايم ف فراشه مسوي حادث وسبب اعاقته انه اللي سعفوه ما يعرفوا شفيه وسعفوه بدون ما يكون حد معهم يعرف للاسعافات الاوليه

اكيد هذا السبب بعد يخلي الاشخاص مايساعدون .. مافي احد يبا يكون السبب في تشلل شخص او ..الخ

والمساعده من الاشخاص المتواجدين في زمن الحادث يا تصيب او تخيب ..!



فالنهايه ,, الله يحمي كل الامه الاسلاميه من الحوادث ..

موضوع خطير بصراحه
من زمااان سمعنا ان كلية الاطفاء والسلامه تدرس كوادر وبتخرجهم علشان يتم توزيعهم على شكل نقاط مثل نقاط التفتيش ..
لكن وين التنفيذ لي اليوم ما شفنا شي
اما انك تجي وتنقذ اي واحد ما تعرف اشفيه ولا شوه اصابته صعبه جدا اخوي يمكن انت تتسبب له بإعاقه بدون قصد لكن عاد تالي ما ينفعك اللوم..
انا انصحكم انتوا يا الشباب بكثرة الثقافه وتنبهوا اصحابكم بعد لإن اغلب الي يمسكوا شوارع وخطوط شباب ربي يحفظهم
والاسباب تتعدد لإن كل حادث له قصته ربما تتشابه احيانا لكن ما دمنا السبب غير قادرين على تلافيه ننتقل للخطوة الثانيه وهي كيف نتصرف فحالة وقوع الحادث..
شكرا لطرحك النقاشي الرائع ..ابن المرازجه ..
اعتذر على الاطاله ..

عيل خلوهم يموتو مكانهم لحد ما توصل الشرطه ومدري شو ::عاد الرجال ميت وشبعان ،،،وياما شفنا ناس يصرخو ولا أحد يروحلهم ::حيوان وهو حيوان وصانا الرسول بالرفق عليه ،،،

أفضل أنقذه ولا أشوفه يموت ويعاني ،،،ع الأقل اذا مات بعدين أكون انا سويت الي علي ،،والموت بايد رب العالمين ،،،

ما كل شخص عنده خبره نعم بس بعد هذا اذا مات ما رأإح يأنبني ضميري ليش ما ساعدته؟؟؟؟

ع الأقل أقوم بشي يرضي ضميري //بس الناس ما يعجبها العجب ،،اذا مات قالو مات ومحد نقذه واذا نقذوه وما عندهم خبره قالو عذبوه وأستعجلو ومدري شو،،،

المــــــــــــــــــوت واحد والأسباب متعدده///