الجزء الثامن


طلع بوصالح صوب العزبه و سعيد رد داخل و غير ملابسه و طلع صوب بيت عمه لانه مواعد خالد يسيرون المول .........اما فيصل بعد ماخلصوا صلاه العشا سار عند سالم و تجهزوا وساروا بيتهم ...
سالم: انته ادخل اول
فيصل: شو رايك نسويها مفاجاه
سالم: انزين يالله
فيصل: يالله بسم لله
سالم: سير يالله

دخل فيصل البيت وشاف انهم كلهم موجودين ...
ام سالم: اشفيك جذا اطالعنا ما تعرف انته تسلم بعد
فيصل: ههههههههه لا لحظه
راشد: شوفيه هالريال
حمدان: شى فيه مب طبيعى
بوسالم: اشفيك على ولدى
خالد: ماقلنا شى انزين ههههههههههههههه
سعيد: ماعليه بنشوف شو يابلنا

الا و اشوى يدخل سالم عليهم و هم يطالعونه مستغربين هذا سالم والا لا وقف بوسالم من شافه
بوسالم: ولدى سالم
سالم: هيه نعم بووويه
ام سالم: ووووووويه ياولدى ياربى (تحظن ولدها)
حمدان(تقرب من اخوه سالم): ووووووووووووويه ياخوى ياربى (يحظن اخوه)
ام سالم: عنلاتك تقلدنى (تضربه على جتفه)
سالم: شحالكم
بوسالم: و لله بخير من شفتك شو مستوى فيك
سعيد: ماشاء لله عليك يا ولد عمى
سالم(يغمزله): و لا يهمك يالنسيب
سعيد(مستحى): لله يخليك

يدخل عبدالله و لد سالم اول ماشاف ابووه ما عرفه بس اتقرب منه سالم ..
سالم: عبدالله انا بابااااااااااااااااه
عبدالله: بااباااااااااااااااا (بفتح ثمه)
سالم: هيه بابااااااااااه
عبدالله (يركض): بااااااااااااااااااااااااباااااااااااه (يطبح فى حضن ابووه )

الكل كان فرحان و مستانس على سالم طلع سعيد وخالد سايرين المول ونزلن البنات وسلمن على اخوهن وبعدين نوره نزلت اشوى شوى لانها كانت حامل ماخبروا سالم ...
نوره: السلام عليكم (اطالع سالم)
الكل: و عليكم السلام
سالم: شحالج نوره
نوره: بخير لله يسلمك
سالم: شو مسوووين
نوره: و لله بخير
عبدالله: بابااااااااه انته تحبنى انا بس
سالم: هههههههه بس انته
حمدان: لله يعينا يوم بيكون عندك اخو شو بتسوى
سالم(يطالع حمدان): اخوووو
ام سالم: هيه نعم حرمتك حامل ياولدى
سالم: صدق نوره
نوره: هيه (مستحيه)
سالم: لله يبشركم بالجنه ان شاء لله قولوا امين
الكل: امين
فيصل: عيل وين حلاوتى
عبدالله: هههههههههههه تعال بعطيك حلاوه
فيصل: اريد جلكسى
عبدالله: لا تايم اوت
فيصل: لا انا ما احبه
عبدالله: انته تحبه لانك تحبنى
فيصل: يالله فديتك انا تعال

قام حمدان من مكانه ساير صوب الدرى و حس بنفس الحاله ترجعله حط ايده على قلبه وويهه استوى اصفر و بالصدفه كانت هندوه نازله و شافته
هندوه: حمدان شو فيك

حمدان رفع عيونه وهو يعرق و يتنفس بصعوبه وماقدر يرد على اختى ...تقربت منه هندوه و مسكت ايده شافتها كلها عرق الا و اشوى طاح حمدان مغمى عليه
هندوه: حمداااااااااااااااان (تصرخ)
كل للى فى الصاله سمعها و طلع برع و هم خايفين
فيصل: حمدان قم قم (يتقرب من اخوه بسرعه)
ام سالم: ولدى يويلى عليه (تصيح)
سالم: فيصل قم نوديه المستشفى
ام سالم: نوره عباتى

و تسمع شيخوه الصدعه تحت و تنزل وشافت اخوها سالم و انتبهت ان حمدان طايح مغمى عليه ويهه مصفر
شيخه: شوووفيه
سالم: مافيه شى (يطالع فيصل) يالله انسير

سار سالم و فيصل و امهم و ابوهم صوب المستشفى اما فى البيت كلهم على جمر قاعدين ينتظرون شو اخبار حمدان ...

::++ فى مستشفى توام++::

ام سالم: شو هذا محد طلع من الدخاتره ياولدى
سالم: عينى من لله خير امااايه ما بيصير الا ماكتب لله لنا
بوسالم: يزاك لله الف خير ياولدى

الا و اشوى يطلع الدكتور ....وكلهم راحوله

فيصل: هابشر يا دكتور شو فيه عساه بخير
الدكتور: نحن محتاجين نعمله غسيل معده
ام سالم: وليش شو يعنى
سالم: شوفيه بالظبط
الدكتور: انخفاض فى خفقان القلب بسبب انه اكل او شرب شى حار وايد اثر على صحته و طبعا وصار له التهاب فى المعده من
فيصل: التهاب فى المعده
بوسالم: لا و لله
الدكتور: شفنا بقاياه فى جسمه و رتفعت حراره جسمه من داخل لين وصل للقلب
سالم: غريب و لله و الحين شو بتسووون
الدكتور: راح نعمل غسيل معده
ام سالم: شو تبون فى معده ولدى خلوها
فيصل: امايه يغسلونها عن لى فى بطنه
سالم: شوف شغلك يادكتور
الدكتور: حاضر

طلع الدكتور عنهم واتصل فيصل على البيت يطمنهم عليه وبوسالم اتصل على اخوه للى هد بيته وسار المستشفى ..

بوصالح: اشحاله ولدى
بوسالم: بخير ربى يعافيك
بوصالح: لله يعافيه (انتبه على سالم) سالم
سالم: هيه نعم عمى
بوصالح: ياولدى وينك غبت عنا كل هالمده
سالم: ظروف ياعمى و انا الحين بفضل لله بخير و عافيه
ام سالم: الحمدلله (تقبض فيصل من كندورته) فيصل اتصل على خالد
فيصل: وينه هو
ام سالم: سار المول مع سعيد
سالم: انا بتصل لحظه

يتصل سالم على خالد ...وخالد طبعا فى المول مع سعيد يرمسون ويسولفون الا واشوى يرن التلفون
خالد: غريبه سالم يدق على اول مره
سعيد: رد انزين شوف شو فيه
خالد: لحظه انزين

يرد خالد على التلفون
خالد: مرحباااا
سالم: مرحبتين اقول خالد تعال انته وسعيد المستشفى
خالد: المستشفى (يطالع سعيد)
سعيد: شو منوه فى المستفى
خالد: صبر انزين (يرد يرمس سالم) شو صاير
سالم: حمدان فى المستشفى
خالد(وقف): ليش شو صار فيه شو استوى
سالم: طاح علينا يالله تعال نترياك
خالد: يالله الحين ياييى

سكر خالد عن سالم و سحب ولد عمه برع الكوفى شوب الا و اشوى يدعم فى بنيه

خالد: سمحيلى ختيه
البنيه: مسموح الغالى
خالد(يطالعها من فوق لتحت): الغالى ؟؟!!
سعيد: انسير انته

ساروا بسرعه و خلوا البنيه اطالعهم ....